السلام عليكم بأدخل على طول في الموضوع ,أنا صار 10 سنوات متزوجة, أم زوجي و أبوه جننوني و الله يا بنات أحس يحترمون شغالتي أكثر مني , أنا ما أبيهم يحبوني بس أبيهم يحترموني .
أنا ماأمدح في نفسي بس الحمدلله كافية خيري شري, اذا رحت وهم معصبين من شئ معين والله يحطون حرتهم فيني , اذا عندهم مناسبة و سار شئ عصبهم أنا اللي أتهزأ بطريقة غير مباشرة , يعني يهاوشوني على شئ تافه شان يطلعون حرتهم , والله كأني طفلة و هم يهاوشوني , أهلي اللي هم أهلي ما يهاوشوني بالذات اذا في ناس و ذولي ماهم أحد.
اللي يقهر ويبكيني دايم إنه يتطنزون علي قدام أخوان زوجي , أخواته ما عليهم أهون من الأم و الأب بس ما يدافعون عني إلا نادرجدا جدا يعني يمكن من يوم ماتزوجت 4 مرات, و هم يدرون إنه أمهم و أبوهم غلطانين.
طبعا الحين حتى أخوانه ما يحترموني و أحس إنهم يكرهوني يمر الواحد من جنبي و لا يقول السلام عليكم ( حنا نتغطى عن بعض ) وإذا أمهم قاعده تقول لي ترا فلان هنا سلمي عليه ؟؟؟!!!! ليه حضرته ما يسلم مالت عليها و عليهم .
الكلام كثير ما ينتهي بأقول لكم موقف وانتم احكموا مره كنت داخله عندهم وهم يدرون إني جايه يعني مو فجأة وأسمع أبوه يقول لأخوانه إنه أخوكم فلان ما يمشيه إلا زوجته و حاله موعاجبني و و و ( ترا أكتب و أبكي ) وكلام يوجع القلب , أنا دخلت ما كأني سمعت شئ (هبلة ) و أشوف واحد من أخوانه يضحك ( الله لا يوفقه ) و الثاني يقول لأبوه حرام عليك .
أنا والله مو مدح في زوجي بس هو أحسن أخوانه (علما و أخلاق )
وقيسوا على ذا الموقف مئة موقف مثله
طبعا الكل يسأل عن دور زوجي في الموضوع ,الحمدلله طيب معاي و مع الأولاد بس ما يقدر يقول لأبوه شئ يعني لو أبوه يذبحني عادي ( أبوه مره قوي)
والله لو إنه زوجي على كيفي كان أول شي سويته نقلت بعيييييييييييييييد عنهم.
طبعا أنا ما ابغى حل لأنه ما في , بس أبغى دعوة حلوة من كل وحده تدخل وتشوف موضوعي
ترا أنا بس أفضفض لا تجي وحدة تعطيني حلول لأني جربت كل شئ
كل ما خفوا عني شوي رجعوا ألعن من قبل و اللي فجر الموضوع إني رحت قبل يومين أتغدى عندهم و ما رحنا الا بعد ما رجع زوجي من الدوام و هم يدرون إنه يتأخر ( تخيلوا من قوة عينهم يبوني أروح لهم قبل ما يرجع من الدوام عشان أتهزأ شوي قبل ما يجي ولدهم زي زمان ) طبعا أول ما دخلنا حزروا مين اللي أتهزأ قدام الكل أنا كالعادة مع إنه مو ذنبي و هواش على مستوى .
الله لا يوفقهم لا دنيا و لا آخرة
حسبي الله ونعم الوكيل فيهم
الله يرد كيدهم في نحرهم
الله يجعلني أشوف البكاء في عيونهم مثل ما بكوني
الله يقوي صبري ويعوضني خير
وفي الأخير أبغى أضحكم شوي بنكتة قاعدين في يوم من الأيام وبعد ما تهزأت من أبوه إني ما فيني خير عشان بأروح عند أهلي ( مرة كل سنة أروح) قام يقول حكاية طويلة إختصارها إنه هاوش واحد عامل وبعدين راح يستسمح منه لأنه ما يحب ينام و أحد زعلان منه :hahaha: ما يبغى يظلم أحد :hahaha:.
لا تجي وحدة تقول ردي عليهم مرة سويتها بغوا ياكلوني الله لا يسامحهم الله لا يحللهم الله ينتقم منهم شر إنتقام.
تالا 333 @tala_333
عضوة نشيطة
يلزم عليك تسجيل الدخول أولًا لكتابة تعليق.
لاتروحين عندهم كثييير خففي زياراتك لهم ويقولون الي يقولونه اهم شي عارفه نفسك انك صح "طز" في اي واحد الا كرامتك ياقلبي ولايكون عيالك يسمعونهم مكانتك وشخصيتك على اولادك يهزونها ممكن في اي لحظة ولدك يقول لك جايه تهاوشيني والله اعلم جدي يوريك كيف ابدا لاتوضحين قدام اولادك انك ضعيفه او مستسلمه لهم اول ما تحسين في تهزيء امشي وخليهم روحي المطبخ او اي غرفة ثانيه وخليهم يسولفون براحتهم ويفضفضون
هذا رأيي حبيبتي والله يكون في عونك
هذا رأيي حبيبتي والله يكون في عونك
خففي زيارتك خليها للضروره وبحضور زوجك
الله يفرج همك
بس هل هم يعاملوا كل حريم الاولاد كذه
الله يفرج همك
بس هل هم يعاملوا كل حريم الاولاد كذه
والله شفوفي حبيبتي
اذاقاطعنيهم ماراح ترتاحين بيجيك اشكال الوان واذا رحتي نفس الكلام
بس خلاصه الهرج روحي واللي يتكلم عليك شوفيه العين الحمرا وقسما بالله يخافون ويبدون يتحاشونك
وعلى فكرى ماجتهم الميانه وبدا يهاوشونك الالانهم شافوك ساكته وماتردين نفسي انا وربي 4 سنوات عيشوني بعذاب مع ان في بالبيت2حريم من حريم عيلها وانا اصغر وحده فيهم ومن اول ماجيت عندها مسويه انها قويه وتهاوشني وبالوقت هذا زوجي واقف معاها ويوم جت عطله الصيف جت مره ولدها من السفر وربي انها ترجف من الخوف ولو تعطيها كلمه ترد عليها البنت بعشره وترجع تهاوشني فاقلتلي البنت ترى بتسوي فيك مثل ماسوت فيني بس ردي عليها كم مره وحتى لو عصبت طنشيها راح تخاف وتتحاشاك
بس انا خبله لو ارمي كلمه ارجع اعتذر منها الله يعينا
بس اذعيلي اطلع فبيت وافتك لاني عايشه معاهم وانا البنت الوحيده بين عيالها ال6 تخيلي وشقه صغيره
لان عيالها الباقين طلعو فبيوتهم
اذاقاطعنيهم ماراح ترتاحين بيجيك اشكال الوان واذا رحتي نفس الكلام
بس خلاصه الهرج روحي واللي يتكلم عليك شوفيه العين الحمرا وقسما بالله يخافون ويبدون يتحاشونك
وعلى فكرى ماجتهم الميانه وبدا يهاوشونك الالانهم شافوك ساكته وماتردين نفسي انا وربي 4 سنوات عيشوني بعذاب مع ان في بالبيت2حريم من حريم عيلها وانا اصغر وحده فيهم ومن اول ماجيت عندها مسويه انها قويه وتهاوشني وبالوقت هذا زوجي واقف معاها ويوم جت عطله الصيف جت مره ولدها من السفر وربي انها ترجف من الخوف ولو تعطيها كلمه ترد عليها البنت بعشره وترجع تهاوشني فاقلتلي البنت ترى بتسوي فيك مثل ماسوت فيني بس ردي عليها كم مره وحتى لو عصبت طنشيها راح تخاف وتتحاشاك
بس انا خبله لو ارمي كلمه ارجع اعتذر منها الله يعينا
بس اذعيلي اطلع فبيت وافتك لاني عايشه معاهم وانا البنت الوحيده بين عيالها ال6 تخيلي وشقه صغيره
لان عيالها الباقين طلعو فبيوتهم
والله مالهم الا العين الحمرا
بيسكتون ولا يفتحون فمهم مره ثانيه
انتي بنفسك قلتيها
اهلك ماهزائوك يجو هما يهزاؤوك
بيسكتون ولا يفتحون فمهم مره ثانيه
انتي بنفسك قلتيها
اهلك ماهزائوك يجو هما يهزاؤوك
الصفحة الأخيرة
حاولي تفتشي عن السبب احيان يكون بتصرفاتنا اشياء ما نكون منتبهين لها
تقلل من تواصلنا مع الاخرين