أحلامي تتحقق شنو اسوي

مرحبا بنات

يمكن تستغربون لما اقولكم ان احلامي تتحقق

اقولكم اشلون

مره حلمت بصديقتي اني بروح لها البيت بس لما اتصل فيها تكلمني بنفسيه وغصب ترد علي
وكنت مفتشله من اختي الي ناطره

قعدت من النوم متضايقه اتصلت فيها من الصبح لليل وما ترد وبعدين عقب ما ردت قالت لي ما فيها شي وبعدها بيوم قالت لي انها كذبت علي وانها كانت بالمستشفى بس ما تبي تخرعني


الحلم الثاني

حلمت برفيجتي مادري شنو قعدت من النوم متضايقه دزيت لها مسج قلت لها انشالله تكونين بخير قالت لي انها تعبانه وصاير فيها نزيف ومادري شنو
قالت لي اشلون عرفتي اني تعبانه قلت لهاا ني حلمت فيج


واليوم بعد حلمت بعمي بس كان الحلم غريب اني كنت انا معاه بالسياره وكان يحط ايده على رجووولي وصدري مادري وين نزلت قلت لها عمي انزل معاي ما رضى
يوم دزيت له مسج قال لي عمي انا مسافر


قولوا لي شنو اسوييييي بعمري :06:

طبعااا غير اللي احلمه باخووووي ويصير فيه وطبعا اخوي تعقد مني كل ما اكلمه او يصير فيه شي يقول لي اكيد حلمانه فيني