أحتاج لـ متطوعة تتابع حفظي القرآن ولها الأجر إن حفظته كاملاً ..

السلام عليكم ورحمة الله وبركاته ، 
حبيباتي عضوات عالم حواء أدري إن هذا أول موضوع لي بس يعلم الله من متى وأنا أتابع هالموقع الجميل اللي جمع كل الحوائياات مااشاء الله ، والله يجزى على من قام به و من ساهم بنجاحه خير الجزاء .. ♥️♥️

أقول لكم موضوعي مثل ماهو مبين بالعنوان أنا إنسانه طمووحة ولسى طالبة بالكلية ولست متزوجة وعندي ووقت كثيير فاضي فـ أحتاج أي شخص يتطووع ويتابع حفظي ، ليش لأن لي أكثر من سنة وأنا أحاول أختم سورة البقرة ماقدرت !! شفتوا القهر يعني السورة سهله وعارفة فضلها كثييير ومشيت بالبداية لحد ماوصلت صـ42 تقريباً أو أكثر بس ماادري وش صار لي وتركت الحفظ وكم مرة احاول ارجع وبعده اترك ووووكذا المهم تعبببت مممرة مع إن أبوي الله يحفظه يححب يتابع حفظي ويرضيييه كثير هالشي بس ماادري ليش ماابي ابوي ، وغيره صديقتي ماشاء الله تشجعني كثييير بس صراحه صرت استحي اطلب منها تجي تسمع لي ، أحس إني آخذ من وقتها وانا طبعي مااحب اثقل على احد .

واشوف صديقتي اصغر مني بسنتين ختمت القرآن ماشاء الله 😭😭😭
وأنا لو بشد الهمه والقى من يتابع حفظي يمكن بسنتين اخلص واختم القرآن ان شاء الله .. 
وكنت التحق بدار بس لما كنت ادرس ثانوي ، اللحين صععب امسك دار مع دوامي .. حتى لو بالاجازة مااقدرر 😩😭.. 

المهم وضح لكم كل شي أظن ؟ 
فـ ياليت القى وحدة بس تتابع حفظي ، أعطيها رقمي بالواتس ومااقول تسمع لي .. لا 
بس ابيها كل يوم تضغط علي وين وصلتي و ايش بتحفظين .. كذا يعني اقدر اقول ان همتي تتغير و يارب اقدر اختم القرآن ،، 
صراحه صار ختم القرآن أعتبره من مشاريع الحياة ، وحسيت اني لو بتخرج من الكلية قبل مااختم القرآن ما اعتبر نفسي سويت انجاز ولا رح افرح من قلب 😭😭
لأن في مشروع أهم من مشروع الدراسة ما أديته ..


يلا تكفوون لا تخيبوون ظني ... انتظركم 

أحبكم 🌹♥️