مراحب أخواتي جميع
علشان خاطركم ببدأ أول موضوع لي بهالمنتدى بهالفطاير
الصراحة هالعجينة أخذتها من صديقتي ربي يجزاها خير وخلاص بعتمدها إن شاء الله
لأني جربت عجينة العشر دقايق بس ما اعجبتني أسوي الفطاير وان دخلت الفرن تضيع معالمها ما يعجبني شكلها
بس هالعجينة مرتبه مرة وهششششه حتى لو قعدت لثاني يوم
نجي للمقادير زي ما كتبتها لي صديقتي
3 كاس طحين كويتي
كاس ماء دافئ
كاس صغير زيت (كاس جبن كرافت اذا ماعندك كاسات صغيره)
ملعقة خميره
ملعقة بكنج باودر
3 ملاعق حليب جاف
اقل من النص فنجال سكر
رشة ملح
والطريقة جميع المقادير تخلط مع بعضها إلا الطحين ونتركها شوي بعدين نضيف لها الطحين ونعجنها
لين تصير عجينه متماسكه بعدين نتركها نتخمر نص ساعة ونشتغل عليها أنا دهنتها بحليب قبل ادخلها الفرن علشان يعطيها لمعه
أتوقع بتقولون الزيت كثير أنا زيكم ما صدقت انها بتطلع كذا قلت الزيت كثير بس الحمد لله ضبطت ..
وهذي صور تطبيقي لهالعجينة يوم جونا ضيوف سويتها لهم وطلبوا طريقتها
دعواتكم لصديقتي ربي يشفيها ويسعدها