كيفكم بنات طيبين إن شاء الله..
طبعا محدثتكم تموووووووووووووووت بشئ اسمه دونات
وياما سوت وسوت..
مرة تنشف بسرعة بعد القلي..
مرة من الخارج يابسة ومن داخل عجين .. :(
إلين توصلت لطريقة خيااااااااااااااال.. صارت ادمان
بس أهم شئ الدقة في المقادير..
تفضلوا المقادير وراح تدعوا لي إن شاء الله
المقادير:
1ـ 3 كاسات دقيق منخول.
2ـ 3م ك حليب بودرة.
3ـ 1م ك خميرة.
4ـ م ص بيكنج بودر.
5ـ رشة فانيليا أوهيل مطحون (عشان زفارة البيض) .
6ـ فنجان قهوة (زيت).
7ـ 1بطاطس مسلوقة متوسطة الحجم (مقطعة قطع صغيرة حتى يسهل خلطها بسرعة) .
8ـ 2بيض.
9ـ ربع أو نص كاس ماء حسب ( احتياج العجين) .
10ـ 4ملاعق سكر
الطريقة:
1ـ نمزج الخمس مقادير الأولى الناشفة في الخلاط .
2ـ نضع البطاطس .
3ـ نضع البيض ونحرك ونحرك.. حتى يتجانس الخليط تماما.
4ـ أخيرا الماء .. شوي شوي.
5ـ حتى تصبح لديك عجينة طرية ومتماسكة... نتركها تتخمر مدة ساعة.
6ـ شكلها لما تخمرت..ترى أنا حاطة حبة سودة
7ـ للتشكيل طريقتين حسب اختيارك بس أنا أشوف الأولى أسهل..
الأولى: نفرد العجين ... ويكون شوي سميك... وبكوب نشكل دوائر على العجين..
ونخرمها في الوسط بغطاء موية صحة أو أي غطاء صغير..
الثانية: نشكل العجين دوائر وبعدين نخرمه في الوسط بالغطاء.
8ـ ظهر شكل الدونات..
9ـ نقلي الدونات في زيت غزير وحار.. ونحاول ندخله في الزيت بالكامل..لمن يحمر.
10ـ آخر خطوة: نغطي الدونات بالسكر المطحون أو النوتيلا أو جالكسي بالزبدة..
والصورة النهائية للأسف راحت في الباي باي
وصحة وعافية على قلوبكم
و لوعجبتكم ادعولي الله يهدي اخواني ... ويوفقني بدراستي.. ويخليلي أمي وأبوي..يارب
إن شاء الله يكون الشرح واضح
وأي سؤال أنا حاضرة..
آسف جدا جدا
بس شفت الصور كبيرة اخترعت :D
عموما حطيتها عشان تشوفون عدل..
سلام عليكم