السلام عليكم ورحمة الله وبركاته
بدخل في الموضوع على طول حضرت زواج وياليتني ماحضرت رأيت عجب العجاب زميلة بنتي عزمتنا وعلى بالي دفوف وزواج من اللي نحضرها عادة واذا جت الزفة خرجت اذا فيها موسيقى ماتوقعت هذا كله اذا شفت شفت حاله حالتين او لبس مشخلع بس مو لذي الدرجة تقدرين تنصحين او على الاقل تستنكرين لكن تنصحين مين ولا تخلين مين!! أول شئ اللبس الصغيرة والكبيرة الا ماندر عريان البطن والصدر والساق ومن كل مكان طاقة والبويات وصاحباتهم والحواجب النمص وحواجب على ما سمعت شيطانيه (مدري واش هذا)اول مرة اسمعها في حياتي شكلها يخوف والموسيقى من أول قبل الدفوف عزفوها بعد ماجات المطربه بعد الساعة 12والله أعلم متى أنتهى لاني أول ماسمعت الموسيقى دقيت على ولدي وفركت وتذكرت زلزال العيص والفساد اللي شفته قلت يارب سترك لاتنهد علينا القاعة ولا الزار ويارب لا تبتلينا ماتشوفين الا النقزه لين تطيح الوحدة وبدال ما يوقفون الدق ويقرون عليها الا يزيدوا الدق الين( تشبع )على قول ام زميلة بنتي يزيدون الطين بله
ياناس هذا يرضي ربي !؟كيف تدخل البركه في زواج زي كذا وكيف يشكرون الله على هذي النعم بهذا الشكل وفين خوف الله!؟
وليش انتشرت المعاصي بهذا الشكل وبهذي الصورة الاغلبيه كذا مافيه عقل رشيد مافيه احد ينكر ولايستنكر ماأبغى أبالغ الله يغفر لي ولهم والله مارجعت الا وأنا أحس بغثيان يارب رحمتك ولاتأخذنا بذنوبنا الله الهادي الى سواء السبيل
سحابة الوادي @shab_aloady
محررة فضية
يلزم عليك تسجيل الدخول أولًا لكتابة تعليق.
فاقدة بنتها
•
أعوذ بالله المشكلة يلبسون بعض الحريم أشياء عجيبة،، مشخلع ماأدري كيف عندهم الجراة،،،،،، الحياء راح منهم الله لايبلانا
الله المستعان الله يرحمنا برحمته يارب ويهدينا ويغفر لنا ذنوبنا
اللهم حبب الينا الطاعات وكره الينا المعاصي
اللهم حبب الينا الطاعات وكره الينا المعاصي
الله لايبلانا
ويستر علينا وعلى ذرياتنا
ولا يؤخذنا بما فعل السفهاء منا
المشكله انك ماتقدرين تتكلمين
ويستر علينا وعلى ذرياتنا
ولا يؤخذنا بما فعل السفهاء منا
المشكله انك ماتقدرين تتكلمين
الصفحة الأخيرة