Om-7eDaR @om_7edar

عضوة نشيطة

أحس إني خلاص ما عندي كرامه عنده ساعدوني خواتي

:44: السلام عليكم اشلونكم خواتي وصديقاتي
انا عندي مشكله وياريت تساعدوني
انا صايرلي سنتين وانا متزوجه
بس ليه يومكم هذا وانا حاسه إني مو فاهمه ريلي عدل
لمن يكون معصب وما اكون انا السبب طبعا انا امسويته يادهينه لا تنكتين بس اهوه على أي شي يعصب ويطلع حرته فيني ويقول كلام يهين شرفي ويذلني أ.عل منه ومااكلمه بس من أول كلمه حلوه ارضى على طول ولا بعد مرات اطوف اسوي عمري ماسمعت او اقوله حصل خير
بس اذا انا زل الساني ومايصير إلا نادرا يخليني أندم لأني فتحت حلجي ولا بعد يضل شايل علي وما يكلمني عدل اتصدقون:06: إني واجهته قتله لازم يغير من اسلوبه لازم مايعصب على أي شي واهوه يعترف إنه غلطان بس ماكو فايده بس يعصب ينسا عمره ويغلط علي (واحنا متزوجين على حب يعني مستغربه من تصرفاته اهوه ماكان جذي):(

يلزم عليك تسجيل الدخول أولًا لكتابة تعليق.

تسجيل دخول

TNLGS • 20 سنة

انا اذا عصب على شي ماادري عنه انه ليش عصب على طول اسأله اقوله طيب ليش معصب بعدين يتراجع ويلين اشوي ويفهم انه مبالغ بحركاته ويدور اي علثه أو سبب خلته يعصب بعدين يهداء
اذا شفتيه معصب بدون سبب اتركيه ولاتناقشينه أو سوي مثلي

Om-7eDaR • 20 سنة

ندوn : مشكوره اختي على الرد ويعطيج الف عافيه
وي حتى لوسألته يسوي عمره صح حتى لو اهوه غلطان راسه يابس واذا هديته يثولي انتي ما تهتمين فيني
ورد الغرام:مشكوووره اختي يعطيج الف عافيه
اختي جربت وياه كل شي ماكو فايده
بسسسسسسسسسسسسسسسسسسسسسسسسسس:23:باركولي انا قلت يا انا يا اهوه اذا اهوه راسه يابس انا راسي يابس مرتين (ولد عمي نفس الطبع:11:) مسكته وعطيته محاضره وخليته مايعرف يقول شي خخخخخخخخخخ تأسف وحلف إنه ماراح يعيدها وخل نشوف نتيجة المحاضره :41:

الـــ عديل ـــــروح • 20 سنة

انا كان زوجي كذا صعب صعب على كل شي يعصب ويزعل غير الكذب كان يكذب في كل شي حتى الاشياء التافهه جنني وتعبني مره بس لما تركته ورجعت بعدين اوكي تغير من جهة التعصيب لازم تاخذين موقف حازم عشان يترك اسلوبه هذا

roma88 • 20 سنة

اللي فيه طبع ماااااااايغيره

اذا عصب لا تردين عليه وخلك كووووووووووووول

واذا هدا ناقشي

ان كنت غلطانه اعتذري

وان كنت بريئه

اصبري

ولا تنفعلين

ما في وحده فينا ما تمر عليها مثل هذي المواقف :26:

ونة خفووق • 20 سنة

خذيها نصيحة مني..
وقت غضبه أسفهيه بداخلك..
كنك ماتسمعين شي..ولا تدققين في كلامه وتتصيدين له..
لأنك أنتِ اللي بتروحين فيها..
ولا تصدقين كلامه وسبه لك..وقت الغضب الإنسان ينعمي..
ولا تحطين عينك بعينه وهو يتكلم أو تردين عليه وتحطين رأسك برأسه..
لو سكت اليوم من ردك عليه..بكره من شدة إنفعاله يطلقك في لحظة..
لذا أسكتي..
أو انسحبي بهدوء من عنده بشكل مايثيره أو يحس إنك طالعه وسافهته..
أو ردي عليه وأحرجيه :
قولي أبشر باللي يرضيك..بس هد أعصابك لاتشمت أبليس فينا..
خلي عتبك أو أي كلام بخاطرك إذا هجد لو بعد يوم أو يومين..
صدقيني هذا تمرين لك لهدوء أعصابك..
ويمكن إذا لاحظ طيبك يستحي..
وأضعف الإيمان الأجر اللي بيجي على صبرك...
وياليت تنسين شي إسمه كرامة أو كبرياء بينك وبين زوجك..
لأن فرحه أبليس ماتستاهل تتخفين خلف هالكلمه..
أيضاً كلمه طالق أسوء منها فعلاً وقولاً..