أحذروا هبة الجزيرة

اللي سمعوا او راح يسمعون عن هبة الجزيرة أحذركم من تصديقهم لانهم بكل بساطة حرامية
طبعا اللي سمعوا عنهم يعرفون انهم في البداية راح يدفعون 500 ريال لكل سهم او مايسمونه هم مقابل شراء دسك!!!
راح يقولون لك ان فلوسك اللي هي 500 ريال وعليها زيادة 100 ريال راح ترجع لك بعد 3 أشهر.وأنك خلال 3 سنوات راح تتلقى 42500 ريال!!!
انسقت للاسف انا وبعض الصديقات والقريبات وراء هذه الكذبة بعد ماشفنا فتوى تجيز التعامل مع الشركة وان تعاملها مافيه محاذير.
دفعنا المبلغ ولم نحصل حتى على السلعة اللي هي دسك عبارة عن موسوعة والسبب حسب كلامهم نفذت الكمية وراح يوصلهم بعد فترة وراح يرسلون لنا علشان ناخذها.
انتظرنا طويلا ولم نحصل على الديسك.
ومر 5 أشهر بدل 3 أشهر التي وعودوا بها ولم يعيدوا الينا 500 ريال ولا 100 الهبة!!!
انتظرنا شهر أضافي..
راجعناهم وتحولت الابتسامات التي رسمت في الزيارة الاولى الى تكشيرة ووعيد!!!
انتظروا!!
ماوصلنا ديسكات!!!
من قال راح يرجع لكم المبلغ بعد 3 أشهر!!!لا يمكن بعد 5 أشهر ويمكن بعد سنة ويمكن مايرجع لكم شي على حسب السوق!!!
حسبي الله عليهم ولا نلومهم لكن نلوم أنفسنا اللي صدقناهم..
كتلت هذا الموضوع للتنبيه والتحذير وللمعلومية صدر فتوى تحرم التعامل مع هذه الشركة ومثيلاتها ولكنهم لازالوا يعملون ومكاتبهم تعمل والصيد وفير!!!
احب اضيف ان اللي فاهمين اللعبة زين ويتعاملون معهم ويكسبون من وراءهم فقط مندوبين لهم في البنوك وغيرهم واللي يصيدون لهم اكبر عدد من المغفلين امثالنا..وقد ترى او تسمع ان شخص فعلا اعادوا له 500 وفوقها 100 او كسب مبلغ 45500 لكن تاكدوا ان فقط طعم..