أنا فالصيف كيصبح السمك هو أكلتي المفضلة واليوم قلت لازم نحط وصفتي المفضلة في طهي السمك الا وهي الطريقة المغربية التقليدية ، غير أنا عندي إضافة بسيطة وهي القوق ، وإليكم المقادير:
كيلو فيلي سمك أبيض مثل (كابيو)
نصف كيلو جزر، ونصف كيلو بطاطا
فلفلة خضراء وفلفلة حمراء
٢بصلات متوسطين ، وأعواد القزبور
ثلاث حبات طماطم ، وربطة قزبور ومعدنوس
سبع حبات قاع قوق ، نصف كاس عصير الليمون الحامض
حامضة صغيرة مرقدة ، ١٠حبات زيتون أحمر
علبة مركز طماطم صغيرة ، نصف كاس زيت زيتون
مكعب مرق السمك ، وملعقة صغيرة من كل ما يلي:
ملح ، ثوم ، فلفل حلو ، فلفل حار، كامون
نخلط شرمولة ونرقد فيها قطع السمك لمدة ساعة ، فنفس الوقت نحضر الخضر ونقطعها ثم نشرع فتحضير الطاجن نفرغ قليل من الزيت فالطاجين ونفرش أعواد القزبوز
نقطع البصلة دوائر والحامض مرقد ونحطهم فوق أعواد القزبور، وهذا هو سر لذة هذالطا
ثم نضيف فرشة ديال الجزر مقطع بالطول
وفرشة ديال البطاطا بالعرض
من بعد نرص قطع السمك ونحتفظ بالباقي ديال شرمولة
الطبقة التالية غتكون الفلفلة خيوط في ديكور متناسق
ثم الطماطم ونفرغ عليها شوية من شرمولة
وفي الأخير القوق مغمس فشرمولة المتبقية ، ثم الزيتون وماتبقى من زيت الزيتون ،وندخله للفرن على درجة حرارة متوسطة لمدة ساعة
ملاحظة:أنا ماكنضيفش الماء تماما ، الخضر والسمك هما اللي كيطلقوا ماؤهم
وهاهو من بعد ما نضج كيجاكم؟
هذا شكله في الطبق إنما فالحقيقة أنا كنبغي ناكله من الطاجين
إو ياك طاجين ديال هذا النهار.....!
بس شو هوا القوق ؟