أحد المواضيع جرحتني وذكرتني بماساتي(اسالكم بالله ثبتوه حتى الكل يقراه ومنهم المعلمات)

السلام عليكم

سبحان الله قد ماانا متعلقه بهذا المنتدى واحبه حييييييييييل الا من خلال تصفحي اليوم ذكرني احد المواضييع بماساتي ايام الدراسه والحاله الا وصلتني لدرجه أكل حبوب نفسيه وانا ماتجاوزت او بالاصح مادخلت عمر
العشرين فوق كذا انا مااطلب منكم الا اترجى كل عضوه قبل تندر موضوع تقيس موضوعها بالعقل ربما
تكتبي موضوع وتنسيه وفي غيرك يرجع لها ماساتها ودموعها لانك ذكرتيها باااايام كلمة المر قلييييييله بجوارها .

بدايتنا انا كنت اتصفح بالمنتدى وطاح عيني ع مووضوع الله يسامح صاحبته بس كتبته بطريقه اسمئزاز وربما كانت صحيح انها متاذيه بس مو لدرجة انها تستعمل بعض الالفاظ الجااااااااااااااااااااااااااااااارحه وخصوصا بعض الردود زادت النار حطب كان بامكانها تنزيل الموضوع بصييغه عاااااااامه فالمهم بذكر لكم قصتي.

انا من عمري 11سنه وكنت وقتها اعتبر طفله لانني حقا مااعرف شي واخجل من الكلام ضنا مني اقابل فضفضتي بما يعلق او يتريق على بدات هالمرحله بخروووووووج روائح من جسمي فضيعه لدرجه والله العظيم كنت امي تشتري لي مجموعة العطور ولوشنات وبخاخات والله العظيم كنت استخدم بودرات والملابس تتغير يوميا كنت اتحمم في الاجواء البارده قبل الخروج للمدرسه وكان ايامها برد شديد كنت اتحمل واضغط على نفسي كنت اخرج من بيتنا برائحه عطور ولوشنات ولكن بمجرد ماادخل المدرسه تنقلب الروائح لروائح عفنه وراح اذكر لكم السبب كنت اقسم بالله فصلنا بالطابق الثالث واستحاله اجلس الا بزاوية الفصل ضننا منى تخف الرائحه وفي نهاية الدووووووووووام البنات ينبسطوون اذا دق الجرس ويتسابقون لنزول للساحة للانصراف وانا ماكنت انزل تدرون شنو كنت اعمل؟؟ كنت انتظر لييييييين الكل ينزل ومايكون فيه بالطابق احد وبعدها انزل تعرفون يامعلمات ويعضوات لييييييييييييييييييييييش؟؟
انا اخبركم حتى مااحد يشم الرائحه الا تخرج منى بدون يد لي فيها ,كنت اجلس مع البنات واسمع التعليقات مثل الموووووووس العارض فكنت ابلعه واسكت عدى المرحله ودخلت لمرحلة الثاني متوووسط وللاسف كاااااانت من اشد السنين مراره تطور الوضع الى ان احد المعلمات تعمل لي حركات تغيضني وتضايقني فالمفروض معلمه وكبيره وفاهمه تقددددددم الاسباب ولكن هي ماقدمتها كانت اذا قربت منى طلعت منديل وحطته على خشمها قدددام البنات والحركة الثانيه اذا قربت منى تهفهف عليها بالكراسه طيب مو قادره ياام المستقبل ياقدوه اكتبي نصيحه بورقه وحطيها بشنطة الطالبه مو قادره فيه مائة حل حتى توصلي نصيحة لطالبه دون تجرحي مشاعرها المهم تطوور الوضع الى انني في الحصة الرابعه (شوفو عمري الان 27 سنه ومانسيت وقت الفسحه ايام المتوسط)اذا دق الجرس اخلي البنات كلهم ينزلون وانا اختبئ حتى مااحد يشوفني وينزلني غصب عني للفسحه وتطلع الروائح وانا بجوار البنات كانو البنات ينزلون يتفسحون وانا بالفصل لوحدى جالسه والمصصصصصصصيبه ليتني كنت افطر لا والله جالسه بمكاني مثل الشنطة مااتحرك واذا قربو يجون الطالبات رحت بسرعه لدورة المياه حتى ماينتبهو لي اني مانزلت وتزيد جراحي اموووووووت وماانسى وقت البنات مااحد رضو يجلسو بجواري وانتم عارفين طالبات المدارس يسوو من الحبه قبه فكنت لا اقدر ادافع عن كرامتي ولا قادره اقول شي فكنت اناضرهم وكل وحده ترمى المقعد او المكان على الثانيه انتي تجلسي والثانيه تقول انتي اخر شي وحده لاحظت عليها حزنت على وجاءت جلست اموت ماانسى هالموقف .اااااااااااااااااااه كله الا المعلمات منهم ماهو حكيييييم واذا دخل بصيغه غير مباشره فتح المكيف وفتح الباب وتحمل ع الرم احلف لكم بالله مو لدرجه الروائح تكون بهذي القوه ولكنني معترفه اني فيه رائحه وفيه من المعلمات الى الان ان جلست انا وبنات جيرانا وذكرو اسمائهم ادعي عليهم لان كانت مثل الجروووووووح لهذا اليوم كانت تقول لنا بصيغه احتقار انا بااشتري على حسابي بودرة المسك بعشره ريال واوزعها ورزقي على الله كنت وانا اسمع هالكلمة اتمنى الارض تنشق وتبلعني كان بامكانها تقول باسلوب اخر اسلوب فيه حنيه مو اسلوب تحقيييييييير فحسبي الله عليها كنت اجيب كراستي او دفتري عند اي معلمه تخيلو مااقرب منهم لااااااااااااااااااااااااااا ابعد مسافه طاولتين عنهم انتم معاااااااااااايا كل ذا وانا مالي ذنب بهالعذاب كله بعكس كنت انظف منهم باهتمامي وماركة المزيلات والعطور. كنت اذاكر وابذل مجهود ولكن بمجرد ماادخل المدرسه تضيع المعلومات كنت اجيب النتيجه ضعيف ومقبول ومو عارفه ليش فكانت النفسيه الاثر الكبير .كنت اجي من المدرسه ومااتغدى مع اخواني حتى مايشمو رائحتى كنت اتغدى لوحدي (كنت اخجل وقتها اخبر امي بالمر الا اشوفه وليتني خبرتها)كنت متوقعه السبب منى مو من شي تاني عديت اولى متوسط ومرررررررررررررارة وضيم ثاني متوسط وينتيجه ع الحافه غرم امتيازي بالابتدائي .دخلت ثالث متوسط واستمرت المعلمه بمضايقتها لي (الله ماشفناها بالعقل عرفناه يعني وحده مريولها نظيف ومكوي وجديد وشعرها مرتب ونفس الرائحه مستمره من اولى متوسط ومن سوء الحظ في الثلاث المراحل درستني المفروض تكون ارقى وتفكر ان هالشي مو طبيعي فالوسخ وسخ بكل شي صح اولا؟؟)
المهم كنت اذا اذن الفجر كان بعيد الشر رائحة لقبري مش مدرسه بسبتها ارجع من المدرسه مااتغدى ادخل فراشي واجلس ابكى لين يغطني النووووووم المهم قابلت كل هالحركات بسكوت طفله لاتلؤموني وخاصه كان وقتها يلب على الطبع الكتووووووم كانت وحده من المعلمات تمر تشوف الواجب وكنت اخذه معي زجاجه صغيره عطر فكانت تجئ الى حدي وتقول وساخه وعطر ماتجتمع!!!اسالكم بالله هذا طريقة لمخاطبه ؟؟ وكالعاده ارجع البيت دمووووووووووع لين انام قدر ربي وتخرجت وسبحان الله ماكنت ادعي عليها وانا بالثانوي وصلني خبر ان هالمعلمه صابها سرطان في احد اعضاءها؟؟شوفو جزاءة اذية ذقت المر والعذاب فوق عذابي منها وربي وراني قدرته عليها المفروض تتفهم واضعف شي بطريقة ثانيه توصل لي النصيحه المهم استمر عذابي بالثانوي ولحد ماوصلت الجامعه دخلت الجامعه وكنت وقتها اتعرف ع صديقات فجاءه يبعدون عني ويتركوني وحيده صرت انهار وسعيت بكل الطرق لترك الدراسه ولكن اهلي بالمرصاد استمر فاستمريت واستمر عذابي وصلت لدرجه اكل حبوب نفسيه تخيلو وانا مادخلت سن العشرين .واهلى مو عارفين بشي لكن كنت متوقعه انهم راح يتشمتو بي وهذا ماحدث صرت اقفل على الغرفه واطفى النور واجلس ابكي لاحظ اهلى تغير ي وودوني شيخ ومن هنا بدات قصة الضيييييييم الاكبر
طلع معي اذبيت جان ومس شيطاني وربط وحسد ماانسى وانا امسك تنورة الراقيه واترجاها تريحني من هالعذاب كانت تقولي هذي مو رائحتك رائحة الخبيث الله يسعدها كانت تعطيني عطورها وعود للجسم حتى مزيل العرق كانت تعطيني حقها طبعا هي بنفس الوقت كانت وكيله بمدرسه وراقيه كتب ربي وعدت السنين وانا تروح الرائحه وترجع تخرجت من الجامعه وسبحان الله بمجرد ماتخرجت والرائحه تنقطع عني والفضل يعود لله ثم الرقيه الشرعيه ولكن هل بعد هالسنين تتوقعون رججعت الثقه ؟؟لا والله الثقه مهزوزه بسبب عبارات ومعاملات من وكيييل بتربية الاجيال المستقبل ..

كتبت لكم قصتي حتى تقدمون بكل شوؤنكم احسان الظن وتراقبو الله فيما تكتبوه حركات يمكن نسوها بس الى الان وجروحها ماطابت واتمنى التقي في هالمعلمه ليس لشي وانما حتى ماتجرح غيري مثل ماجرحتني
الان ابشركم زواجي بشهر 3 دعووواتكم ان الا شفته بحياتي مايتكرر بعد زواجي