حبيبه عزوز :

مرحبا كروشات كيفكم صمت المشاعر تبغين تعرفين اوزان البنات يالله ابدي انتي وعن الزواج اذا شفتي نفسك فشفشتي اشتري جاهز وروحي وعن الشغل والله حتى انا اكنس واطبخ واغسل بس على الخفيف ومذااااااااكره الاولاد كوم اعصااااااابي تتلف والله العظيم صوتي يكون في العماره كلها من كثر ما اصيح عليهم مروهااااااج وينك ما شبك النت معااااااااااااك وباقي البنات الله ييعطيكم العافيه

مرحبا كروشات كيفكم صمت المشاعر تبغين تعرفين اوزان البنات يالله ابدي انتي وعن الزواج اذا شفتي...

عمةالبدر :

لؤلؤة البر ماشاء الله تبارك يوم وراح الالتهاب .. المشكلة ماأقدر أغير الدكتورة لأنها الاستشارية اللي عملت لي الربط وتقول التحاميل موضعي أفضل من المضاد لأنك مومحتاجه مضاد وكلما ابتعدنا عن المضاد فترة الحمل أفضل .. وتقول الالتهاب وارد مع الربط موعدي الثلاثاء وبشوف وش تقول

لؤلؤة البر ماشاء الله تبارك يوم وراح الالتهاب .. المشكلة ماأقدر أغير الدكتورة لأنها الاستشارية...

عيون_الإمارات :

مساء الخير كروشات اشحالكم؟؟ اول ما رجعت البيت هلكانه نمت على طول حتى ما تغديت معه اني كنت جوعانه قمت الساعه 3 الظهر وكليت لي خبز اسمر معه لبن مراعي شو اسوي لازم التزم :44: الحين بكتب لكم بالتفصيل طبعا وصلت الساعه 10 وعشر دقايق للمستشفى وتميت انتظر للساعه 11 ودخلت عند الدكتورة اول ما شافتني قالت انتي ما ولدتي وتضحك قلت لها حرام عليج توني في نص الثامن قالت اخبار السكر عندج قلت لها التزمت اول يومين وبعدين قلت لها ما قدرت التزم لاني قلت بجرب اكلنا اليومي وكنت اسوي فحص واشوف النتيجه اوكي يعني مو مرتفع السكر قالت ليه ما تلتزمين حرام عليج وزنج زاد شو تاكلين قلت لها شوفي العصر مو دوم بس اذا اجت في نفسي اكل حلاوه لازم اكل قالت سويتي فحص بعد الحلاوة قلت لها لا قالت تعرفين بيطلع 200 او فوق ال 200 :35: قلت لها اكل الحلاوة العصر علشان كذا ما اسوي فحص ضحكت قالت حركات يعني قالت جربي وشوفي كم بيطلع قلت لها اوكي المهم احرجتني الدكتورة قدام زوجي ما شاءالله جسمه اوكي قالت شووف ابي زوجتك بعد النفاس اتكون مثلك قال زوجي اوكي ما عليج لا توصين حريص بمشيها يوميا 5 كيلو حسيت نفسي صج برميل وناوين عليه ههههههههههههههههههههههه المهم سوت لي سونار شافت البنوتة قالت الحمدلله البنت اوكي قلت لها ابي صورة لوجها تمت اتحاول اتحاول ما بين وجها ما شاءالله عليها فديت قلبها حاطه ايدها ومره رجولها على وجها قالت انتي وحظج وطلع حظي ردي :44: بس قالت لي لازم تلتزمين حرام عليج وزنج زاد في المراحل الاخيره في حملج خوفتني قلت لها انا الي اعرفه انه اول اول الشهور تمتن الحامل قالت اكثرهم بس بعضهم يزيد في اخره انا انطميت قلت ياربي لين متى بتم جيه دبه لازم بعد النفاس ان شاءالله اسوي رجيم وامشي قالت لي انه في وحده فكت لها الربط الصبح وفي نفس اليوم العصر ولدت اتصلت اتبشر الدكتورة قالت شوفي سبحان الله كان الربط ماسك البيبي انا قلت لها يارب انا كذا في نفس اليوم اولد اتعذب مره وحده قالت الي ربي كاتبه لج بيصير وسألتها عن ابره الظهر قلت لها تنصحيني اخليهم يعطوني ياها وقت الولاده قالت ايوا حبيبتي عادي خليهم يعطونج ياها ليش لا انا كنت متخوفه من ابره الظهر من كثر ما اسمع عنها في المنتدى ومن جلسات الحريم طلع كلامهم كله اخرطي وان شاءالله يارب اذا جتني الولاده يكون في فتره الصباح لانه دكتور البنج يكون مداوم الصبح بس يعني انا وحظي ويااااااااااااااارب يكون موجود في الوقت الي اولد فيه وقلت لها احس بشد مره يعور في اسفل البطن قالت لي عادي لازم اتحسين في هالشيء الحين انتي في الثامن عاد لا تخافين بس لو حسيتي بألم مره قوي وتحسين بطلق تعالي بفك الربط ..وان شاءالله ما تحسين بشيء لين 30-1 وبفك لج الربط فيه وبنحط لج جهازلفحص الطلق قلت لها دكتورة ابي بنج او شيء يخفف الالم لانه يقولون يعور قالت بنتفاهم هذاك اليوم وضحكت هههههههههههه حست اني كل شيء اعرفه وقلت لها نحن امسوين تجمع في عالم حواء للرابطات قالت والله شيء حلوووو واستانست مره قالت حلووو شو اتقولون قلت لها كل وحده اطمن الثانيه وكل وحده تتكلم عن الاشياء الي تعرضت لها وناخذ خبره من البنات الي رابطات قبلنا مره استااااااااااانست قالت والله فكره حلوووه تستفيدون من بعض قلت لها ايه:39: وكلمها زوجي قالها انا ما ابي زوجتي اداوم ما بقاء الا الشيء القليل وانا خايف عليها في الدوام لو سبحان الله صار شيء عليها وغير كذا في رجال في الدوام لو طلع شيء انا اعرفها ما بتطلع لو بتموت من مكتبها والبيت بعيد عن الدوام 20 دقيقه والمستشفى قريب البيت قالت انا ابيها تتحرك على الاقل اداوم هاليومين الاربعاء والخميس علشان ما يقولون عليها تتميرض واذا تعبت تيجي عندي وانا بكتب لها اجازة طارئه قالت انا ادري انه الاسبوع الجاي بشوفج عندي وتبين اجازة لانج اكبر خوافه ادري فيج ههههههههههههههههههه قلت لها ان شاءالله اتكون اموري طيبه واداوم عادي بس بعد ما تفكين الربط ما بداوم الحين انا احس اشوي بأمان من الربط وفوق هذا خايفه قالت موب مشكله شوفي هاليومين اداومين فيهم ومن اسبوع الجاي اذا تبين اجازة خبريني وانا بكتب لج قلت لها جزاج الله خير يارب كتبت لكم قصة حياتي :27:

مساء الخير كروشات اشحالكم؟؟ اول ما رجعت البيت هلكانه نمت على طول حتى ما تغديت معه اني كنت...