أحلى سنين عمري ضاعت بسبب زوجي ... فيني غضب اتجاهه مو قادره اسامحه

السلام عليكم
انا حكايتي حكايه ... تزوجت من ١٤ سنه ... زوجي رجل طيب و ما عليه كلام .. بس دايما كان فيه بينا مشاكل .. عندي ولد و بنت انجبتهم بعد ٦ سنوات زواج ... علاقتنا الخاصه كانت تصير بالصدفه .. من احنا عرسان .. ظننت أن الموضوع طبيعي أو بالاحرى هو اقنعني انو فيه رجال عمليين .. طيب ليش تزوج !! لم اشعر في يوم انني مرغوبه او عروسه . مع اني جميله جدا حسب كلام الاخرين .. و كان دايما يقولي انو المشكله مو فيكي فيني .. طيب روح تعالج لا تظلمني معاك ما كان يرضى او يوعد و ما يهتم .. .. بعد ١٣ سنه زواج .. اصبحت انسانه عصبيه فوق الوصف و قالي لازم تروحي عند مستشاره نفسيه .. رفضت ... قالي انا دفعت و انتهى الموضوع ... شرحت للدكتوره ظروفي .. قالت لي زوجك هو السبب و اكيد انتي الآن تشعرين بعدم الثقه بالنفس و قالت لي انتي ما فيكي شي هو يلي يحتاج علاج لانو علاقة الزواج اهمها العلاقه الخاصه هي يلي تقرب بين الزوجين .. قلت لها معقوله مهم الموضوع لهادي الدرجه قالت طبعا ... قالت لازم يتعالج و اصري على موقفك في هذه المره .. قلت له الحوار و حس على نفسه اخيرا بعد سنين ... و طلع المشكله يلي عنده نفسيه و تعالج و لله الحمد ... و ما حسأله ايش السبب النفسي او ايش تعرض في حياته اهم شي انو تحسن و اصبحت علاقتنا طبيعيه ..
بس المشكله اصبحت فيني الآن .. اشعر ان سنين عمري ضاعت مع واحد صحيح كان مريض نفسيا بس اناني .. كان من زمان المفروض يتعالج ... حتقولي ليش ما رجعتي بيت اهلك .. انا قبل الزواج اهلي تعبوني من ناحية لازم اوافق مع اني كنت صغيره .. ففضلت اعيش مع زوجي على اني ارجع مطلقه عند اهلي .. هادا الكلام قبل الخلفه .. بعد الخلفه .. خلاص قتلت مشاعري و فنيت حياتي لعيالي بس وصلت لمرحله ما قدرت اكمل و لله الحمد جا العلاج بيد الله ثم الدكتوره .. مرات اواسي نفسي و اقول لعل و عسى اخدت اجر صبري عليه ... غيري يمكن كان خان او انجنت .. سنين و اتساءل ايش فيني ليه يعاملني بهذا الجفاء ما خليت طريقه ... و حتى اهملت شكلي في هذه السنين بسببه .. كنت كل لما البس و مرات لبس عادي بس مرتب يهاوشني و يقولي انتي حاطتني تحت ضغط .. الآن رجعت اهتم ... هو وسيم ماشاء الله بس احسه كبر الآن .. اكبر مني بعشر سنوات .. قاعده اقوله ارجع زي اول اهتم بشكلك و جسمك ... يقولي اوك .. احس مشاعري ملخبطه و احس نفسي ارجع عروسه
فيني يا خواتي غضب داخلي اتجاه زوجي ... امس قعدت اشوف صور ملكتنا و ابكي ... ليه حرمني من اجمل اللحظات ... اذا هو مريض ليش تزوج و ظلمني معاه .. ١٣ سنه ضاعت مو سنه و لا سنتين ... مشاكل و تعب ...