أنتي تحبي بزوجك بس أغلبنا ما نشعر بالحب الا بعد ما يشاركنا أحد بالأهتمام وهذا وضعك الحين الغيرة شعور ما تعرفه الا امرأة عاشقة لزوجها لو كنتي ما تحبيه ما أهملتي عيالك الحين وتفرغتي له تراقبيه وتدقي زوجته بالكلام

أنا أنصحك تغيري نيتك والله بيغير حالك والنية الشر ترجع لصاحبها أنتبهي لا تكرهي زوجك فيك أكثر بأسلوبك

كانت نيتك تحرقي قلب زوجته وتقهريها بمسألة الحمل ورزقها الله وأبطأ عنك الحمل رغم محاولاتك الكثيرة
كانت نيتك تقهري أم البنت بالحفلة وتغيضيها وتقولتي عليها بكلام وهذا بحد ذاته اثم ذنبين كبار كسبتين غيبة و كذب وتشويه صورة فكانت النتيجة كشف زوجك لكذبك وخطبها وتزوجها

كانت نية أم البنت لا تريد أن تقهرك بزواج زوجك ورأت عتب على رفض الخطبة وترحيب وسلام فأطمئنت بعد كلامك ولم تغافلك وأتصلت للتأكد ان كنتي على رأيك فلم تبدي معارضة

شعور مؤلم زواج الزوج غيرة ونار بس نرجع للأحداث وراء لو ارسلتي وحدة من الحريم تشرح للأم البنت موقفك بعد ما اتصلت لك أنك كنتي تمزحي معاها لا أكثر وما ودك بزواج زوجك بيتم الزواج؟؟

أعتقد الي جارحك الكبت والكتم تكلمي وفضفضي لزوجك وقولي له هو شخصيا بترتاحي زوجك رجل عادل يخاف الله ما خانك كل شيء أمامك بعض النساء زوجها يستغفلها ويخونها بالحرام أيش رايك؟؟

أحمدي ربك يا شيخة بعض الرجال اذا تزوجوا الثانية حرضته على الأولى وعيالها لا حقوق بفراش ولا نفقة ولا معاملة ويمكن يسكنها مع الأولى وأنتي بالعكس مع عيالك وببيتك ومعززة مكرمة وكل الي طالبتي فيه حصلتيه أيش تبغي أكثر؟؟

تبغيه يطلقها ؟؟ أولا أنتي أم وعندك بنات الموقف الي تقهريه وتنزلي الدمعة بعيونها دين بيرجع عليك ببناتك أو فيك أنتي شخصيا للأنه ظلم وقهر لبنت صغيرة انتي تستقوي عليها ما عندها سلاح الا الدعاء أتقي الله في دعواتها

أردتي أن تخفف نار صدرك زوجي زوجك ببنت وصغيرة وأصغر من زوجته الثانية وقولي يا بوفلان الزواجة الأولى أنت اخترت وانا كنت مش راضية وفي نار بصدري تجاه زوجك ما تنطفي الا اذا زوجتك
على الاقل هذا حلال وذاك حلال ويعدل بينكم وسلامتك من القهر

آخر شئ اتمنى تتحملي صراحتي أنا اشعر ان ودك بالحمل بهالسن بالتحديد كونه قريب سن اليأس بغض النظر عن زوجته لحبك للأطفال اذا غيرتي نيتك وصفيتيها لوجه الله سيرزقك الله كل ما تريدين

بنصحك لوجه الله بمجالس الحريم لا تذكري شيئ عن حياتك الخاصة أنا شخصيا جالست الحريم والحريم الكبار يقولن اذا شفتن وحدة بمعنى تتعمق وتدخل بتفاصيل حياتها الخاصة وتمدح فهي مفتقدة هالشيء وفيها عقدة نقص وتلاقي الحريم يطلعن من المجلس من هنا ويحللن وحدة تقول صدق وحدة كذب وحدة تضحك ونفس الوجوه بتقول لضرتك ما عليك ما قالت هالكلام الا من القهر للأنك صغيرة وحلوة طنشيها أهم شي زوجك وراحته ...

تقبلي أحد يقول هالكلام عنك؟؟ أنتي ما شاء الله امرأة أم عيال وهالأحاديث ما تليق فيك تليق بمراهقة صغيرة او قليلة عقل وأكيد أنتي أعلى من هالمستوى
:):):):):):):):):):):):)

والرجال هذا الي تقهري بنت صغيرة علشانه ما بيدخل معك بقبرك ولا بيوقف معاك بيوم الحساب الدنيا فانية وما تسوى الله يصلحك يا رب

البنات ماقصروا

بس انتين غلطانه ثم غلطانه ثم غلطانه

وزوجك ماعليه ملامه

حاول معاك بس مانفع وصبر سنين

مدام انك ماتحبين زوجك ....ليش تغارين عليه اعرف حريم ما يحبن ازواجهن ويفرحن لو تزوج وانشغل عنهن بالمنام ومقابل وجهه علا قولتهن .. واذا على كلاام الناس ومقارناتهم ماعليكي منهم انتي خلك واثقه من نفسك ولا انتي اول وحده ولا اخر وحده زوجها يتزوج عليها بدال الوحده ثنتين وثلااث .. انسي كلاام الناس ولاتعطيهم اهتمام وعيشي حياتك وانبسطي ..والحمل ماعرفت كيف يرد كرامتك .. خلي عنك بس تعب الحمل عندك خمسه نعمه من الله خلااص اهتمي بنفسك وانبسطي .ز الحمل يهد الحيل .. وانتي عندك اطفال ..

والله انا شايفه زواجه خير لك ذوب الثلج اللي فيك

الرجل ماتزوج الا يبي لبس وقمصان نوم إغراء اللبسي  وبالفراش لاتقصرين معه خليك زوجه وعشيقه سوي له مساج  يعني ريحيه