الاسامي حلوة واشكر كل وحدة ساعدتني بالاختيار بس في اسامي ما اعرف معناها


مثل لمار

ريماز

تولين

يعني شنو لأن يهمني المعنى خصوصا اذا الاسم مو معروف المعنى واللي تقدر تجيب لي موقع في معجم اسماء عربية علشان المعاني راح اكون شاكرة لها

وجزاكم الله خير لكا من رد علي ودعالي بالسلامة الله يسلمكم جميعا بس هم ابي تفاعل اكثر واختيارات اكبر اذا سمحتوا الله يغفرلكم ويجزاكم الف خير

سميها جوان بالعربي يعني عطر وبالكردي يعني الجميله وبالهندي يعني الشابه اسم حلو وجديد وهو اسم بنتي
الله يخليها لي وان شاء الله تكون بنتك مثلها ناعمه ولزيزه الله يسعدها

اسم جوان حلو والله ومعاناته حلوه ولا بعدة لغات بعد ....

راح احطه بالقائمة بس ما قلتيلي كم عمرها بنتك ؟؟الله يخليها لك وتشوفيها عروسه وام وجدة ان شاءالله وبصحة وعافية وستر وصلاح بإذن الله

هلااا

ولدتي ولا بعدش ؟

اقول لش اني مقررة إذا بنت جوان فخلي أسم بنتي ودوري لش اسم ثاني ههههه

لا أجي اتهاوش وياش بدبتي

امزح اكيد

الله يسهل عليي وعليش وخلاص لما تولدي يمكن قبلي وتسمين جوان قولي اليي

هذا احنا قاعدين ننتظر طلتها ولا هي راضية تطلع

وإذا شفتي اسم حلو اكتبيه ليي

تحياتي لش ولجنينش

هلا والله بنور قلبك ( الاخت عجمية ) منن قبيلة العجمان ها

صدتك حتى باللهجة متمسكة ما شاء الله عليك عاد ترى احبهم وولد عمتي عجمي ...

المهم حبيبتي انا ليلحين ما ولدت انا بآخر السادس بس ازهب الدوا قبل الفلعة ومابي احتار لي ولدت مثل بنتي اللي زوجي كل ما اقوله اسم يقول لا مو حلو وكان ما يبي اسم غريب بس قبل لا اولد باسبوع عجبه الاسم اللي قالت لي اخته لأن موصيته وبصراحة ما توقعت انه راح يرضى يسميه بس ولدت وهقني وكنت والدة قيصرية وقال عندك لما تطلعين من المستشفى يا تسمين اللي تبين والا ترى انا اسمي واخليك فسميت بسرعة بس الاسم اللي قالتلي اخته وبصراحة كان عاجبني وانا احب خواته خوش ناس ..


والحين عندي كذا اسم ومسوية قائمة بأسماء وايدة بس ليلحين ما عطاني الاوكي لأن ينطر ردة الفعل وانا بعد انطر لما اولد واختار منها .....

بس هم جوان دش بالي واسم حلو وخفيف بس صج معناه العطر اذا عندك خبر علميني ...