أحترت معه ان سكت انغبنت وان تكلمت تهاوشنا

السلام عليكم ورحمة الله وبركاته
زوجي سلمكم الله من فتره وهو يبي يزور اهلي وحددنا يوم وصارت مشكله بين ابوي امي وارسلت الوالده رساله تعتذر منه انه يأجل الزياره بسبب ظروف وهو من يومها زعل ليش يعتذرون مني ويردوني هذي قلة ادب من امك تواعدني ثم تعتذر وعذرها ايش بسبب ظروف وش قالولها تصرف بزر قلتله سبب اعتذارها كود يهجد قلتله انها متهاوشه مع ابوي وتركت البيت وراحت الجدتي وصعبه يستقبلونك وهم متهاوشين برضو ماد البوز شبرين وزعلان وماهمه ويقول ماعلي ليش يردوني مو على كيفهم المهم, مرت السالفه وانتهت ونسى زوجي السالفه الحمدالله عاد قلت الامي عزميه هااليومين قالت يابنتي والله صعبه البيت مغبر من سافرت الشغاله وانا اداوم وغداء الابوك وحالتي حاله والله ماالقى وقت ولا انظف البيت وخواتك يساعدون ومايقصرون بس صعبه خليها اذا جت الشغاله كلها 4 شهور وتجي وعلى راسي اعزمه ان شاءالله
قلت يمه خليها هااليومين على قهوه وخلصنا بس سدي فمه هو شرهان وزعلان ليش تردونه قالت أشوف وماردت علي وتركتها على راحتها
المهم نجي الزبدت الموضوع زوجي يقولي اذا رحتي الجدتك وفيه اهلك ارجعي مع سواق اهلك خلي اهلك يوصلونك لانه انا اتأخر عليك
المهم اليوم وصلوني اهلي ولا زوجي عند باب البيت نازل وتنزل امي وتسلم عليه وسواليف ومن ضمن السوالف قالت ليتك مار تاخذ زوجتك ولاهاالمشوار اللي طقيناه وضحكت عادي يعني بمزحه قالتها وانا الشاهد كنت جالسه اسمع كلامها كان جدا عادي قال زوجي ابد لو داقه علي مريت اخذتها بس مادقت حتى هو رد عليها عادي ومو باين انه زعل او تحسس من كلمتها المهم راحو اهلي
وجاني يتشره وزعلان امك وش دعوه تقول كذا خير سلامات تراه سواق اللي جايبك عادي وش فيها لو وصلوك وقاحه امك تقولي ذا الكلام قهرتني وش قلة الادب قال ايش قال ليش انت مامريتها ولا خليتنا نطق ذا المشوار ياشيخه روحي اللي يسمعك انتي اللي تسوقين جالسه ومتكيه والسواق يسوق فيك عاد وش ضارك اذا وصلتي بنتك وماغير يتحلطم وزعلان على امي
قلتله يا فلان اذا زعلت من كلمتها قولها بوجهها مو تضحك بوجهها ومن وراها تحش وبعدين كلامها جدا عادي ياابن الحلال انت متحسس عادي مشي
قال انا متى اشوفها عشان اقولها اللي بقلبي ..
انا اسكت وطنشت وخليته يبربر ويطلع اللي بقلبه كله
بس بيني وبينكم ضايق خلقي ومابي زوجي يكره امي والله انها تحبه وماتسميه الا ولدي وكلمتها ذي من غير قصد
والله يهديه زوجي كان يموت فيها مدري وش اللي قلبه عليها
تكفون وش الحل ياحلوات لازم احلها لانه مو من مصلحتي ابدا زوجي يكره امي
والشي الثاني والاهم هل تشوفون ان زوجي له حق يزعل من الوالده وهل كلام الوالده يزعل بكل صراحه ابي تجاوبون
يابنات قبل تهاوشت معه وقلت حدك عاد كلش ولا امي الدرجة بكيت عنده من القهر ولا نفع وقال انا طبعي كذا حتى مع امي وقح اذا تنرفزت تنرفزت قالها بالحرف الواحد حتى مع امي وقح وانا اشهد اشوفه مع امه عصبي وش اسوي اتطلق يعني عشان ارتاح هو عنيد وامي نفس الشي ماسكه معها ماتبي تستقبله الا اذا جت الشغاله وش اسويلها ...