أحس إني سبب نحافة بنتي .. ساعدوني احساسي بالذنب ذابحني

والله اختي انا ما عندي خبره بالطبيعي


بس على حد علمي من وصفك يمكن حليبك ما يكفيها

ولا يشبعها وهي اللحين بسم الله عليها بدت تكبر وبالتالي يزيد احتياجها


فأتوقع لازم تعطينها صناعي ولو رضعتين باليوم مشبعات مع الطبيعي

لاتعطينها صناعي ولا تخافين

شعور تانيب الضمير كل مرضعه تحس فيه وتخاف ان حليبها مايشبع طفلها

لكن ماعليك

حليبالام أفود وأفضل ألف مره

وعشان تتطمئنين أكثر روحي طبيب خليه ياخذ وزنها وبعد اسبوعين نفس الشي
واذا كان وزنها يزيد فهذا دليل انها الحمدلله طبيعيه وكل شي تمام وهي تشبع من حليبك

هذا كلام الدكتور

كوني واثقة من نفسك وإن حليبك يكفيها وراح يكفيها بإذن الله ، لأنك لما تقولين ما عندي حليب راح ينشف حليبك .
وبالنسبة للصناعي أعطيها مرة أو مرتين باليوم ولا تزيدين حتى ما ينشف صدرك .

السلام عليكم
طبعا الرضاعة الطبيعية لا شىء يعوضها كما تحدثت سابقا
ماهو وزن طفلتك الان وكام مرة ترضع فى اليوم
هل تشعرين ان الثدى فيه لبن كافى ام لا
ارجو ان تجيبى على الاسئلة لنعرف هل نحتاج للرضاعة الصناعية ام لا

السلام عليكم و الرحمة

اختي

ريماز

سندس

ام عبدالله

تسلمون على ردودكم و الله يجزاكم كل خير عني .. :26: كان لها اطيب الاثر في نفسي

دكتوره علا

انا ما اعرف وزنها .. بس بوقت تطعيمها و هي عمرها شهرين قالت لي الممرضه ان وزنها طبيعي .. مع اني وقتها كنت متوقعه تقول العكس ..

رضعاتها مش محدده و هذي المشكله .. لانها ما ترضع كل ثلاث ساعات مثلا .. لا ارضعها كل ما بكت خاصه انها من انولدت من النوع الي يصيح كثير مثل ولدي و عصبيه و ما تهدى لين اعطيها صدري و بالاخير عطيتها اللهايه ...
فتصير ترضع مثلا ثلاث اربع مرات خلال ساعتين كل رضعه خمس دقايق مثلا و تظل طول اليوم على هالطريقه حتى ما تنام لفترات طويله طول اليوم ..بس تجي مثلا بالليل تنام لفتره احيان توصل لخمس او سبع ساعات متواصله

بالاول كنت اصحيها ترضع بس قريت ان كل طفل مختلف في رضاعته فتركتها خاصه اني اعرف ان النوم مهم للطفل .

ما اعرف اذا الكمية كافيه .. صدري ما يسيل مثل اول شهر , انا احيان لا شفتها معصبه و هي ترضع اوقف و اعصر صدري حبه اتاكد فيه حليب ولا .. و دايم الحمد لله الاقيه يسيل تمام .. بس زمان لما كنت اعصر صدري اول عشان املى لها المرضعه كنت اقعد فترات طويله لين املاها للنص بس :( و كانت الكميه تقل مع الوقت

انتظر ردج بفارغ الصبر ولج جزيل شكري