SARAB911 :

هذى سالفه اختى بانقلها ع لسانها تقول اختى المهم دخلنا حوش البعارين عادما احبها اخاف منها عكس الغنم ياحبيلهن وقلت ماودي خلنا نرجع يالله يمديني اللبس البنات قال اقول ياخوافه ادخلي حتى بناتي خايفات الصغيره مار تصيح ماتحركت شالها ابوها اما البزران الثانيين ماشاءالله تراكضوا للحوش كنهم افتح ياسمسم اماالبعارين مدخلينها في مكان زي الشبك قربنا منها ماش ضايقن صدري اتنافض ابي اطلع وانا اتلفت من الروعه ولافيه نياق مابعد دخلن متحسفات بالعصريه طلت علينا وحدتن من ورى الجدار بسم الله على عقلي سمعت صجت البزارين قامت تناظرنا بعين تسنها تقول وش تبون يا ها الاوادم يالله ظفوا وجيهكم قلت يمه تكفى خلنا نروح شف ذي الناقه لاتجينا ردعلي ياخوافه ماتسوي شي ايه هين شوي وتقرب انا هجيت نفسي نفسي وبناتي خافن وهجن معي والصغيره قامت تصارخ يوم شافتها غصب عنه رجع معنا ونادى الباقين كنا واقفين قدام الباب وهم عندالسياج الحين تجي السالفه بنت اخته عمرها خمس سنين شفتها ترجم الناقه وتضحك هي متعوده على البعارين عادي بس هالمره ماحسبتها زين المسيكينه والله العظيم بوصف لكم الي صار البنت اركضت وهي تضحك اما الناقه تهرول بس في عيونها شي يادافع الله كان اعظم لاحظوا تهرول والحقي البنت وشوتيها شاتتها بيدها وطيرت البنت قدام مترين وتطيح على الارض وامشي فوقها وارفعيها برجلتس ياالناقه وطيريها فوق ثلاث او اربع امتار كلها في دقيقه كنها واحديلعب كوره اناقلت بس البنت ماتت او جاها شلل ما ادري شقول كوداني احلم مهوب صدق لما شافها خالها الاهو رجلي من الروعه ذب بنته على الارض وهي عاد زعلت قامت تصيح فاضيين لتس المهم الناقه ناويه ترجع لها بس خالها ابعدها مدري وش قال لها الكلام الي يقولونه للبعارين وابعدت وشالها وقال لي طلعي البزارين وصكي الباب ياسلام انت تمشيني وانا اتوهق بهم اخخخخخخخخ وانا الي اهاوشههم عجلوا عجله وارد الباب خطر اسكه عليهم ويجون ولا الناقه اشوفها جايه لمنا واصبخ بالباب اشوى ان الصور ما طاح تسان ابلش ورحت للبنت طبعا جالسين برا مادخلنا ما ابعدوا تصيح ااااااااا يسألها خالها فيتس شي يوجعتس شي تدرون وش قالت ابي نعالي والله فاضيه اظاهر من اثر الصدمه لا ن نعالها طارت معها في الهوا وديناها لامها وعلمنها السالفه ورحت انا وياها الغرفه وروشناها الحمدلله سليمه سبحان الي حفظها درى جدنا والراعي وقالوا غريبه هاذي اهداهن خير اهداهن اجل المهبوله وش تسوى ايه راقبناالبنت طول اليوم ومانامت الايوم راحوا الناس اما خالها كل شوي صاجني وش اخبارها

هذى سالفه اختى بانقلها ع لسانها تقول اختى المهم دخلنا حوش البعارين عادما احبها...