أحذروا نادي مستوصف السلام بالرياض

أخواتي العزيزات حلم الرشاقة خلاني ادور اي وسيلة علشان أنحف وكان النادي هو أهم شي المهم سمعت عن نادي بشرق الرياض وهو نادي السلام ورحت لا ومن زيني جرجرت أخياتي معي المهم دخلت قلت ابشوف التسجيل عندكم والرسوم ابشوف الاجهزة ماخلوني طيب ممكن اشوف البرنامج الغذائي لابد التسجيل يعني الدفع اولا

وبحسن النيه كشعب سعودي سجلت !!!!!!!!!!!! اول يوم
ثاني يوم ماصارت اولا من الزحمة بس يقبلون دون كشف او تحليل
2/ الصاله موت حر جدا جدا جدا اول يوم الككيف خران طيب ليه ماتصلحون الظاهر عشان ندفع ومانجي لانه مكتوب لايمكن استرداد المبلغ
3/ الاجهزة خربانه وتهز وغير صالحة ابدا وكل شوي توقف الكهربائي منها ومقساتها صغيره جدا الظاهر يحسبون من جنوبالصين
4/ الدكتوره سوريه نفس خايسة وماعندها سالفة ولا تسألك حتى عنك او القياسات والتطورات
5/ المدربه هنديه اسلوبه زفت وكل شوي تجي وتنزلك من جهاز تقول أوامر الدمتور لان الاجهزة نص عمر مايخلونك عليها أكثر من 20 دقيقة
6/ لي شهر ماصار اي تطور لافي مقاس ولافي وزن والسبب انهم لو تتأخرين شوي يطلعونك من المركز خلص الوقت حتى لو ما سويتي تمارين سوى ربع ساعة مع ان الوقت الي مسجلته 2ساعتان

7/ اما الممرضتان الفلبنيتان فأوقح منهن ماشفت تهاوشك وترمي بأغراضك بكل فضاضه بحجة انها تفتش على جوال الكميرا معك
8/ اما الباقي فأحذركم من الانخداع بهذا المركز اجل السير الي بكل نادي يحق لك المشي عليه وهو اصلا اساس الرشاقة يمنعونك منه واذا زدتى عن 20 دقيقة منعوك من اداء الايروبيك
هذاك اليوم


قمة الاستغلال والخداع ومو عاجبك بطلي لانه عارفين انك مايمكن تاخذين فلوسك بس ما أقول الا حسبي الله ونعم الوكيل فيهم وخسارة ذاك الشهر من الجهد والنفسية فيهم