أحتاج تجاربكم مع الحج

السلام عليكم ورحمة الله وبركاته
كيفكم حبيباتي..
الله يسعدكم جميعاً وين ما كنتم

انا انسانه قلبي متعلق بالحج.. كل سنه اعيش حلم ولما يجي وقت الحج اصير قدام الشاشه واتحسر..وضعي المادي متوسط والحمد للهوكذلك محارمي.. ولكن العزيمه عندهم صفر.. كل مره يتحججوا باعذار اعتبرها تافهه بالنسبه للحج.مرات بالعمر اننا لسه صغار ومره بنغير سياره ومره الحج يحتاج مبالغ.ووو. ومع انه كللهم بإمكانهم يجمعوا تكاليف الحج باشهر معدوده لو يبغوا..

خلاصه الموضوع..
بحكم انه باقي عالحج متسع من الوقت نضبط له فرصه اسأل اخواتي اللي حجوا ومادتهم كانت بسيطه افيدوني كيف قدرتوا تقنعوا محاركم بالحج.؟ عطوني وسائل تسهل جمع تكاليف الحج..؟ عطوني نصايح للي متساهلين مع الاستطاعة.. اوصفوا لي الراحه والشعور الحلو بعد الحج.. يمكن وحده منكم يكتب لها ربي تشجعهم وتكون سبب لحجهم وتفوز بالأجر وهي ف بيتها

انا ما اعترض بالعكس كلي رضا باللي كاتبه ربي ولكن الحج يستاهل اني أسعى واجتهد واوصل له بإذن الله ..وما يمنع اني ابذل كل الأسباب مع توكلي على الله.

ويمكن تقرأ كلامي وحده مستطييييعه وعندها القدرة تحج .. نصيحتي اعزمي من الان انك تحجين هالسنه أبدي جهزي شنطتك وادعي ربي ييسر لك.. والله انها فرحة تستاهل وأنت كذلك.
يا رب انك تكتبها لي ولكل وحده تتمناها و تيسرها لنا وتتقبلها منا خالصه لوجهك الكريم
انتظر ردودكم.