منو 1410 @mno_1410
عضوة جديدة
أحس بالقهر و الظلم يا بنات تعالو شوفو ليش .
أنا عضوه سابقه معكم بس عضويتي توقفت لذلك ببدأ من جديد على بركة الله
هذا أول مواضيعي بالعضويه الجديده وهو شوي موضوع قاهرني مو حسد لا و الله
بس من جد مقهوره منه أحس بالظلم
أخوي وزوج أختي يشتغلون بنفس المنصب و أمس سمعت أخوي يتكلم مع أختي
اللي زوجها يعمل بنفس منصب أخوي و يقول لها أن الوزاره وافقت على شيء نسيت
أسمه بس هو مجموعه من الطلبات طلبوها من الوزاره و الوزاره حقتهم درست الطلبات
وشي حذفته وشي وافقت عليه و الحين بيعلنون عنه قريب بعد ما يكمل
اللي قاهرني يا بنات الشيء اللي راح يعطونه لأخوي و زوج أختي و كل اللي يشتغلون
بنفس منصبهم
بيرفعون رواتبهم و بيصرفون لهم بدل سكني و تأمين طبي شامل و جوازات دبلوماسيه لهم ولزوجاتهم
وعيالهم و بدل طبيعة عمل
و يقول أخوي أن راتبه بيصير قرابة 40 ألف
أخوي الحين له 7 سنين بمنصبه وراتبه أكثر من 25 ألف
ليش يصرفون لهم كل هالمبالغ والله حرام عليهم زوجي له 10 سنين موظف
وظيفه حكوميه وراتبه لحد الأن ما وصل 12 ألف
و أنا الحين تعبت من تدوير وظيفه لأني أبي أكتفي بنفسي عن زوجي
ما أبي أتمنى شيء و ما أحصله
لما أشوف زوجة أخوي و أختي ماشاء الله أنقهر مرتاحات ببيوتهم و كل شيء يتمنونه يجيبونه
حتى أنهم صارو غنيات و راعيات عقار و تجاره و هم حتى الجامعه ما أخذوها وهذا
لأن أزواجهم مناصبهم وراتبهم عالي وزياده بعد بيرفعونه لهم و بدلات وتأمين
ليش يرفعون رواتبهم و الله ظلم ليش ما يرفعون رواتب الناس المتدنيه
هم بمناصبهم مرتاحين حتى الدوام على كيفهم و الغياب على كيفهم و محد يحاسبهم
لا تقولون لي حسوده والله مو حسوده بس مقهوره ليش يزيدون الغني زيادة على غناته
ليش ما يشوفون الناس اللي مو قادره توفر أبسط أحتياجات الحياة
الحمد لله زوجي راتبه 12 ما أقول شوي بس يالله يكفي حتى نعيش مثل الناس بمجتمعي
لكن الناس اللي رواتبهم 4 و 5 كيف عايشين
و ناس رواتبها 20 و 30 و40 إيش رايكم يا بنات هل هذا ظلم أو لا
207
22K
هذا الموضوع مغلق.
dudi
•
اي والله انك صادقه احس فيه ظلم كبير في مساله الرواتب ناس رواتبها ضعيفه يالله تكفيهم وناس من كثر الفلوس ماهم عارفين ايش يسوون فيها مافي عدل
الصفحة الأخيرة
على فكررره وين يشتغل اخوك اللهم لاحسد ؟؟؟؟