mnooor25
الله يقطع بليسك 00 توني مسويه الرد الاخير وشفت ردك وقعدت أضحك على تعليقك ورجلي طارت عيونه يتحمد ويتشكر 00 ويتفرج علي وانا جالسه أكركر
وخبرس في موضوع الرجاجيل هاليومين في الأسهم هو جالس يطقطق في حساباته وأنا أطقطق الكي بورد :)

اسمحيلي كبسو ودي ابي اترجم معاني الكلمات لغير الناطقين بالنجدي







أهلين بنات

وشلونكم حبيباتي 00 وشلونكم مشرفاتي الغاليات


وشصار من بعدي 00




ياحبيلكم 00 والله ولهانه عليكم 00


وش أخبار رجالكم 00 وشغالاتكم 00 وخالاتكم 00 وحمواتكم000 والأهم عيالكم ؟؟

هاذي مفهومه >>>>>>> بشري امتس

وسلسلة المشاكل اللي تحصل مع كل وحده بداية من كنا أطفال 00 وياحليلنا يوم صارت كل وحده فرحانه انها كبرت وأول ماشرت من السوق الستيانه 0

حللللوه اول ما شرت الستيانه (موب كنتس تقصديني)



وبعدين

تتمنى تعرس وهات تقليب وتخمخم في ذيك المخده , يابعد الدنيا تحسب بيجيها ابو خصله على جنب واسمراني وعريض المنكبين ومنعم وسكسوكه ,, وشي مانيب معلمتكم 00 و هواجيس00 وشي ماينقال !!!
تقليب وتخمخم(يعني احتضان )
المخده(الوساده)يابعد الدنيا (تعبير عن المحبه)



وبعدين

تعرس وتكسب ذاك العريس00000 هي وحظها يامملوح00ياسلتوح00 ياسنكوح 00و اللي تستسلم وتتقبل الين تتعود على شكله << أهون من العوده للمخده





وبعدها يجي موضوع

زوجي مارضى يسوي لي ولا يسافر بي وجالس قدام النت ومخليني00 وجواله مليان اسماء بنات 00وأكلي مو عاجبه 00 ولا مشغول مخليني00

مخليني (تاركني وحيده)
وان كانها عند حموله عاد هي واللي الله سخر لها
حموله(اهل الزوج)
اما تكون خالتها الله عليها وشزينها وطيوبه أو خالة عسى ماجاك منها تكفير للذنوب وزود لك في الاجر وتثقل موازينك على صبرك عليها 0

وشزينها (طيبه جدا)



خلصنا من هذا الموضوع

تجي مشاكل الحمل للي حملت ومشاكل العقم للي اراد الله له ترتاح من الخلفه0
وحبوب الحمل والولاده والبطل والعامل الاساسي في هالفتره الالتهابات 0000 والتحاميل 00


هاذي برضه مفهومه


خلصنا من هالقصه

نجي نخش بسخاين هالبزران والمضادات00 وهذا غلط ,,وهذا صح 00
وترقيد في المستشفيات الله لايجيب الشر 00 ويابعد عمري اللي في حكوميه ولا خاص حسب حظك في هالزوج << ان كانه على فقره زين و حليو وفلته ومهوب بعيد عن توم كروز أهون شوي يبرد التسبد ويسر العين ويداوي القلب العليل0

نخش (ندخل)
سخاين (الحمى)
ترقيد (تنويم)
اهون شوي (اخف وطئا)
التسبد (الكبد)

نجي بعدها اتحاد عظيم بينك وبين زوجك تنسون فيها كل اللي فات

وتضحكون على الماضي وعلى كل تصرفات وشغلات كنت في وقتها تبكين منها لكن لما صارت ذكرى تحولت الى نكته 000 الله المستعان






ندخل في مشاكل عيالك اللي صاروا تماسيح

بالنسبه لي من يوم صار الواحد عمره 14فكر نفسه رجال ومسك السلم بالعرض 00 وهات يامرجله00 يابعد عمري ويفرك ذاك الشنب يبيه يطلع بسرعه 00 ياتسبدي

مرجله (يفعل افعال الرجال)

تسبدي (كبدي)



الى الحين هذا آخر مرحله وصلتها






اللي باقي اعتقد عرس العيال

والله يستر مايغار ابو العيال يبدا يتحكحك يدور العرس
وانا ابدا اتعامل مع الفكس وحبوب السكر 0




هذا ان ماطمرت للبنان اتمسمس وأنفخ الخدود واسوي غمازات وأطير الشعروأصير كبسوله عجرم
وأخلي أبو العيال يتسدح 00 ويدور الأزرق<< انتم اكتشفوا ايش الأزرق

اتمسمس (اشد جسمي )

يتسدح(يتقلب)

الأزرق (اتحداكم تعرفونه) :30:




وشلونكم عساكم طيبين


000انتم وين وصلتو؟؟ وينكم فيه الحين ؟؟





شرح ومعاني الكلمات

مملوح ............... وشحلوه وشزينه

سنكوح............... عكس مملوح

سلتوح............... ياويل تسبدي مهنا قريشات

منفهق.............. دقوا الجوجل الين يطلع لكم شايب ويعلمكم

وش رايتس بالترجمه موب خطيره

هههههههههههههههههه هلا والله بكبسوله ضحكتينا على البدايه بس يوم وصلت لبنان ضاق خلقى شوى يعنى يبيلنا شفط وتركيب وتضبيط عشان مايطير ابو العيال منا على جذيه حياتنا كلها ركض مراكض متى نرتاح

ههههههههههههههههههههههههههه يلعن ابو الترجمه