العين تدمع لاجلكم :

يوم شفت سؤالك ما قدرت اطلع من غير ما ارد اول شي بالنسبة للرجال يختلفون من واحد لثاني فمثلا زوجي لما يصير بينا مشكله ويعصب على شي ما يستاهل انه يرفع صوته انا اسكت ما كني سمعت شي ما اجلس وهو معصب اجادله انت اخطيت بحقي انت فعلت انت سويت انا غلطانه اللي جيت معك لا اسكت ولا كان شي صار واي شي يطلبه اجيبه واسوي الوجبة احطها ناكل سوا يسولف عادي وانا اسولف معه لكن تحسين ان سواليفي معه فيها زي الغصة من الموقف اللي صار منه لما يشوفني ساكته وتهدا الأوضاع والله العظيم يجي من نفسه يعتذر حتى لو ما صرح بعبارة انا اسف مثلا او غيرها من العبارات يسوي شي يحسسني انه ندمان على اللي صار بس ابقولك حاجة اي خلاف بينك وبينه كبير والا صغير لا يطلع لأقرب قريب مهما كان لا تقولين امي افضفض لها والا اختي ابسولف عليها غدي عندها حل لا عالجوا مشاكلكم بنفسكم كبرت والا صغرت ولابد من التنازل غير كذا انت صارحيه بالحاجات اللي يسويها وتضايقك لا تقولين ابغاه يفهم من نفسه لا لازم تصرحين له وبالنسبة لسؤالك الثاني من وجهة نظري القاصرة طبعا انت انظري لمحاسن زوجك لا تقولين ما فيه شي زين لا ابد فمثلا خوذي ورقه وقلم واكتبي زوجي محافظ على الصلاة بوقتها ما يشرب الخمر ما تعرف على بنات وخانني كريم معي ومع اهلي متسامح قلبه طيب حنون علي والله لو تعدين من اليوم لبكرة محاسنه ما تخلصين وبنفس الوقت اكتبي عيوبه ما يفهمني ما يحترمني دايما يهاوش ويعصب الخ من العيوب شوفي بالنهاية وش اكثر واتوقع بإذن الله ان المحاسن تطغى على العيوب فتمسكي بقردك لا يجيك منهو اقرد منه :eek:

يوم شفت سؤالك ما قدرت اطلع من غير ما ارد اول شي بالنسبة للرجال يختلفون من واحد لثاني فمثلا زوجي...

IN HOME ALONE :

حبيبتي تدرين وش علاج مشكلتك ..؟؟ إنك تدرسين وتشغلين نفسك عن رجلك وربي .... مجربه .... تنشغلين بعلاقات جديدة وبدروس جديدة و تجين دااايخه من برّا ومخلّصة سوالف :35: وحتى هو بتتغير نظرته فيك ... وبيسأل عليك ... وبيخاف عليك أتوقع ماعندك إلا طفل واحد < صح ..؟؟ وش اللي مانعك من الدراسه ..؟؟ بالنسبة لتضحياتك اللي تتكلمين عنها تدرين ليه يجحدها ....؟؟ لأنه ماغصبك عليها < إلا اذا كان العكس مافيه أحد يغصبك إنك تهملين صحتك ونفسيتك .. إنتِ بإرادتك تهمشين دورك في البيت لدور الزوجة اللي تنتظر الشكر من زوجها للزوجة اللي تستجدي المدح و العواطف والكلمة الحلوة من زوجها حلو إن الزوجين يكون بينهم ملاطفات وحديث كله ود لكن ... إذا كان مافيه ؟؟ بتخربين أيامك ولحظاتك كلها عشان هالشي ..؟؟ إشغلي نفسك ياقمر أشغليها ولّلا والله بيشغلك إبليس ... وفرحته الكبيرة في التخريب بين الزوجين أمس نمنا على هوشه هذي كبرها خخخخخ ونمنا كل واحد في طرف السرير تقل فينا جرب ههههههه بس والله يوم صحيت إلا وألقى الإبتسامة شاقّة حلوقنا خلاص عرفنا بعض ... وعرفنا عادات بعض مع الأيام ياقلبي بتتغير نظرتك للحياة الزوجيه وبتتغير إهتماماتك ترا كنت مثلك ... أنوااااع الحساسية أف كنت رومنسية وناعمة خخخخخخ ... بس مع الأيام والمسؤليه والأولاد والتجارب الزوجيه عرفت إن الحياة الزوجيه مب فقط ... أحضان وإبتسامات و لحظات رومنسيه ... وإمسك يدي وبوسني خخخخخ هذا هو ماشاء الله مشغل نفسه بدراسته ليه ماتشغلين نفسك باللي يفيدك نصيحتي لك إطلعي من البيت ... فرفشي ... إسمعي محاضرات الدكتور طارق الحبيب في اليوتيوب و إعرضي مشكلتك وكل اللي تحسين به في منتدى متخصص في الشؤون الزوجيه الأسريه عندك مركز بلقيس للإستشارات الأسريه وعندك موقع الإبداع حتى يمديك في مركز الإبداع تسجلين وتدفعين عن الإستشارة وتفتحين لك ملف مع الدكتورة الإستشارية عن طريق النت بكل سرية وطلعي اللي في بالك وقولي أسرارك لها هنا البنات صح بيطبطبون عليك وبيتكلمون كلٍ على حسب حياتها وشخصيتها بس مع الدكتورة بيتعطيك الحلول على حسب شخصيتك وشخصية زوجك وبعد لا تنسين تسوين إختبار أنماط الشخصية وربي انه صحيح بنسبة 80 % معي وإستفدت كثييير منه أصبحت أكثر واقعيه بالنسبة للحكم على زوجي وعلى مدى نجاح حياتنا الزوجيه بعيدا عن المثالية والتأثر باللي حولي إذكري الله وإستغفريه ... وإدعيه في سجودك والله يصلح حالك واحوالنا جميعنا وبنات المسلمين ياقمر :39:

حبيبتي تدرين وش علاج مشكلتك ..؟؟ إنك تدرسين وتشغلين نفسك عن رجلك وربي .... مجربه .... تنشغلين...