رومانسيه الله يجزاك الجنه و والديك بس ما قلتي ايش أحسن ماركه

انتي محتاره مثلي قبل فتره بس قررت اني اسس لها الكهرباء والمويه والتصريف بجنب غسالة الملابس والكل حبيباتي بالمطبخ
رصيتهم جنب بعض وكلن له فيشه ومددت المويه مخفيه وضبط الوضع
وشريت غساله مو غاليه ولا مشهوره على قد امكانياتي حاليا من هاس اخذتها ب1500 توها جديده
تبرد الكبد ومرررررررريحه
اغسل بس مره باليوم اكدس المواعين لاخر اليوم واغسلها واصف المواعين وانوم
المنظفات نعم لها منظفات خاصه
تكلفتها مبدئيا مع الملح 120ريال
توي شريت الملح والمكعبات والملمع والمعطر والصابون الباودر
شريت من لولو ماركة
عاد كم يكفي وكم تستهلك ما ادري توي من جربتها لي اسبوع ومبسووووووطه ومرتاحه خاصه اني حامل وادوخ لما اوقف كثير
تصرف مويه كثير ما ادري بس اذا هي بتغسل مره باليوم
وانتي مواعينك مو كثيره ما تستهلك الا 7 ليتر فقط او اقل
افضل الانواع من الغسالات
الايطاليه والالمانيه والامريكيه
الاسعار حسب من 3000 الاف وطالع وممكن تلاقي اقل من الالفين
وممكن ب1350 وممكن مثل غسالتي ب1500
بس لو امكانياتك تسمح خذي الافضل
المواصفات اللي ممكن تشتري فيها غساله الصحون
تكون مرشاتها كثير
فيها نظام غسل الرف لحاله او الرفين معا
لو لقيت الخاصيه اللي تفرم بقايا الطعام يكون افضل
فيه 7 انظمه وفيه 5 وفيه اكثر
وعندك من ال جي نوع جديد تتحسسس مدى الاتساخ
وتغسل اتوماتيك
وانتي لفي السوق
واشتري شيئ له وكيل معتمد
ويكون مشهور بمنطقتك وتكون خدمتهم زينه
وابعدي عن سامسونج لان خدمة ما بعد البيع سيئه وبطيئه لو احتجتي لهم
والله يوفقك

توكلي على الله واشتريها أنا شريتها قبل رمضان بكم يوم واحمد ربي أنه هداني لشرائها ريحتني من هم الصحون والاكواب مايبقى لي الا القدور الكبيرة من جبتها قررت فعلا اني استغني عن الشغالة شغالتي راحت من اربع شهور ومافقدتها بشي الا المواعين يوم شريت الغسالة ماعاد للشغالة داعي .
أحسن ماركة ارستون ايطالية وسعرها بحدود 2500 يزيد او ينقص . ولها صابون خاص اسمه فانيش مكعبات وملح خاص كلهم تلقينهم في كارفور . والله انها نعمة الله يخليها لنا .

تريحك من كل شي ماعادا القدور والشغلات المعدن ماتصلح لها تشهب لونها لأنها تغسل بموية حاره
اما اذا قدورك تيفال او ستانلس ستيل فهي تمشي معها عادي ماتتأثر

وباقي التساؤلات ماقصرو الأخوات بالاجابه

اشتريها انا ماعندي لانه مطبخي صغيرمافي مكان لها ابدا بس على مدح البنات استنى متى انقل من بيتي وراح ادخلها قبل مادخل انا اكره شئ بحياتي المواعين
الله يوفقك بغسالة تريحك وترى اغلب الغسالات بانواعها حلوة بس الاختلاف في المميزات والانظمة
وعلى فكرة الغسالة صديقة للبيئة من توفيرها للماء ونوع الصابون كمان وهيئة المحافظة على البيئة بالتلفزيون تنصح كل الناس بغسالات الصحون والملابس الاتوماتيكية