السلام عليكم ..
شخباركم كيف حالكم بنات حواء الغاليات اشتقت لكم كثير :27: .. إن شاء الله طيبين ..
مبارك عليكم الشهر الفضيل .. الله يتقبل منا ومنكم الدعاء وصالح الأعمال ويغفر لنا ذنوبنا ماتقدم منها وما تأخر ويرحمنا برحمته الواسعه .. وربي يعوده علينا وعليكم بالصحة والعافية :smile:..
جبت لكم طبق شهي شكل روعة وطعم أروع :p .. قبل مـا أبدأ .. أطلب منكم تدعـون لي ..
ان ربي يحقق اللي في بالي آميـن كريـم :35:..
بسم الله نبـــــدأ ..
●●●●●●●●●●
المقاديـر ..
●●●●●●●●●●
5 بيديجان
لحم مفروم
بصل مفروم ..
1 معجون الطماطم ( راح تستخدمينه في اللحم المفروم .. والصلصة )
البهارات ..
ملح + فلفل أسود وأحمر ..
ومقاديـر الصلصة ..
1/2 كرتون معجون الطماطم .. كاس مويه .. ليمونه ..
●●●●●●●●●●
الطريــقة ..
●●●●●●●●●●
نخلط اللحم المفروم مع البصل المفروم باليد .. مع وضع معجون الطماطم على حسب كمية اللحم .. ويرش بالملح والفلفل الأسود والأحمر
ونخلي المكونات تتجانس في صحن غزير .. ويوضع بالثلاجه ..
يغسل البيديجان ويقشر ونقطعه بشكل طوالي حلقات .. بطبقة متسوطه ماتكون ضعيفه ولا سميكه ..
ونقليـه على نار متوسطة .. نحمره على الجهتين ..
ونحطه في صحن كلينكس خاص للقلي عشان يشرب الزيت ..
●●●●●●●●●●
يتبـ’ـــع ..
بعد مانخلص قلي البيديجان .. تحضرين اللحم المفروم من الثلاجه ونبدأ باللف ..
نكور اللحم بشكل طويل ونحطه في وسط البيديجان ..
ونلفه بهذا الشكل ..
وبكـذا ننتهي من اللف .. ونصفه بصينية الفرن .. اذا كان في مجال .. أنا حطيت لحم المفروم بروحه بدون مالفه مع البيديجان ..
بعد كذا .. نخلط مقادير الصلصلة مع بعض وإذا كانت خاثره زيدي المويه ..
و نصبها في الصينية .. الكمية ماتكون غزيرة ولا قليلة .. يعني وسط ..
وندخلها الفرن بنار وسط.. وشيكي عليها راح تشوفين الصلصة نشفت .. بس انتبهي لاتنشف كلها وتحترق ..
وطلعيــها ..
●●●●●●●●●●
بيكون هذا شكله النهــــــائي ..
●●●●●●●●●●
وهذا زوم أقرب
●●●●●●●●●●
وعوافــ’ـي
●●●●●●●●●●