السلام عليكم ورحمة الله وبركاته
أنا عملت البسبوسه والله ذى الجاهزة بالظبط أقلكم بقى المقادير والطريقه والتكه بتاعتها عشان تبقى حلوة ذى المحلات
المقادير
نصف كيلو دقيق سميط أو سميد ( ويسمى بدقيق السمولينا ) ودا تلاقيه فى أى سوبر ماركت
نصف كوب جوز هند
ربع كوب قطر ( أو شربات بالمصرى ) تقيل
معلقة كبيرة بيكنج بودر
نصف كوب سكر
كوب إلا ربع ماء
نصف كوب سمن سائح
الطريقه
نضع الدقيق والبودر وجوز الهند سوين
والمقادير الباقيه مع بعض السمنه والمايه والشربات والسكر ونقلب لغايه ما السكر يدوب خالص
وبعدين نعجن بيه الدقيق وخلى بالك متعجنيش كتير قلبيها تقلبتين بس عشان لو إاعجنت كتير تبوظ
لغايه ما يبقى عندنا عجينه مرمله بمعنى لا تكون تقيله قوى ولا سايله
وتدهنى صنينه بالسمن كويس وتفرديها فى الصنيه ولو بتحبى المكسرات ذى البندق أو اللوز توزعيها على الوجه
وبعدين تسبيها فىالتلاجه ساعه إلا ربع قبل الخبز وبعدين تخبز فى فرن متوسط الحرارة لغايه ما يحمر الوجه وتكونى محضرة الشيرة (أو القطر أو الشربات ) الخفيف الساخن ونا كتبت أسمائه بالمصرى والخليجى عشان تبقوا فاهمين
ونسقى البسبوسه وهيه ساخنه ومن شروط نجاحها ان البسبوسه تشرب الشربات بسهوله جدا
ودوقوا أحلى بسبوسه وإدعولى
نرمين كمال @nrmyn_kmal
عضوة فعالة
يلزم عليك تسجيل الدخول أولًا لكتابة تعليق.
رسيس الرياض
•
تسلم الايــــــــــــــــــــــــــــــــــادي
تسلم الايــــــــــــــــــــــــــــــــــاديتسلم الايــــــــــــــــــــــــــــــــــادي
يسلملى مرورك يا جميل جربيها هاتعجبك إن شاء الله
الصفحة الأخيرة