أحد يعرف مرض اسمه الجده ,, الحقوني بنتي تعبانه مررره

السلام عليكم ورحمة الله وبركاته
بدايه اعتذر عن طرح الموضوع بهالقسم بس لاني مو عارفه المكان المناسب
والشي الثاني ابي استفيد من خبراتكم لاني اعرفكم ماتقصرون بتقديم اللي تعرفون الله يجزاكم كل خير ويثيبكم على مساعدة بعضكم البعض

باختصر الموضوع لاني بحاله نفسيه سيئه جداً
بنتي مولوده في الشهر السابع جلست بالحضانه شهرين بعدين طلعت
كانت صحتها الحمد لله بخير وعافيه
بعدين صرت الاحظ ان المنطقه مابين عيونها تنتفخ والبنت تعصب مره وتخاف من ادنى شي
بعيونها خوف مو طبيعي
المهم شافتها وحده من جاراتي وقالت لي بنتك عندها مرض اسمه الجده << طبعا هالكلام بدون مااشتكي واقول ان بنتي مريضه الحرمه لاحظت من حالها
وقامت توصف لي وتقول صح بين عيونها ينتفخ وتعصب وتخاف قلت ايه قالت هو مرض معروف من زمان ولازم بنتك تتعالج
لان المرض لو نزل في بطنها احتمال تمووووت

المهم وديتها للحرمه ذي لانها قالت اعرف اعالج من هالمرض
ولما وديتها مسدتها بزيت وفيه بارود وحطت على اصبعها ودخلته بحلق البنت وطققت ظهرها ومفاصلها
المهم جت بتشرب البنت من الزيت اللي فيه بارود انا رفضت خفت صراحه لان معدت البنت يمكن ماتتحمل وهي صغيره بالشهر السابع تقريبا
قلت لا
قالت خلاص خذي البنت الحين ومن اسبوع لاسبوعين بتلاحظين انها تستفرغ ويجيها اسهال واذا حصل لها هالشي
يعني انها تشافت بحمد الله

مرت الاسبوع والاسبوعين البنت مااستفرغت ولاجاها اسهال ومرت الايام
والحين بنتي عمرها سنه وشهرين وماتقدر تحرك رجولها ابد تشدها بقوووووه اذا جيت اوقفها
وتبكي بكى مو طبيعي
واذا جيت اغير لها الحفاظ وانتم بكرامه تبكي وتضم رجولها وتصيح واحسها مفجوعه من شي

المهم تقابلت مع هالحرمه وقالت لي الاعراض اللي تجي بنتي الحين من نفس المرض وهو نزل برجولها
وتقول لازم اعالجها وقالت يمكن علاجها هي مانفع بس تظمن لي وحده ثانيه وعطتني رقمها

انا اتصلت عالحرمه الثانيه لاني والله انجنيت ومدري وش اسوي
قالت لي تعاليني قبل المغرب بعشر دقايق لازم هذا الوقت بالذات لان بنتك عندها خوف ولازم نبعده عنها
خفت من كلام هالحرمه وقررت مااروح لها

هذا الحاصل معي للحين وبنتي حالتها سيئه رجولها ماتحركها زين ولاتحبي وتزحف بس وهي ضامه رجولها بشكل غريب واذا حاولت اوقفها عليها تبكي وتشدها وماتاكل وتعصب وتخاف من كل شي
ومدري شسووي


طبعا وديتها مستشفى حكومي وقالو لي طبيعيه البنت بس لما جت الدكتوره توقفها لاحظت ان البنت تشد رجولها قالت نحولها لدكتور اعصاب
وموعد دكتور الاعصاب شهر خمسه الجاي
يعني وقت على بال مايجي

والمستشفيات الخاصه اخاف منها ومن علاجاتها

وش تنصحووني فيه
وهل احد منكم سمع بمرض الجده تكفووووووووووووووووووووووون
واللي تعرف وحده بالرياض تعالج بالمسد والزيوت ومضمونه

ردو علي باسرع وقت بنتي بحاجه لكم :(

والله يجزاكم خير جميعا