انا ابوي توفى من خمس شهور طبعا في شهر 3 كان يقولنا انا احس اني فرحان مره ومبسوط قلت يمكن عشان زواج اختي قريب لانه كان في شهر 4 قال ابوي لا مو عشاان الزواج بس بداخلي فرحه غريبه المهم بداية شهر 4 تعب علينا وراح المستشفى ومراجعات وتحاليل وطلع عنده سرطان بالرئه وابتدأ علاجه شهر 5 وبرضوه كان يقوول احس بفرحه وزواج اختي عدى وخلص يعني فعلا مو عشان الزواج المهم شهر 5 كامل علاجات وكيماوي وخلال هذيك الفتره حلمت اني انا وامي وابوي في مكان اخضضضضر وفيه نهر جاري والمكان كأنه جنه وبعدين على اساس بنرجع وطلعنا جسر عشان نعبر النهر والتفت ورايه لقيت ابوي مو معانا وكانت جدتي الله يرحمها ضامته وحاطه يدها على خصر ابوي واخذته معها وراحو وانا زعلت وصرت اقول لامي ليش اخذت ابوي قالت امي عادي ولدها وخلاص جات تاخذه سبحان الله شهر 6 دخل بغيبوبه وتوفى الله يرحمه ويغفر له يااارب مرض ابوي بس 3 شهور ومات

بعد وفاته اختي حلمت انه رجع شااب وشكله جميييل جدا ولابس ابيض في ابيض وتقوول كان شياااكه مره وراكب سياره فخمه وكان يناظر في اختي ويبتسم لها ورااح يووم فسرته قال الشيخ بشرى لكم انه بحاله طيبه الحمدلله

وبعدها نفس فترة العزاء اختي الصغيره حلمت انه قاعد على سرير ولابس ابيض وكل المكان ابيض في ابيض ويضححك ومبسووط ولما فسرناه قال الشيخ ان شاءالله انه من المغفور لهم يااارب رحمتك ممره فرحنا

وبرمضان اخوي اخذ له عمره ولما خلص عمرته يقول غفيت وشفت ابووي جاء عند اخوي وامي ومبسووط ويضحك وقالت امي ليش رحت وخليتنا قال ابوي والله مادري عن شئ مادريت الا اسمع صووت يقولي يا ايتها النفس المطمئنه ارجعي الي ربك راضية مرضيه ومت بس ابشركم تراني حي حي ومعكم .. طبعا ابووي كل الشيوخ قالو بإذن الله
شهيد
دايم نشووفه لابس ثوووب ابيض وشعره اسووود مره وبس شنب بدون لحيه ودايم يضحك سألنا الشيخ قال بإذن الله من شباب الجنه

بين فتره وفتره نحلم فيه يجي يقوول بس بشووف ناقصكم شئ وارووح اخرتها قبل يومين جاء وكان مره مستعجل وشعره حلو وطويل واسوووود وناعم ويطالع فيني ويبتسم قلت ابوي ليش جيت قال بس جيت اطمن على امك واشووف وش قاعده تسووي ..

وامي قبل فتره كانت تصووم عن ابووي صامت يمكن اكثر من اسبووع والله بعد ماخصلت صيااام اختي شاافت ان ابووي عرررريس ولابس بشت اسوود ومبسوووط مره وفرحان يمكن صيام امي وصله والله اعلم ..

وفيه مره بيوم جمعه برمضان نمت عن صلااة العصر وسمعت ابوووي يناديني بأعلى صوووت يقووول نواااال نوووووال وصحيت وانا اقول نعم يابووي احسبه حقيقي لما صحيت الا هو حلم واخواتي سمعوني لما قلت نعم ياابوي وصليت وبعدها بفتره برضه كان يووم جمعه نمت عن العصر وبس سمعت صوووت ابوووي يناديني نفس حلمي الاول وصحيت صليت سبحان الله الله يرحمه ويجعل مثوواه جنات النعيم ياارب

عندي احلام كثيره عن ابووي مع انه له خمس شهوور متوووفي بس سبحان الله كل يوم ويومين نشوووفه يارب لك الحمد

يا أخوات لا تنسون تقرأون سورة النور وتنوونها للميت او اي سوره من القرآن

حاولو يومياً تهدون لهم أجر قرأة القرآن ..

خصصوو (يومياً) وقت تقرون فيه شي لهم

ترى والله يوصلهم ويخفف عنهم ويفرحهم

وقرأة القرآن بركه وخير لكم و نفع ومغفره لهم

أمين الله يجزاك خير ورفع للموضوع

اب

الله يرحم امواتنا واموات المسلمين -سبحان الله الذي لايحمد على مكروه سوااه -مشكوره اختي الغااليه على طرح المووضوع اسال الله تعالى ان لايحرمك الاجر وجميع من شارك( كــفى بــلموت واعــظاً )اكيد الموضوع للعظه بعد لنذكر من رحلو عن الدنيا لانهم بحاجه لمن يذكرهم بصدقه او دعاء فلا وسيله لهم الا الحضور في الاحلام فسبحان الله الخالق المدبر--انا توفى ابوي الله يجعل مثواه الجنه.وبعد فتره قصيره حلمت فيه اختي الكبيره انه دخل عندنا في صااله بيتنا وكان طويل جداً لحد السقف تقريباً وكان شايل طفل صغير فوق امتونه واحنا كنا عنده في الصاله قالت اختي يبه انتبه الورع لايتعور من المروحه الي في السقف قال لاماعليك قالت من هذا الطفل قال هاذا ماجد وكان مبسوط ويلعب معه ..اختي روت الحلم على امي قالت امي سبحاان الله وخبرتنا ان زوجت ابوي الاولى كانت جايبه ولد وكان اول ولد لبوي وكان اسمه ماجد توفى وهو ماكمل سنتين من مرض اصابه....اللهم ارحم ابوي رحمه واااسعه وارحم موتانا وموتى المسلمييين..