كنت كتبت عن المكتب ماهينوز اللي يجيب في 10 ايام من كينيا انه تمام وجابلي الخادمة على الوقت وكل شي لكن انا اللحين ابغى ابري ذمتي من هالموضوع
لأن الخادمة جات وكانت ماشية تمام الين مابقالها يوم على الثلاث أشهر دقت علية وأنا في العمل وقالتلي الحقيني يامدام واحد اغتصبني ونط علية وحكاية.
المهم ان انا تعبت واتبهدلت في هذا الموضوع مابين شرطه ومباحث وتحقيق وهية الشغاله مصرة على موقفها المهم في النهاية مع التحقيق طلعت ان الحرمة انا اروح الشغل وهية تطلع الشارع وعملت علاقات مع جنسيلت كثيره( وان مضطره اخلي الباب مفتوح عشلن اولادي يرجعوا قبلي )واتمسكوا كثير من العمالة في الحي بسبب هالموضوع الى درجة المحقق قال لزوجي اتنازلوا عن القضية لأن شكلها مشيها بطال وانا كنت خايفة ياعيني عليها.
المهم في هالموضوع انا ماألوم المكتب لأنها ايش دراها عن أخلاقها.
كلمت المكتب استشيرها في الموضوع والله العالم انه ماطلبت منها غير المشورة لكن هي بادرت وقالت والله ماتقعد عندك ولادقيقة واول مايخلص التحقيق تسافر وفعلا حجزتلها واشترت التذكره وقالت انا اجيبلك بدلها ولا تشيلي هم قلتلها ترى انا يمكن مااستحق احتمال تكون الثلاث اشهر انتهت قالت ماعليكي(وان بصراحة على هالأساس اعتمدت عليها) المهم سافرت الخادمة وقالت عطيني وقت مرة تجيب خادمة مررررة كبير ومرة ومرة المهم الى مادقت في يوم وقالت خلاص انا حاولت ومالقيت روحي دوري من مكتب ثاني انا ماراح اعطلك!!!!!!!!!!!!!!!!!!!!!
المهم طبعا اتفاجأت وبكل سذالجة قلتلها طيب وحكيت لزوجي قالي هذي تلعب عليكي احنا لنا احقية المشكلة صايرة قبل ماتنتهي الثلاث اشهر وفي محضر الشرطة قايلين انها لا تصلح للعمل لسوء اخلاقها وبعدين هي اللي اصرت اصرار غريب انها تسافر لكن لو اننا احنا فكرنا كان ممكن ننقل كفالتها لأنها ممتازه وفيه ناس مايهمهم شيء غير انها تخدم وكيفها تسوي اللي تسويه, فقالي كلميها وعلى الأقل قوليلها ترجع المبلغ كلمتها وكأنها شخص تاني انقلبت وصارت تقول هذا مو حقكم ووووووو(اكلت الفلوس وخلاص مع انها اغلى من غيرها حسبي اللله ونعم الوكيل)
ماكنت حابة اسلك هالمسلك وقلتلها على الأقل رجعي جزء من المبلغ مارضيت فقلتلها اجل بيننا العمل والعمال قالت بكيفك.
المهم انا حابه احذركم عشان ماأكسب ذنب لأن انا اللي مدحتها للأسف
عموما انا اللحين شاكيتها والحمدلله وزارة العمل اتفاعلت مع الموضوع خاصة ان اسم المكتب غير والختم غيييييييييير
و***** الله راح تفاجأ باستدعاء الوزارة للتحقيق.
اللهم هل بلغت اللهم فاشهد
حسبي الله ونعم الوكيل دعائي عليها في كل صلاة

Mimi @mimi_1
عضوة
يلزم عليك تسجيل الدخول أولًا لكتابة تعليق.




مشعل خير
•
افففف جزاك الله خيييييييييييييير على انك قلت لي سبحان الله خيرة من الله انا كلمت المكتب وطلعت الفيزا وعلى اساس اني اجيب من طريقهم بس مالقيت لي طلبي ولله الحمد والمنة وعسى ان تكرهوا شيئا وهو خير لكم
الصفحة الأخيرة
وتاخذي حقك
وربي يسهل لك امرك
مشكورة على التحذير