حقول لكم قصتي مع أطفالي العام الماضي
واللي خلتهم ولله الحمد
أفضل بكثير من السنوات الماضية من ناحية مقاومة امراض تغير الجو
كنت في السابق أشيل هم إذا حسيت إنالجو بدأ يبرد
أما الآن والفضل يعود لله أولا ثم لجارتي اللي أرشدتني لهذه الطريقة
قالت لي جارتي
إذا جاء طفلك ينام بالليل جيبي رشاد ملئ الملعقة اللي نستخدمها
للكريمة وحطي الرشاد بفمه وأعطيه موية
عشان يدفع الحبات
طبعا في البداية لقيت صعوبة ,كانو أطفالي يرفضونه وكنت أنا آكله
وأقول يم يم يم عشان أشجعهم
أما الآن هم اللي يجون يذكروني له لأنهم تعودو عليه
والله إنهم الآن مايتعبو إلا تعب خفيف يعني عطسة خفيفة مع إنهم في الماضي
كانو أنواع التعب , حرارة وخمول وحساسية في الصدر وأحيانا بقعدو شهر كامل على هالحال
والله إني مشغولة جداجدا وبكرة عندي عزومة ولازم أنام بدري
عشان أصحي وأزين أشغالي
لكن والله حبيباتي الحوائيات ماهانو عليه ..قلت أكيد إنكم تعانون
مثل معاناتي..
وكذلك خفت إني أكون ممن يكتمون العلم ولا يعلمونه
واللي ماتعرف الرشاد حنزل لكم صورته
والرشاد يعرف بالطب النبوي بإسم الثفاء
وترا هذي الطريقة تصلح لنا حتى حنا ياالكبار, لكن نأخذ ملعقة كبيرة
ياليت اللي تقرأ موضوعي تدعي لي بالتوفيق بالدنيا والدين وإنه يسخر لي
زوجي وابنائي