طبعآ انا دورت عجينة الفانداون في كل مكآآآآآن
وفي الأخير لقيتها في ديكور الكيك بجده
يقولي العجينه الوحده في العلبه تخليوا 40 ريال
لو ابغى أسوي كيكه مكونه من 3 طبقات مثلا كم يكلفني سعرها
عشاااان كذا جلست أدور في النت وأحووووس
لييين لقيت الطريقه
والطريقه وربي مآآآره سهله
دوخت وانا ادور عليها وفي الأخير طريقتها موويه
انا كنت ادور في النت ولقيت شيف مصري يسويهآ
وطبقت نفس اللي سواه ونجحت معاي الحمدلله
وبصراحه مثل ماستفدت حبيت افيدكم
ومابخلت عليكم
عشان كذا ابغى دعوه منكم ان الله يرزقني بالذريــــــــه الصالحه عاجلا غير آجل
وتفضلوآ الطريقه
سكر بورده بس لازم السكر يكون سكر خاص بالحلويات ( حسب الرغبه) << يعني على حسب كبر حجم الكيكه وكم طبقه بتسوي
وشيـــــــــره اللي هي مكونه من سكر ومويه بس لازم تكون الشيره بيضآ لونها لاتخليها مره تغلي لين تسير صفرآ خطآ تغلي لييين تسير شيره عآديه
وممكن تاخذي شيره جاهزه من السوق وهي شيرة قودي مآآره حلوه
الطريقه
ناخذ السكر ونطحنه ليييين يسير بودره
وبعد كذا ننخله بالمنخل عشان لو فيه بقايا سكر لاتخرب علينا العجن او شكل العجينه
بعدين نضعه على لوح بلاستيكي او صينيه ونضع عليه الشيره ونعجين ليييين مايتماسك معنا
طبعا اذا حسيتي انها تفتت معك وخفتي وقلتي شكلها خربت مثل ماسويت انا خطأ
عادي هي تتفت وانتي تعجني فيها بيدك وطول ماأنتي تعجني رشي سكر واعجني
لازم تعجنيها كثيييييير بعد كذا تتكون لديك عجينه متماسكه ناعمه لونها ابيييض تطلع روعه بإذن الله
وبالعافيه عليكم
وانا سويتها وهذا شكلها النهائي
والله انها احلى من حقت ديكور الكيك
ماشاء الله تبارك الرحمن
وأي استفسآر تفضلوآ