جدي الله يرحمه كان هو اللي يصرف علينا وبعد ماتوفى اختي دخلت الجامعه وكانت محتاجه فلوس للباص المهم حلمت بجدي دخل علي وكان مبتسم وجلس وقال اختك دخلت الجامعه قلت ايوه قال انا ودي اعطيها فلوس واساعدها لكن مااقدر 😢
ادعوا له ربي يرحمه ويغفر له ويرزقه الجنه

الله يرحم جميع موتى المسلمين


نويت قبل فترة اقرأ سورة البقرة وانويهها صدقة لأمي الله يرحمها
وأول يوم قريتها
نمت وحلمت فيها في حديقة وكانت شاااااابة صغيره عكس ماكنت أتذكرها في مرضها
كانت جميلة ومبسوطة
يالله اجمل حلم حلمته فيها


وبعدها حلفت ما اترك هالعاده والصدقة عنها بقرأة القران صدقه لهم
لان أجرها وصلت لها والدليل حلمي فيها بعد اول قراءة لها


الله يرحمها ويغفر لها ماتت وعااااااااانت في حياتها واسأل الله ان يجمعني معها في جنات الفردوس انا وأخواني وجميع اهلي وأبنائي واحبابي
قصصكم مره تحزن ومؤثرة


لاتنسونهم من ا الدعاء والصدقة لهم والله انهم محتاجينه اكثر من حاجتنا للاكل والشرب


يالله قصص تحزن

ابوي توفى بشهر 7 السنه الي راحت ودايمن احلم فيه احلام حلوه بس الشهر الي راح حلمت حلم قمت مبسوطه حسيت انه زين حلمت امي شايلته وحاطته في زي الكافوله حقت الاطفال شايلته بحضنها واشوف الشكل ابوي واتامله الا شوي شوي الشكل يصغر ويسير طفل قمر ابيض وعيونه سود كانها مكحله وشعره اسود المهم شي روعه واشوفه يقراء سوره السجده والفاتحه بصوت يهبل مو زي صوته ترتيل روعه ويبكي من الخشوع وهذا كله وامي شايلته بحضنها زي البيبي وكان علينا امطار والجو مره روعه ياااارب ترزقه الفردوس الاعلى هو وامي وخالتي ويلحقنا فيهم يااارب ياانه وحشني ومشتاقتلك مررره الله يرحمه

السلام عليكم ورحمة الله وبركاته .. انا حلمت بأبوي الله يرحمه انه دخل جوا بيت اخوي ويفتح بيبان غرف اهل البيت ويقول صلوا صلوا ... طبعا اخوي وعياله ماكانوا من اهل الصلاه بوقتها لكن الحين مدري عنهم ... وابوي بعد الله يتجاوز عنه ماذكر كان محافظ على الصلاه اوالمسجد .. انا اعترف اني قليلة الدعاء عنه والصدقه سبحان الله مدري وش يردني .. بس مره تصدقت عنه وشفته بالمنام صورته باهته بس كنه يبتسم لي .. واخوي ايضا توفى الله يرحمه وماكان ينشرح صدري ادعي له الا نادر .. مره دعيت وماذكر بالضبط .. هل شفته بعد الدعاء بليله .. اوبليال اواكثر مدري المهم شفته وجهه منقسم قسمين قسم عادي والثاني كان فيه مرض ومايل فمه المهم نصف وجهه فيه بلا .. بس اذكر كانه ابتسم لي .. اخوي هذا الله يرحمه كان مقصر تقصير شديد....والله اعلم بحاله ...... واخيرا ... يابنات حنا نقرا الموضوع نتاثر بس تاثر وقتي وبعد مانطلع منه ننسى ويروح .. وينها اللي توقف وقفة محاسبه مع نفسها . وتقول هذي الدنيا ايام وتنتهي .. الاخره ابديه .. مابضيع شي دائم ابدي سرمدي على شي مؤقت مليان بالهموم والاكدار والاحزان .النصيحه لنفسي اولا .. وحتى تسهل علينا ... يقول صلى الله عليه وسلم .. مانهيتكم عنه فاجتنبوه .. وماامرتكم فاتوا منه مااستطعتم .. يمكن مانقدر نحيي الليل ونقرا كل يوم كم جزء ونصير داعيات وووو لكن نقدر نترك الذنوب .. لوتركنا الذنوب صحايفنا صارت بيضاء لاننا اذا تركناهاا اليوم لله كل الذنوب القديمه انمسحت وحل محلها حسنات باذن الله مثل مافي سورة الفرقان يعني الشغله ترى مقدور عليها .. وفيها راحة القلب بالدنيا والنجاه بالاخره ..
سؤال ... دواليبنا وش فيها من ملابس .. وجوالاتنا وش فيها من مصايب .. والسنتنا كم تاكل بلحوم المسلمين والغيبه خطيره لان اعراض الناس لازم نتحلل منهم ... يوتيوب وتويتر وفيسبوك وكيك والواتس وووو مليانه قذف .. وسب .. وظلم .. وغيبه واستهزاء بالدين ... واحمال على ظهورنا لاجاء يوم الدين نقول هذي الذنوب كيف تجمعت ...كيف جت .... وبعدين نلقاها من الواتس واللاين والكيك ... يااالله من الحساب والميزان والوقوف بين يدين اللي خلقنا ورزقنا وستر علينا وانعم وحنا استعملنا نعمه بمعصيته وغضبه ... يعني لاخوف بالقلب ولاحيا بالنفس وانا اقصد نفسي بالمقام الاول

لا اله الا الله