أحله الله ..وعابه البشر

السلام عليكم ورحمة الله

تموت الزوجه ويتزوج زوجها
على طول يحصل
دعم وتشجيع المجتمع.

لازم وحده تربي عياله
لازم يعف نفسه
الوحده صعبه وقاسيه.

بل حتى لو يتزوج على زوجته
في حياتها نفس الشي
بيلقا الدعم والتشجيع.

يموت الزوج ويحكم المجتمع عليها
بموت مشاعرها ..ووحدتها..وألمها.
لو فكرت تتزوج قالوا ضيعت اولادها
وش تبي بالرجال
واعيباه
ماتصبر ليش؟

يتناسون كونها إنسانه تحتاج أنيس
وتحتاج شخص تكمل معه حياته

والمؤلم حتى هي بنفسها
لو قلتيلها ليش ماتتزوجين
قالت يافضحي فضحاه!

والملاحظ إن الأولاد
لما تتزوج أمهم ما يضيعون
بينما لما يتزوج أبوهم
نشوف كيف تصير حياتهم
بدون أمهم عذاب وضياع.

زبدة الهرج ليش الوحده
إذا مات زوجها تستحي
تتزوج!
وليش المجتمتع يعتبرها
مرجوجه وماتستغني عن الرجل!

وفي بعععض هذي الحالات ممكن
الوحده تروح للحرام لأن الحلال
استحت منه واستعيبوه الي حولها.

تعرفين ارمله تزوجت؟