أحتـاجك دعواتكم / لي ولزوجي :(

السلام عليكم ورحمة الله ..
كيفكم ياحوائيات إن شاء الله إنكم تمام ..

بنات عندي مُشكلة مأرقتني وما أقدر أشكيها
لأحد إلاّ إنتوا .. بالأخص هي تخص زوجي ..
ونفسيتي تعباااااااانة من هذا الوضوع عدا عن تأخر الحمل ..

أنا طبعاً أعالج عن تأخر الحمل أروح الطبيب سليمة الحمد لله
مع شوية علاجات وأُبر وبعدها يحدد لنا مواعيد للجماع إما يومياً
أو يوم بعد يوم مشكلتي إن زوجي ماعنده استطاعة للجماع يومياً
وحتى أحياناً يوم بعد يوم يجد صعوبة وهذا متعب نفسيتي بزوود
طيب على أي أساس يكون في نتيجة للعلاج إذا كان المواجهة من ثلاث

إلى أربع مرات في الشهر ..!

أنا طبعاً مليت ، ونصحته هُو يتعالج يمكن يكون فيه شيء مع أن تحليل السائل
المنوي كله أوكي مافي مشاكل .. هذا غير سرعة الإنزال عنده وأحياناً يقل الإنتصاب
عنده أثناء الجماع فنضطر لوقف العملية طبعاً مايحتاج أقول لك ايش الأثر النفسي
علي وعليه بعد كذا ..

راجع عند دكتور وتحاليل وعلاجات وكذا من بينها منشطات بس برضوا ماأحس بتحسن
وصارت عنده ردة فعل وخوف من المواجهة درجة لو في تلميح بالجماع أو شيء ممكن
يتغير لونه ويكتئب مع عزوف عن الجمااع وتفكير ويقول أحس بحرارة في بطني مُجرّد
ماتجي سيرة الجماع .. أنا نفسيتي في الحضيض بين هذا الشيء
وبين أهلي وسؤالهم الدائم ليه ماحملتِ ، وروحي عالجي وما أدري ايش طيب وش المطلوب
أقول والله زوجي عنده مشاكل مثلاً أو اسكت وابلع الغصّة ..!

مع العلم عندي بنتين الله يحفظهم .. لكن تاخرت بعد الثانية لي سنتين تاركة موانع ..


وجهوني ولاتبخلون .. ودعواتكم
بصراحة تعبببت لدرجة ماتتصورونها همي مو هم حمل وبس همي أكبر بكثير ..!