&&أحسن مركز لتقشير البشرة في ابوظبي&&

حبيبتي سيري عند الدكتور سمير العلي في مركز الدكتور أحمد حسن فكري
المركز على الكورنيش عدال بنك بوظبي التجاري والمعرض البترولي

والله انج مابتندمين لأنه صدق شاطر ما شاء الله عليه
ومواعيده دايما زحمة بس إذا مستعيله وايد اطلبي انج تكلمين الدكتور نفسه واشرحيله حالتج عشان يحطج في اقرب موعد

انا سويت جيه قبل عرسي وسكرتيرته مارضت تعطيني موعد جريب وعطتني موعد جريب عرسي من زود الزحمه اللي عندهم

بس لما كلمته وشرحتله حالتي وقلتله اني عروس عطاني موعد في اليوم الثاني على طول
دكتور فنان ما شاء الله عليه وبيشرح لج كل شي عن بشرتج وبتطلعين من عنده وانتي ماخذه كورس كامل في البشره وبتستوين خبيره خخخخخخخخخخخ

انا واختي سوينا عنده تقشير بصراحه روعه... صح عانينا في البدايه لأن الويه يوم يبتدي يتقشر تحسين بألم بس والله ان النتيجه اكثر من روعه وعقب ماخلصت العلاج بشرتي تمت صافيه وحلوه
بس لأني انا لعابه واحب اسوي من ويهي حقل تجارب رجعتلي الحبوب والبقع وناويه اتعالج عنده مره ثانيه ان شاء الله

اتمنى اني افدتج وماطولت عليج

مشكورة اختي الغالية دلة المزايين

بس هذا ريال وانا ما ابي ريال يعالجني....وما قلتيلي كيف الاسعار عنده؟؟؟؟

(( دلة المزاااين ))

انتي سويتي ويهج والله ويهج وجسمج

وكيف كاااان التغير

اسمحولي الغاليات مارمت ارد عليكن لأن النت عندي مقطوع في البيت وماروم ادش إلا من الدوام واليوم بس انا مداومه

فاشنر
للأسف ما اعرف غير هالدكتور لأني اتعالج عنده من سنين
واسعاره معقوله... اول مره تفتحين ملف ويشوفج الدكتور تدفعين 200
واسعار الادويه على حسب اللي يكتبه لج
بس الادويه اتم فتره طويله لين ماتخلصين فترة العلاج تقريبا
يعني مايعطيج شي يخلص في اسبوع ويقولج سيري اشتري غيره
يعطيج بالضبط اللي تحتاجينه طول فترة العلاج
يعني تدفعين مره وحده بس
إلا إذا حالة بشرتج احتاجت شي اضافي بيقولج شو تاخذين
وكل مره تروحيله يكون الدفع على حسب
يعني ساعات يقولج تعالي عشان اشوف بشرتج شو صار فيها بس بدون ماتدفعين شي
بس عشان يقولج اي دوا تستمرين عليه واي واحد تكثرين منه واي واحد توقفين ماتستخدمينه
وساعات إذا بيسوي شي في ويهج مثل تنظيف او شي ياخذ بيزات في حدود 100 وشي


al3ion
لا حبيبتي بس ويهي
العلاج كان مدة شهرين كنت اصيح فيهم من الالم
بس والله ان بشرتي صارت روعه بعد ماخلصت العلاج
يعطيج اول شي كريمات عشان تهيئ بشرتج حق التقشير
وعقب يبدا وياج تقشير وراح يشرحلج بالضبط شو تسوين
ويهي ما اسمر ولا شفت الحبوب ولا البقع بعد خلصت العلاج بفترة طويله
وشرات ماقلتلج لأني لعابه واحب اجرب كل شي في ويهي خربته وردتلي الحبوب
وبسبب ظروفي ماقدرت ارد اتعالج عنده
بس إن شاء الله بسيرله جريب

فديتها دله المزايين ماتقصر معانا والله حبيتها لانها نصوحه
اختي سيري لمركز استيثيك في ابوظبي عندهم برنامج لتقشير البشره ممتاز عباره عن جلسه كل اسبوعين والمجموع اربع جلسات بس