كوبونات الراقية تسجيل الدخول

زائرة •
بصراحة في السعودية أفضل شي خطبة الرجال لأنه الأم ماتجي على سيرة البنت وأهلها لا تجي على أساس البنت طويله وبيضاء وإلخ كملو بقية المواصفات اللي عارفينها تجي تتفرج ليش أكيد مو الكل قريبتي لما إنخطبت لما إتصلت أم الولد كان كلام حريم بس قالتلها إحنا نبفاها نبغاها مافي مشاورة عقل أو شي أمه وأخواته يشوفوها ويطلعوا فيها عيوب القطط الفطسه وبعدين هو خير كل العيلة شافتها

أنا أأيد خطبة الحريم في حاله وحده إنه الأم تكون شافت البنت في فرح أو حفله خلاص تكون شافتها من دون ماتحس أما اللي يدخلوا البيوت ويتفرجوا ويمخمخوا مع السلامة
بائعة المسك
بائعة المسك •
رزقي على ربي رزقي على ربي :
انا معارضة وبشدة لطريقتك اختي الفاضلة لأنها متعبة اولا يتعب الوالد ويروح ويسأل عن الولد وعن عائلتهم في المسجد في العمل في الحي أو اقارب وربما يعرفونه ويخبرهم ان الولد خاطب بنته و... و.... السؤال ما هو بسيط بعدين افرضي بعد السؤال صاروا مناسبين لنا يقوله ابوي تعال شف البنت بعدين ما تعجبه؟ وش بيكون موقفي وموقف الوالد بعد تعبه اذا ما ناسبته ؟!!!!!!!!!!!!!!!!!! وموقف الوالد إذا سألوه الناس وش صار على خطبة البنت؟؟؟ على فرض اني اعجبته بعدين اتوا اهله وطلعوا فيها كم عيب ؟ الحريم إذا ما أعجبتهم البنت طلعوا فيها مليون عذروب بتتوقعين ولدهم بيعارض ويقول لا خلاص انا شفت البنت وابيها؟ مستحيل افضل شي تجي أمه ووحدة من اخواته يعرفون مواصفات ولدهم العامه إذا اعجبتهم سألت عن الولد قبل لا اطللللع <<<<انتبهي من هالنقطة لاتطلع الوحدة وبشوفها الرجال إلا بعد السؤال جيدا والعزم على الموافقة لأن الطلعة تأثر على النفسية يمكن يصير الولد ماهو كويس وتتعلق فيه نفسها على الفاضي بعدين الله يوفق الجميع
انا معارضة وبشدة لطريقتك اختي الفاضلة لأنها متعبة اولا يتعب الوالد ويروح ويسأل عن الولد وعن...
اختي والله اعرف لك اثنين
واحد عمي خطبوله حاريمنا وحده وعلموه بصفاتها وقالوله انها مو بيضاء سمرا وان شعرها مو ناعم يعني عادي ونها دبا وانها مو حلوه
راح يشوفها رجع وقعد يهوش ويقول منهي هذي اللي قالت انها سمراء بالعكس بيضاء وزين جسمها وشعرها ناعم وحلو منهي ذي اللي ماتعرف تشوف
انا صدقته يوم شفت زوجته بعد الزواج قلت وين عيون عمي يوم ياخذها البنت دبا مو حلوه وكنت طفله صغيره انصدمت بعمي وبذوقه
الناس اذواق هو عجبه شكلها وحبها بنظره اللي هو شافها
الحاريم مايناظرون زي مايناظر الرجال

حتى وحده اعرفها تقول ان اخوها قايلهم ابي وحده بشرتها ناعمه مافيه ولا حبه وهددهم لو تنقو له وحده فيها حب شباب
تقول لقينا وحده اخلاقه تهبل وحلو بس عيبها ان حب الشباب بوجهها تقولين عرس تقول كثير حب شبابها تقول رحنا لمه قالنا له قال اشوفها
يوم شافها قالوا له وش رايك وش تقول عن حب الشباب اللي فيها قال هذا حب لولو مو حب شباب
يازينه بوجهها وتزوجها

تقولين لي يروحون الحاريم يتنقون قوليلي وش سبب عنوست البنات اللي متسترات ببيوتهن
اللي مو راعيات طلعات الا بسبب هالحاريم الفاغرات
تخيلي طلعت مع اهلي لزواج اقارب لنا وانا نادر اروح لزواج يجين انوم :angry:
وكنت جالسه مع اهلي جت وحده يعرفونها اهلي مع حاريم وسلمت علينا ماعجبتني نظراتها وراحت
بعد كم يوم جاني خبر من وحده ان هالحرمه اللي بالزواج جايه تناظرني وتناظر خواتي عشان تخطب منا
عاد وش علثتها اننا ماعجبناها قالت أننا مو اجتماعيات تقصدنا انا وخواتي ليش هي رمت الميانه عشان اوريها مادة الاجتماعيات والله عقليات ههههههههههههههه

ماادري وشلون اصير اجتماعيه بزواج ناس يقربون لنا من بعيد تبين اقوم واسحب الخلق واقولهم قوموا ارقصوا
ولاتبيني احلف على الطقاقه ماتتعب نفسها اطق انا بدالها يعني من القرامه :42:
باللهي وشتبي من وحده قاعده مع اهلها وبكل هدوء واقوم مع امي وخواتي واقعد معهم وتقولي مو اجتماعيات
منب بيضاء قولي وبس انا صفراء ولا عجبها لوني الأصفراني :39:
اشجع النصر على غفله ههههههههههههههههههههههههههههههه

الحين ليش الحاريم مايناظرون اخلاق البنت قبل لايناظرون وجهها ولونها
والله حاله

واعرف لك وحده تخطب لاخوها ولا رسوا على بنت توافق على شروط اهل الرجال
رسوا على بنت وافقت على شروطهم تنها تسكن معهم فوق بغرفتين وحمام
بس اهل الرجال معجبتهم البنت لانها كلمة شينه قليله بحقها مره قبيحه البنت
قلت لهم يابنات الحلال اكيد اخلاقها ازين من شكلها
قلت لهم خلو الولد يشوفها وهو يحدد ياخذها ولا لا وانت قلوله صفاتها قبل لايشوفها
قالوله كل صفاتها ونصدموا يوم جاء الولد وقال موافق
وبعد مااخذها وتزوجها طلعت البنت استغفر الله العظيم سببت مشاكل وسوت بلاوي
وفرقتهم يعني لا اخلاق ولا خلقه تشفع لها

يعني لو يسألون الحريم عن اخلاق البنت قبل شكلها
كان ماصار مشاكل وطلاق وبلاوي
يدورون الحريم عن شكل البنت مو على اخلاقها
So`Sweet`
So`Sweet` •
غصات الحزن غصات الحزن :
المفروض الخاطب يشوف خطيبته وهذا الشرع لانه هو الي بيتزوج مو امه ولا اخته لازم يكون مقتنع بالبنت اولا
المفروض الخاطب يشوف خطيبته وهذا الشرع لانه هو الي بيتزوج مو امه ولا اخته لازم يكون مقتنع...
غرامو
غرامو •
وربي صادقه انا اعرف بنت جو الحريم يخطبون عند اهلها وشافوها وراحو للعريس وما مدحوها بس العريس اصر ان يشوفها بنفسه سبحان الله كان في نصيب وجاء اليوم التاني وشافها وانهبل عليها يقولها ماتوقعتك انك حلوه للهدرجه وصار النصيب وتزوجو

صديقيني ماشاء الله تبارك الله البنت قمر احلى وحده من حريم اخوانه وكل من شافها مدحها

بس سبحان الله بعض الحريم يتشرطون ع الفاضي

ليش ما ادري؟

طيب ليش تقطعون بنصيب البنت ممكن العريس لو شافها تعجبه


ياناس انا عندي اخلاق البنت فوق كل شي تكون مقبوله

والله انا وامي نفسنا نزوج اخواننا بنات متدينات

وما فكرنا ابد بالجمال

اهم شي الدين والاخلاق عندنا

طولت عليكم صح خخخخخخخخخخخ


بس من القهر
المهره الاصيلة
المهره الاصيلة •
So`Sweet` So`Sweet` :

وحده تقول المفروض مايجون اهله
ووحده تقول أحسن يجون أهله
صاحب الشأن هو اللي يقرر
اذا حب يخطب أحد من غير مشاورة أهله بكيفة
وإذا حب أنه ياخذ برأي أهله برضوا بكيفة
يعني أنتم بتجبرون هالشباب الا تتزوجون من غير ماتشاورون أهلكم
عجبي!!!
واللي مايحبون ان الاهل يجون خلاص لاتستقبلونهم استقبلوا الرجال ان رضا بشرطكم والا كلن يروح يشوف نصيبه
واللي يشرهون على بعض الشباب وشروطهم بالشكل
نفس الشي كثير من البنات عندهم شروط بالمادة أو غيره
الشاب يتشرط بالشكل لانه هو اللي يدور على العروس
لو البنت جاها ثلاث خطاب وبنفس المواصفات لكن واحد منهم وسيم
وش تتوقعون بتختار الوسيم والا اللي شكله عادي
خليكون عقلانيات ,,,:)