أحذروا رقاقة العظام ماقبل الهشاشه

حبيت اكتب اول موضوع وعن تجربه وان شاءالله افيدكم وتفيدون...

بدت معاناتي من 6 شهور...خلوني احاول افهمكم شخصيتي ...انا من النوع ماشاءالله حركه فالبيت

دايمن احط ايدي فالبيت مع الخدامه ...واشرف على البيت ..انظف هنيه... وارتب هناك..واغير مكان الاثاث

واحب الديكور واشتغله.. وازرع بيدي الزراعه والورد حتي الحشيش الاخضر ودايم تجيني تعليقات من اهلي واهل

زوجي...انتي ماتقعدين ..انتي لهلوبه ..انتي مابتسمنين لانك حركه....انتي مايعجزك شي....:7_5_131:

وآخر مره اشتغلت في بيت اهل زوجي معجون مكسيكي على الجدار وكانت المساحه كبيره 8في 5 متر غير الممرات

وسويت كحجر وصبغته ...وعجبهم وطارو فيه وكل اللي يجي البيت مايصدق اني مسويتنه....:confused-

وكان هالكلام قبل رمضان بشهرين تدهورت حالتي ...:09:..صرت احس كنه عظامي تنفرم ماقدر اقعد فتره طويله ولا

اقدر امشي مسافه طويله...صارت ذراعي تألمني لأي مجهود عضلي....حسيت عمري عجوز...

طبعن الوالده وعمتي ام زوجي وخوات زوجي حطوا براسي انها عين....رقيت نفسي بنفسي... سبحان الله

تحسنت على الخفيف ..جا رمضان فديته ..ورحت العمره والحمدلله كل سنه اعتمر...وتعبت كثير وادعي ان الله

يهون علي مناسك العمره...وفي السعي مشيت 4 اشواط وتعبت وقعدت ماقدرت اكمل وبكيت :icon33:ليه يارب

يصيرلي كذا..ليه انا ضعف ايماني ولا شو...وصرت اشك فنفسي :30:...واذكر كل سنه كيف اعتمر بنشاط وحيويه

وروحانيه عاليه.... وطبعن امي اقنعتني انها عين وان الناس ماتقول خير كل سنه عمره ومن هالكلام..

بعد العيد قررت اروح للطبيب وشجعني زوجي....وبعد التحاليل طلع عندي نقص حاد في الكالسيوم وفيتامين د

وعرف السبب وبطل العجب...وقالي الدكتور لازم نقيس كثافة العظام...وطلع عندي رقاقة عظام مرحله قبل هشاشة

العظام ولانك بعدك صغيره نقدر نعالجك وعطاني كورس شهرين علاج كالسيوم وفيتامين د وخلصت الشهرين وماشيه

في الشهرين الثانيه...ولما عرفت امي قالتلي انا ماقصرت فيك بالرضاعه:04: لا لا لا لا ...اكيد عين والله ان شفتك

تحطين ايدك في شي وتشتغلين لا ازعل عليك...:024:...المهم انا حالتي اللحين في تحسن بغض النضر السبب ورى

مرضي عين ولا غيره انا ثقتي بالله اقوى من تشغلني الاسباب ...والسموحه على الاطاله...:time:

نصيحتي لكم خذوا بالكم من صحتكم وعلى طول روحوا للطبيب...:27: