أحس أني مخنوقه من غيرته ...!!!!!!

السلام عليكم ...
كيفكم يابنات منتداي الغالي ...حبيت أعرض مشكلتي هنا لأني من جد أنخنقت من أسلوب يتبعه زوجي ..
أنا متزوجه من 9 سنوات وعندي ثلاث أطفال أولاد وحامل الان بالسادس ...
زوجي أنسان كويس ومتعاون ويبغى راحتي ..ما أظلمه ..
لكن بعض المواقف أمر فيها معه أحس أني أموت من غيرته وشكه وكل مشاكلنا بسبب هالموضوع ..
يعني مواقف مايكون لي فيها أي سبب وهو يفسرها أنك قصدتي توقفين هنا علشان الناس تشوفك ..أو وش تناظرين نزلي عينك يازغلوله ...أستغفر الله العظيم ...
متت من هالشك كل مره علي ان ابكي واصرخ وانوح علشان اثبت برأئتي ..تعبت من جد ..
مع الايام يرفع صوته ويتهمني امام اولادي ..ويتلفظ بالفاظ عجييييبه خصوصا الثلاث السنوات الاخيره ...
يقول الحريم يكبرن ويخربن ويعجزن وانتي كلما كبرتي تزيدين حلى ...حسبي الله ونعم الوكيل ...
أنا طبعا عايشه كذا 6 سنوات بالغربه ..ومعتمده على نفسي بكل شئ طبعا هو اللي علمني السياره علشان هو يدرس دكتوراه ومايبغى ينشغل كثير عن دراسته ..أنا أودي الاولاد وأجيبهم ..لكن أنا صريحه وماعندي شئ أخبيه أي موقف يصير لي مع أحد أقوله له ..وينجن لا خلص مافي سياره أنتي تمردتي أنتي تكلمين رجال ..قسما أني ماكلمهم لكن سؤال ورد غطاه ... واقوله لو عندي الشينه كان ماقلت لك لاتخليني اندم اني اذكر لك كل موقف ماصارت كل مره تعصب كاني أنا المجرمه ..وأرمي مفتاح السياره وأقول أنا أصلا أبغى أجلس ببيتي أبرك لي ...وش أبغى بوجع الراس ..أنت وصل وجب ..لكن يندم بعد فتره لان كل واحدمن عيالنا له موعد غير عن الثاني من ناحيه المدرسه والباص ..
آآآآآآه ه ه
أيضا من سنتين صارت معه مشكله مع اخوي وهو اللي عمره ماعاير ولا قال ابوك أخوك ...صار بس يقول ياخت فلان ...وبنت فلان ..
وأرد عليه أيضا بشكل جنوني أهلي ماأسمح لك مهما كانت مشاكلنا ويقول بتزوج أصلا عليك ومن حقي ..لأنك صايره بس تناظرين الرجال ومافي ثقه فيك ..وفاقده للأنوثه ..أنا أبغى زوجه تهتم في .وكلام يقهر ...
والله اني ماقصرت معه ...وحتى صار مايناديني غير أم الذكور ..وخصوصا اني حامل الان واللي معي ولد ..واني ابغى زوجه تجيب لي البنات ...حسبي الله ونعم الوكيل ...
انا فعلا كلما زادت مشكله الشك عنده افكر بالطلاق والحين خصوصا انه يفكر يتزوج ...وكمان يعاير باهلي علشان مشكله بينه وبين اخوي ...ليه كل هذا ..
حتى انا صايره عصبيه بشكل واطول صوتي عليه ويقول لاترفعين صوتك ..
بس من القهر والكلام اللي يطيحه ..الحين يتهم ويشك ويصرح ويهدد على الطالع والنازل بالزواج تعبت من كل هذا ..
وكنت طلبته اسافر للسعوديه اولد عند اهلي لكن رفض ..وبعد المشكله هذي صرت انام بغرفة اولادي واطالبه يحجز لي ابغى فعلا اروح وماارجع تعبت غربه وتضحيه له ولدت اثنين من اولادي بالغربه لوحدي ولا هو مقدر ..لان اساسا مابغى له غير سنه بالكثير ويخلص ..ويقول ان رحتي بتزوج .وأقوله .ولا هامني... رغم اني بالداخل اتقطع ..
وش رايكم يابنات ماني قادره اتحمل شكه ماني قادره اتحمل اهانته ..ومتطوره الحاله عنده انه يرفع شئ بوجهي يعني اني ممكن أضربك فيه ...ويقول صاير عندك كميه نشوز كبيييييره ..
لاني ماعتدت اتحمل عدم ثقته وارد بالكلمه كلمتين ..اي وحده شريفه عفيفه ماترضى هالكلام ...
يعني يبغاني اسمع واسكت واستحمل عصبيته ونقاشه بذيك اللحظه وانطم ..
واذا الاولاد قالوا له اي كلمه يرمي اللوم علي انتي ماربيتيهم على احترامي وطاعتي صاروا مثلك ...والله يابنات والحمد لله ان اولادي مؤدبين ...اصلا طول عمرهم عايشين بالغربه واللي مغتربه تعرف اسلوب مدارسهم بالتعليم والأنظباط....
مدري وش اقول ..وش اخلي ..
لكن انا مصره اني اروح للسعوديه كافي اني حامل واعصابي مو متحمله ونفسيتي زفت وهو ظغط الرساله وتحضير البحث يطلعه علي ...انا عندي اني اروح ويدرس بسلام ويخلص يمكن تتحسن أموره ..وهو يقول أنتي عارفه ماعرف أعيش بدون زوجه وان رحتي بتزوج ..
لكن مصره على موقفي ..وأشوفه طلب اليوم تذاكر للصيف ..وشافني سعيده لما قالي ..انقهر اكثر ..حس اني ماني متمسكه فيه ..ولامهتمه لاني ابغاه يعتذر عن اللي قاله ويترك هالشك ..
دايما هو اللي يبدأ المشاكل والنكد .ويتهمني اني انا السبب وهي والله كلها اوهام براسه وين ماطلعنا ورحنا تتنقل معه ...ان شفت شي وين عيونك ..وان وقفت عند محل وش تشوفين حصار فظيييييييييييع ..
ادري طولت عليكم بس بالله انا واثقه منكن ابغى حل جذري لهالمشكله ..او فعلا مافي غير الفراق اريح لي واريح له ...:(