بنات بما اني فاضية الحين بقولكم قصة ولادتي

هذا انا كنت ليلتها نايمة في أمان الله في غرفتي في المستشفى ..
و الساعة ٣ الفجر حسيت بألم ماسكني في بطني ما يفج ابد ... حاولت اتقلب يمين يسار ما فيه فايدة الالم موجود ولا يروح
المهم حاولت اكمل نومتي للصبح ... طبعا الصبح دخلت الممرضه كالعادة تاخذ الضغط والحرارة وتسأل اسئلتها المعتادة .. فيه ألم فيه طلق فيه دم فيه ماي ؟ وانا قلت لها كل شي اوووكي بس عندي ألم بسيط ...
بعدها بساعة .. حسيت بانقباضات مع الألم اللي ما يروح .. و كلمت الممرضة حطوا علي جهاز الطلق مثل كل مرة ...
الألم اللي دايم موجود كل ماله يزيد ... صارت الساعة عشر الصبح و انا اتألم و كل ما ياني طلق الألم يزيد ويزيد ..
كلمت الممرضه وهي كلمت دكتور .. ياني قال لازم اكشف على عنق الرحم ... مع الكشف قال ما فيه تغير مثل ما هو مفتوح ١ ونص سم
قال خلج على المغذي يمكن يهدى الطلق .. أما الالم ما ندري شو سببه يمكن غازات ..
المهم مع الوقت الألم زاد وزاد ... لين صارت الساعة ٣ العصر وانا مع كل طلق اصارخ و اشاهق .. ياني الدكتور الكويتي .. وهذا كان قبل كل ما يدخل علي يشوفني يا اصيح يا ويهي احمر خخخخ ... قالي هاه شو صاير اليوم .. قلت ما ادري بس عندي ألم قوي وشافوا عنق الرحم الصبح وكان مثل ما هو ... قال نعطيج مسكن ... قلت اوكي
خذت المسكن وما فيه فايدة ... عندي طلق كل دقيقتين و الألم لا يقاوم واحس عنق الرحم بينفجر من الضغط ...
المهم رجع الدكتور وقلت له الألم يزيد ... قال خلاص نجرب نعطيج أدلات اللي هو مهدي الطلق ... ونشوف ... خذته ولا فيه فايدة ..
بعدها قال اووكي نعطيج مورفين ... خذته وزوجي يقولي تراه مثل المخدرات .. قلت عطوني اي شي يمكن يخف الألم ..
المهم خذته وانا بعدها سطلت ولساني صار ثقيل ما اعرف شو اقول ... قلت حق زوجي وامي ترا اذا قلت شي ولا هلوست عادي ههههههه ... طبعا تميت مهلوسه لين الساعه ٥ .. بعدها رجعت لطبيعتي و مع كل طلق اقول آآآآآآآآآآآآآه واسكت اذا خلصت ...
يت الساعه ٦ وقلت خلااااااااااص ما اقدر اتحمل .... نزل علي افراز بني خفيف وقلت هاتوا الدكتور ..
يتني دكتورة كويتية بعد :35: وكشفت علي قالت بووه الرحم مفتوح ٤ ونص سم .... قالت على طول عمليات خلاص ما فيه امل ..
وانا قلبي بعدها يقرقع .... كنت مستانسه وخايفة في نفس الوقت .. مستانسة لأني بشوف عيالي .. وخايفة على وضعهم ..

ودوني العمليات واول من شفت هو دكتور التخدير حسبي الله عليه ..
ما قدر يضبط ابرة الظهر و جرب في ٤ اماكن لين ضبطت خامس مرة .. وهالشي طبعا اثر فيني بعد العمليه وسبب لي صداع شديد شديد
يمكن الغلط ما كان عليه كان مني لأني كنت انتفض ما ادري من البرد ولا الخوف ..
بعد ما ضبطت الابرة حسيت بتخدير في ريولي .. بس كنت احس بلمساتهم ..
الدكتورة الكويتية ودكتور كندي سوولي العملية واول ما طلعت بنتي قالتلي الدكتورة طالعه تشبهج ههههه عاد انا استانست
طلعوا الساعه ٧ ونص .. وبين كل واحد تقريبا دقيقة .. واول ما سمعت صياحهم ارتحت لأن هذا معناته ان رئتهم بخير الحمدلله
وبس اول ما طلعوهم انا دخت ولا اتذكر اي شي مع اني كنت صاحية ... ويابوهم عندي اشوفهم قبل لا يودونهم الحضانة بس من التعب ما اتذكر شي ...
وحولوني غرفة الافاقة ... والحمدلله على السلامة


ما يستفاد من القصة

- الدعاء يسهل كل شي ولا تنسون تدعون لغيركم .. انا ما نسيتكم و دعيت لكم

- اي الم تحسون فيه من الاسبوع الـ ٢٩ وطالع لا تستهينون فيه

- ابرة الظهر وقت اللي تاخذونها لا تتحركون ولا نص انش عشان تضبط من اول مرة

- التخدير النصفي صح ما تحسون بأي ألم معاه بس تحسون بالتحركات اللي تصير وقت العمليه .. مثل طلعة البيبيات و اي ضغط على البطن فلا تخافون

- الدم مثل ما ذكرت فوق ما بيكون وايد .. وضروري تمشون بعد العملية بيوم لأن المشي يساعد الجرح يتشافى بسرعة ولا تمون على السرير فترة طويلة


وهذي هي القصة .. ربي يسهل عليكم و يقر عينكم بشوفة عيالكم في اتم صحة يا رب

طفوله
والله مادري عنهم والدكتوره قالت كذا ودكتورتين ثانيات لما قلت لهم قالو ا صح وانا خفت قلت اخاف تصير مركزه
الله يستر
انا حاليا 29 اسبوع واخذت ابرة الرئه بالاسبوع ال27
الصراحه قصتك شي الحمدلله بعد زين امك كانت موجوده
الحمدلله
وزين اخذتي تخدير نصفي افضل من الكامل

صباح الخير
لجميع الكروشات والي ولدو بعد
طفولة
يعطيك العافية على ها القصة المرعبة لانها عندي لحظات الولادة تخوف وما ادري وقتها وش اللي يحوسني من الالم والخوف
والحمد لله على سلامتك انتي ولبيبيات والله يقومكم جميعا بالسلامة

ومن سوالفكم عن الولادة المبكرة صرت انتظر ها الولادة في اي وقت حتى انا تعبت بالمرة جسديا ونفسيا
والله يقوم الجميع بالسلامة

ام معاذ
هلا بك حبيبتي وانا وحدة من معارفنا توها يمكن لها تقريبا ست شهور والده في خاص وكلفتهم االحضانة كثير بس اهم معاهم تامين
واذا كان معاك تامين زين اما اذا ما كان معاك الله يكون بعونك

السلام عليكم ورحمه الله وبركاته

لكم كل الشكر والتقدير لمن سأل عني
وبدون ذكر اسماء اخاف انسى احد منكم
انا قصتي قصه اصلا انا من حملت وان كل حياتي قصص
يارب تسهل علي وعليكم
انا كان موعدي الاربعاء وطبعا اصلا كان واصل حدي من التعب وضغط الاجنه مررره متعب
وتوقعت ان الدكتور يقول خلاص اسبوع وانتي والده لكنه؟؟؟؟
قال لا لازم ننتضر ان ودي اولد من غير شر....
طبعا انا حاليا توي داخله الثامن
وطبعا سوى لي اشعه وقال واحد راسه تحت والثاني رجوله تحت والثالث الشيخ كاشخ فوق عليهم...هههه يارب يحفضهم
لانه قبل اسبوع كانوا اثنين روسهم تحت

وبعد هاذ كلههههههههههه قال لازم لك انسولين ابر
ومن الاسبوع الجاي اخذهم الله يستر والله خايفه لانه انا اصلا ماآ كل زين كيف راح اخذ ابر راح ينزل السكر الله يهون يارب

وهاذي قصتي
بنات ادعولي ان الله يتمم حملي يارب ويسهلها علي وعليكم يارب
....................
كوبي بست

الف الف الف مبروك ويارب يحفضهم لك والله يستر من الولاده المفاجئه

طفوله
الحمد لله طمنتينا عليك

باتتشي كراميل
الحمد لله على طلتك والله كنت احاتيك

رفيقتي....عاشقه.....
والله اني حلاص من كثر ما افكر بالاطفال انسى تعب نفسي
وكيف الناس وش راح يقولون يارب تحفضهم من كل فيه شر

نونو مون
هلا وغلا ياعسوووله
اغراض الصيدليه لسى ماشريتهم لكن بشري من كل شي واحد
لأني متأكده انهم بيجون من غير شعر :o فديتهم :)
لموره سويت قلق ورحت شريت لها فرشتين للشعر وكنت مخدوعه مره شريت حتى شباصات
وجت الأخت راسها كأنه كوره مافيه ولا شعره هههههههههههههههههه
وبالنسبه لمقص الاظافر افكر اخذ اثنين ......
وشنطة المستشفى كل يوم اجهزها وانثرها مررره محيوسه معاها مو عارفه وش اخذ معاي
لكن اهلي بيجون عندي يوم الاربعاء ان شاء الله وبخلي امي تجهز لي الشنطه ..
تخيلي امي تقول ياويلك اجي وتسوينها فيني وتولدين لسى بدري :22:
وانتي وش سويتي في شنطة المستشفى ......؟
وكم بتاخذين لهم ملابس ....؟
واحب ابارك لك عشان شهر شوال قرب ينتهي .. هههههههههههههههههه

سفينة الكنز
الف سلامه على بنوتاتك وان شاء الله تزيد اوزانهم ويخرجون لأحضانك قريب ...

ام طعومي
هلا وغلا حبيبتي ..
الله يديم المحبه يااااااااااارب ...

كوبي بست
الحمدلله على سلامتك حبيبتي ..
وياقلبي عليك فااااجئتك الولاده مرررره ..
الله يخلي لك عيالك ويخرجون لك بالسلامه ان شاء الله ..
حبيت اسألك كم جت اوزانهم .......؟
وياليت تطمنينا عليهم حبيبتي ...

عاشقة القران
فكرتك مريحه بس للأسف ماقدر اسويها
لأن ولا وحده سوتها قبلي في العايله واخاف يفهمون قصدي غلط
بعدين يالله خلينا نتجمع كم يوم لأن بعد النفاس بروح بيتي واتوقع بنحبس بسبب اولادي
واساسا انا بخليهم داخل مارح اطلع إلا واحد للضيوف بس يسلمون عليه وارده داخل
ومره بدخل البنت ومره الولد عشان ماتعب عيالي :)

ام معاذ
هلا وغلا فيك
نورتي التجمع
والله يعينك ياااارب احس صعب انك تداومين مع الحمل ..
وبالنسبه لحركة التوأم يمكن عشانك تطلعين مع الدرج كثير ..
انتبهي على نفسك وما اظن لما توصلين للسابع تقدرين تكملين دوام
لأنك بتكونين ثقيله مررره ..
عليك بالدعاء والاستغفار بنية ثبات الحمل والله يرزقك احلى توأم ...

باتشي
والله صاااادقه لازم نستعد لأن ممكن الولاده تفاجئنا بأي وقت ..
وانا في انتظار امي تجي لأني محتاره وش احط في الشنطه
الله يسامحها هي دلعتني وجهزت شنطتي في لمار عشان كذا ماني عارفه هالمره وش احط في الشنطه ..

شايني ستار
الف سلامه على قلبك ياقمر
وان شاء الله ربي يخيب ظن الدكاتره وتطلع اوزان عيالك اكبر من كذا
انتي لاتنسين الدعاء والاستغفار ..
وان شاء الله مايطولون بالحضانه ياااارب ...

لينا
والله صاااادقه الحمل بتوأم يهد الحيل .. ولسى التربيه قدامنا :eek:
انا اقول لزوجي وش رايك نتزاعل 5 سنوات عشان اضمن اني ما احمل هههههههههههههههههههه
صراحه احس اني خايفه من كل الموانع وبجلس على اعصابي على طول ..

طفوله
الله يخرج لك عيالك بالسلامه يااااارب ,,
ان شاء الله كلها كم يوم وتبشرينا بخروجهم ..
بصراحه وانا اقرا قصتك حسيت بمغص
يالله الحمدلله على سلامتك ووالله ماقصرتي ذكرتي لنا اهم النقاط اللي تهمنا
انا افكر اطلب بنج كامل مابي احس بحركتهم في بطني :eek: