السلام عليكم أختكم في الله اللي هيا أنا ما أحب استعمل غير الكحل المضاد للماء لأنه ثابت وما يسيح خااااااااااااصة وقت الدوام وفي الجو الرائع – ولله الحمد- اللي عندنا المهم المشكلة طبعا ليست في الكحل وإنما في إزالة الكحل عند انتهاء الدوام أو عند الوضوء للصلاة .. وتعبت وأنا اشتري من هذي المزيلات و اللي مكتوب عليها بالخط العريض مزيل للمكياج المقاوم للماء ما خليت نيفيا جونسون لوريال وكمان جربت زيت الزيتون عن نفسي ما ناسبني زيت بيبي جونسون نفس الشي لم يناسبني آخر حاجة نفعتني كريم دوف حق اليدين كان يطلع المكياج كله بس انه ثقيل ويحرق ويحمر العين اذا دخل جوتها لكن بما انه احسن شي الى ذاك الوقت كنت متحملة وساكتة (ايه اللي صبرك على المر) ادري اني طولتها وحكيتكم قصة حياتي بس والله من فرحتي باللي لقيته............
المهم _ جينا للمفيد_في يوم روحت دبن هامز واخذتلي كم غرض من بورجواز وبعدين وراني البائع مزيل مكياج من نفس
الشركة وقال هذا جديد منزلته بورجواز يزيل الكحل المقاوم للماء حتى من جوة العين في الأول اترددت من كثر ما حصلي قبل لكن قولت يالله وخليها محاولة أخيرة والحمدلله اني اشتريته والله العظيم مرة مرة مرة مرة ممتاز ترجي العلبة كويس عشان تخلطي الزيت بالموية وتحطي شوية في قطنة وبحركة دائرية تسمي بالرحمن وتمسحي وشوفي النتيجة شي خطير والله ما كأني كنت حاطة كحل بالمرة جربوه وادعولي واللي ما يعجبها لا تدعي عليا بس والله انا مرة ناسبني وان شالله يفيدكن انتن ايضا.... وهذي صورته .. وعلى فكرة سعره 35 أو 37 شي زي كذا وفيه 200مل .. وترى فيه منه أنواع بس النوع اللي اتكلم عنه شوفيه في الصورة... وسامحوني على الاطالة واللي تعرف تصغر الصور تصغرها مشكورة
tutahlazizah @tutahlazizah
عضوة نشيطة
يلزم عليك تسجيل الدخول أولًا لكتابة تعليق.
tutahlazizah
•
12 وحدة دخلت حتى كلمة جزاك الله خير ما في الله يسامحكم يابنات عالم حواء
انا جربت مزيل مكياج العين من لانكوم وماك ان شاء الله اجرب برجوا وادعي لك ومشكوووووووووووورة
الصفحة الأخيرة