قطوه نعسانه :

انا عني كل ما اتذكر هل موقف جسمي يكش واحس اني راح ابكي كل ماتذكرته اول سنه من زواجي اخت زوجي كانت كلش تعبانه من المرض الخبيث كان ببطنها الله يرحمها ويبعد هل مرض عن المسلمين اتذكر نمت عندها اسبوعين بالمستشفى كنا نتناوب انا وبناتها سبحان الله كانت هي بغيبوبه وكنت استغرب انا كنت وقتها اقطع بصلاتي بس من شفتها التزمت بصلاتي الحمدلله تخيلو يا بنات اللي بغيبوبه مايدري عن نفسه اي شي ولا يدري عن الدنيا شي تخيلو كانت تقعد من حالها وقت كل صلاه تفز من غيبوبتها وتكلمني او تكلم بنتها تقولها وضيني ابي اصلي وصج نقعد نوضيها نصب بغطا بطل الماي ونخليها تمسح ايدينها وراسها وتكبر وتقعد تقرا الفاتحه وتروح بالغيبوبه بس اول شي تكبر وتقرا الفاتحه مره ومرتين و3 تكررت هل سالفه انا لاشعوريا قمت ابجي وعرفت سبحان الله اللي بقلبه الصلاه ماتطوفه حتى وهي بغيبوبه واتذكر كلامها تقولي المرض اللي فيني عين وحسد وصج هي كان فيها المرض من ال 95 وصارت زينه طول هل فتره بس بال 2005 نهايه السنه زوجت بناتها الثنتين ورى بعض كل وحده فرق بينها وبين عرس الثانيه 15 يوم تقريبا ومن وقت العرس انعفست وتعبت وتبهدلت سنه كامله بلندن بالمستشفى وردوها الكويت اسبوعين وتوفت سبحان ربي الله يرحمها للحين اتذكرها مع اني لمن تزوجت هي كانت بلندن بس انا عرفتها اسبوعين قبل ماتوفى وعرفت انها متدينه سبحان ربي اتذكر اليوم الي توفت فيه كانت الايام البيض وزوجي واخوانه صايمين وراحو وخلوني وياها بالمستشفى قالو بنروح نتفطر بسرعه ونرجع انتي الوحيده مو صايمه قلت مو مشكله انا من بدايه اليوم كنت حلمانه فيها وقلت لامي خايفه عليها وصج من اول النهار ينقص الاكسجين لين يحركونها حيل وينادونها يقولون لها تنفسي بس يوم توفت كنت انا عندها وكان بره ياذن المغرب وقالت لي وضيني ووضيتها عشان تصلي صلت صلاه كامله وسلمت بعدين طالعتني رفعت اصبعها وتشاهدت وقام يطق جرس الجهاز مال القلب مالقيت نفسي الا انا بالممر على الارض من السسترات والدكاتره حذفوني بره اذكر دقيت على زوجي اقوله توفت 5 دقايق لقيت زوجي بوسط المستشفى يبجي مثل اليهال ربي يرحمها برحمته ويغفر لها ولحميع المسلمين الاحياء منهم والاموات اللهم امين

انا عني كل ما اتذكر هل موقف جسمي يكش واحس اني راح ابكي كل ماتذكرته اول سنه من زواجي اخت زوجي...