بسم الله الرحمن الرحيم
هدي رسالة من قلبي الى قلوبكم
لكل انسانة على حافة حزن وضيق توقفي بسرعة :huh:..ولكل انسانة سعيدة ومتفائلة استمري أنتي قريبة من تحقيق أحلامك :a_smil08:.
اعرفي انه دوووم الحال من المحال ..
كل وحدة عندها أحلام سواء كانت زواج او أطفال أو وظيفة أو رزق الى اخره,,,
لو سالتكم الان كم وحدة تبغى تغير حياتها .. اكيد كلكم تقولوا أنا .. وبرجع اسالكم مره ثانية ايش سويتي علشان تتغير حياتك ... هنا مربط الفرس .. اما عايشين في الماضي أو عايشين للمستقبل ..وفي الاخير العمر راح ولا رجعتي ماضي ولا شفتي مستقبل حلمتي فية ..
راح أحاول أعطيكم ماتعلمته من مصادر وكتب مختلفة . لاني اكتشفت عالم جميل , عالم الاحلام , عالم اخر تكون فيه روحك حرة , تحلقي عند حلمك , وترجعي ثاني للواقع جميل كله نشاط وايجابية لانك شايفة أحلامك قدام ,مثلا:
علشان الوحدة تنحف لازم تتبع اسلوب ونمط معين للحياة
وعلشان تصيري دكتورة لازم تعدي بسنين دراسة الطب
وعلشان تسافري بعثة لازم تتقيدي بشروط الدراسة
وعلشان تصيري ام جيدة لازم تتصفي بصفات معينة
وعلشان تكوني زوجة ناجحة لازم أتصفتي بالالتزام ومركزة على ناجح زواجك
وعلشان تكوني أنت نسانة روعة لازم تعرفي قدراتك العظيمة
جميعها أهداف واضحة لاصحابها .حطوا هدف وأخدوا بالاسباب وتوكلوا على الله وعلشان يستمروا فيها وما يطلعوا من اول سنة أو ترم كان يميزهم 3 امور رئيسة وهي :
1- الرغبة
2- الالتزام
3-الاستمرار
راح تقولي الكلام ببلاش ؟ كيف أبدا ؟ ومن وين ابدا ؟ والحياة صعبة ؟:02:
أولا عزيزتي ابدائي من نفسك . نعم من نفسك من هنا من قلب ,من نظرتك لنفسك ,
كيف تشوفي نفسك ؟ تحدد مستوى تعامل الناس لكي
لا تخلي أحد يحط من قدرك لانك غالية عند الله سبحانة وتعالى وغالية على روحك ,
تعرفي أنوا عقل الانسان يخزن أكثر من 150 مليار معلومة يعني تموتي ومخك فيه قابلية للتخزين ,رغم ان وزن العقل لايزيد عن 2 كيلوا جرام سبحان الله ماأعظمك ,العين تغمض وتفتح 18 ألف مرة بيوم ,وتميز أكثر من 10 الالاف لون في ثانية ,وعضلات الانسان لو شدت كلها في اتجاة واحد تشد عشرين طن ,وقلب الانسان يدق 100 الف مرة في اليوم من غير تفكير ,والكبد يتجدد كل 6 اسابيع والكلى تجدد كل 8 اسابيع والجلد يتغير كل شهر ونص وغير شم وتدوق ولسان وغيرها كثير تفاصيل في جسمك أنت أيوة انتي اللي جالسة تقرئي وهدي االارقام متغير ومتجددة مع الوقت وتطور العلوم وتكنولوجيا يعني أنت قدرات في قدرات لايجي أحد يقلل من شأنك ويقول لكي أنتي فاشلة ,مافي شي اسمه فشل في حدث فشل وليس الشخص فاشل , اي شي سويته في ماضي ولم تنجحي فيه اي كان على جميع المستويات دراسة او زواج أو .. أو ,, أو هدا اسم
تجارب وخبراتك اخدتي منها خبرة وحكمة ,, وحصني نفسك بحصن من حديد ما أحد يقدر يحبطك من كلمة أو سب وشتم أو استهزاء أنتي عارفه نفسك مين عند الله أولا وأنك كلك قدرات عظيمة تستحق وقفت تأمل مع النفس وتصحيح مفهومك الداتي عن نفسك . وانصحك هنا تقروا كتب عن دات والمفهوم الداتي .. لانه مو معقول كل شي تأخدية من موضوع أو دورة ,الكتب ملينه على روفوف المكتبات ..
اشكروا الله واحمدوه فهدا بعض النعم
قال تعالى: ((لَئِنْ شَكَرْتُمْ لَأَزِيدَنَّكُمْ ))
انها نعمه عظيمه من الرحمن غفل الكثير عنها...فقال تعالى: (وَقَلِيلٌ مِنْ عِبَادِيَ الشَّكُورُ).
اختي أنظري حولكي لترى نعم الله التي لاتحصى...فكم منا يذكر المفقود ولايرى الموجود... يعني هدا في اطار حواسك الخمسة , في امور كثيرة ماتعرفيها خارج نطاق حواسنا قال تعالى :((وكل شي خلقناه بقدر))
بكل هدي القدرات تقدري تصيري ماتتمني كيف؟ أنت تتطوري مهاراتك المكتسبة وتتدربي قدراتك عليها لان قدراتك عظيمة , بس كل مرة جربي مهارتك ادا ماجابت نتيجة ,غير أسلوبك في أكتساب المهارة وكل بعد فترة قيمي نفسك وقيسي على نتائج وهكدا تستمري بتغير ااكتساب للمهارة جديدة
طيب الانسان علشان يبدا محتاج قوة دفع أو طاقة من وين راح نأخدها ؟؟
هيا لاتخرج من الايطار الروحي الله تعالى .
ربنا كريم وعظيم ماتركنا بعكس قال تعالى :{فإذا عزمت فتوكل على الله}
ركزوا في كلمة شرط للتغير
ان الله لايغير مابقوم حتى يغيروا ما
أين روحك من النقاء وراحة أين هيا من الصلاة وتوكل على الله وظن الحسن بالله تعالى .
كيف اجدد رغبتي من وسط روحك قلبك
فقد قال عليه الصلاة والسلام:
((أَلا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ, وَإِذَا فَسَدَتْ فَسَدَ الْجَسَدُ كُلُّهُ, أَلا وَهِيَ الْقَلْبُ))
غدي قلبك ورحك بمبادئ قوية ثابته لاتغيرها الظروف بس تزيدها قوة لان الحياة تختبر الانسان وكل ما كانت ثوابت دينية مبنية على حسن ظن بالله وتؤكل كلما اسرعتي في تجاوزها وانجزتي أكثر من ضياع العمر والوقت .
ادا مرتي بظروف صعبة وتحديات أومصيبة ايش تسوي ؟هنا الحل,,
هيا 3 أشياء لازم تسويها : 1- الرضا لانه الشي صاير صاير غصبنا عن اردتك فرضا فرضا فرضا
2- الصبر طلما رضيتي يعني صبرتي قال تعالى: {أن الله مع الصابرين }
3-التفاؤل ليه؟ قال تعالى {وبشر المؤمينين } ,{وبشر الصابرين} يعني الفرج قادم لامحال "
يعني لاتلومي نفسك على ايش صار في ماضي لانه أنتهى ولم يعود اقفلي علية بمفتاح وارميه في البحر لا باس في دكريات علشان تتعلمي منها وما تأثر عليك والمستقبل بيدا الله كمان مو فيدك .
طيب ايش اسوي ؟؟
لا ماضي ولا مستقبل كيف أعيش ؟ عيشي الان ,عيشي اللحظة , استمتعي بكل شي عندك وعبادتك وصلاتك وصيامك وصدقاتك واستغفارك ولدك ,دراستك ,زوجك ,سريرك , ايبادك , صحتك , سمعك , شعرك , اخواتك ,امك وابوك استمتعي معاهم , كل شي عندك عيشي فيه , اليوم بكاملة خططي له كيف تبغية يكون تدرون ليه ؟؟
لان اليوم اللي يروح مايرجع وراح تسالي عنه يوم القيامة , حتى نفسك هل ظلمتيها وأعطيتها حقها ,وخفتي الله فيها وصنتيها ورفعتيها فوق بعيد عن الدل .
تحكمي في امورك وفي تخطيط يومك لانك لو ماسويتي أحد ثاني راح يسوي عنك , القرار المصيري بيدك وحدك , الى الان مأخدتي خطوة أولى ,عمرك مارتخطي خطوة الثانية ,
عيشي الحاضر واستمتعي فيه . وخططي للمستقبل بوعي كامل شوفي أنتي ايش تبغى تكون ,كل اللي عليك بس انك تتخيلي , وطالما انتي متفائلة وعندك يقين وايمان ثابت في الله وطاقة ايجابية وعايش يومك واعطتية حقة ,,
راح يتحقق حلمك لا تقولي ما عندي مهارات كيف يتحقق ؟؟ طموحك وحلمك وايمانك راح يدلك على طريق يؤدي الى حلمك لانك مركزة علية وماتشوفي غيرة وكلك تفائلوا راح تلاقي فرص قدام عينك تجيك وانتي هنا تقرري توصلي ولا لا .للحياة اللي هيا من اختيارك وتوفيق من الله وحدة , كل ميسر لما خلق له.
طلما تؤمنوا أنه (((لا اله الا الله وحدة لا شريك له له الملك وله الحمد وهو على كل شي قدير )))
أتمنى اني وفقت اعطيكم طاقة ايجابية وقوة ايمانية واني ازرع أمل ولو بسيط أو صوت داخلك يجعلك تعيدي حسابتك مع الله تعالى أولا ثم مع نفسك ثانياوعيشوا من نهاية, ليه؟لان اليوم انتي فين, من تفكيرك في الماضي .فغيروا تفكيركم للافضل من نهاية ما تحبوا تكونوا أو توصلوا والله راح يسخر لكي مافي سموات ومافي الارض ,
فكروا في هدا :
راقب أفكارك لأنها تصبح أفعالأ
راقب أفعالك لأنها تصبح عادات
راقب عاداتك لأنها تصبح طباعا
راقب طباعك لأنها ستحدد مصيرك بأدن الله
قال تعالى (هل يستوي الدين يعلمون والدين لايعلمون )
وتدكروا الأعمال العظيمة ماهي إلا أعمال صغيرة كتب لها الاستمرار
الظروف هي عدر للهروب من المسوؤلية
رجال الاظفاء لا يكافحون النار بالنار فمادا تستفيدي منهم ؟؟
ا
فان الله تعالى حي فهو الاول وهو الاخر
يقول ابن القيم صدا القلب بأمرين ,, الغفلة والدنب ,وجلاؤه بشيئين,,الدكر والاستغفار ..
اتمنى بعد كل فترة تقروا الموضوع , راح تلاحظي كل مرة تفهي شي جديد أو تستوعبي شي جديد .
ان اصبت من الله وادا اخطات فمن نفسي والشيطان .
دعواتكم لي بأن الله ينصرني ويوفقني ويرزقني ولا تنسي الملائكة تقول لكي بمثل
:kiss:
وترى حرف دال خربان عندي نقطة ماتكتب للمعلومة فقط ولمن تمنعني من الكتابة وتكون العبارات صدقة جارية عني وكل أحبتي
حسيت بالسعادة وانا اقرا
وصدقتي الواحد لازم يبدا من نفسه
الله يجزاك خييرررر