اليوم جايبه لكم أكله رائعه وبسيطه ان شاء الله تعجبكم
نبدأ
المقادير:
كوسه حسب حجم الصينيه
بطاطس أقل من كمية الكوسه مقطعه حلقات
لحمه مفرومه ومعها كزبره وشبث وبصل
زيت للقلي
ملعقه وسط بهارات مطحونه
3حبات طماطم مطحونه
ملعقه معجون طماطم
ملح
لتغطية الوجه :
1|جبنه كرفت مبشوره
2| طحينه مكونه من ( نصف كوب ماء+ ملح+ فلفل أسود+ نصف ليمونه +نصف ملعقه خل )
الطريقه :
نتابع مع بعض بالصور
في البدايه نتبع الخطوات الي في الصوره على الكوسه
والافضل تكون الكوسه أكبر من الي أستخدمتها لكن كان هذا الموجود عندي
أتمنى تكون الصوره واضحه وبعد كذا رصيتها في الصينيه عشان أعرف الكميه
كافيه والا لا وبعد كذا أشيلها وأقليها وبعد كذا أجففها من الزيت مثل ماهو واضح في الصوره الجايه
بعد كذا نقشر البطاطس ثم نقطعها دوائر ثم نقليها كما هو واضح في الصوره السابقه
بعد ذلك نرص الكوسه المقليه أولا ثم البطاطس فوقها كما في الصوره الجايه
بعد كذا نجهز اللحمه المفرومه طبعا أنا من الاساس مفروم معاها بصل وكزبره وشبث
فالي لحمتها ساده لازم تضيفها
نضع اللحمه في طاجن ونحركه الى أن تستوي ثم نضيف الطماطم المطحونه ونتركها قليلا
ثم نظيف معجون الطماطم والبهارات والملح
ونتركها قليلا الى أن يثقل قوامها كما في الصوره ثم نسكبها فوق البطاطس ونغطيها تماما
والخطوات في الصوره التاليه
بعد كذا نقسم الصينيه الى ثلاث أقسام
القسم الاول نغطيه بالجبنه المبشوره
القسم الثاني ما عليه شيء
القسم الثالث نصب فوقه الطحينه ببطء وعلى فكره يكون قوام الطحينه ثقيل شوي
ثم نغلف الصينيه بالقصدير وندخلها الفرن لمدة ثلث ساعه من تحت وبعدين نشيل القصدير
ونشغل عليها من فوق الى ما تتحمر
أترككم مع الصور
وهذا شكلها بعد ماطلعناها من الفرن
وهذا بعد التقطيع
جربوها تراها لذيذه مره ولا تتوقعونها صعبه تراها سهله جدا
:cook:
أن شاء الله تعجبكم أكلتي ومايروح تعبي سدى
وكل عام وانتم بخير