صباح / مساء معطر بالحب .. والخير .. والطاعة ...
أكيد كلنا عندنا هموم .. وكلنا ما نخلى من المشاكل .. والله المستعان الدنيا ماتصفى لأحد ..
لذلك حبيت أغير كآبة جو هالقسم بموضوع مختلف ..
إكتبي رأيك بكل شي تحبينه .. أكله معينة .. مدينة .. كتاب .. عطر .. اللي تحبين
أتمنى أقرأ آرائكم .. ويارب مايكوم الموضوع مكرر ..
أبدأ بنفسي أولا ...
من أحلى اللحظات في يومي لحظتين ..
إذا جيت أنوم وشفت زوجي وعيالي نايمين بسلام .. أحس انها لحظة سجود الشكر لله تعالى ..
ما أنسى ذيك الأيام اللي مرت علي يوم كان ولدي منوم في المستشفى وداخل العناية ..
كان ينام بغرفة .. وأنا أنام بغرفة المرافقات واللي كلهم شغالات .. وزوجي كان ينام بعيد عنا في منطقة ثانية ..
شوفوا كيف فجأة تفرقنا ..
وفي يوم من الأيام كان زوجي يصلي في مسجد المستشفى .. وكانت فيه محاضرة بعد الصلاة ألقاها الشيخ صالح المغامسي الله يحفظه .. فسجل زوجي بعض الكلمات اللي ألقاها الشيخ وسمعني اياها من جواله وكان مما سمعت إن الإنسان لازم يحرص كل يوم صباحا ومساء على هذا الدعاء :
حسيت ان الكلام موجه لي .. يعني بين يوم وليلة فقدت شي كبير من النعمة اللي كنت فيها واللي ماكنت مقدرة قيمتها ..فصرت من ذيك اللحظة أحرص على هذا الدعاء وأسأل الله القبول .. والله لا يغير علينا يارب إلا بحال أحسن ..
اللحظة الثانية : وقت العصر لما ينام ولدي الصغير الله يحفظه ويهديه مطلع عيوني ما أصدق انه يرقد حتى آخذ فترة راحة وعلى ما يقولون استراحة محارب ..
خلال هالفترة أسوي لي قهوة :
وخلال هالوقت إما أقرأ .. ومن أجمل الكتب اللي قرأتها كتب الشيخ الطنطاوي ومنها :
سبحان الله هالأديب الله يرحمه له أسلوب أدبي ساحر .. يطلعك من الجو اللي إنتي عايشته ويدخلك جو مختلف ورائع ...
وهذا الكتاب برضه حلو يصلح للي طفشان ويبغى يتسلى ويوسع صدره :
وهذا الكتاب جديد توني شاريته والله يعيني على التطبيق بس :
وأحيانا ما أقرأ .. أجلس مع ولدي الكبير ونتفرج على الرسوم المتحركة براعم وطقتها ...
من أحلى الأماكن عندي واللي لو ألف العالم كله ماراح ألقى مكان أجمل وأعظم وأكثر روحانية من هذا المكان :
أحلى عطر عندي عطر سينما عطري يوم زواجي :
باقي ما خلصت ...
شوقتينا للمتابعة..