وهذه اعادة للطريقة بالخطوات المصوره لتكون اوضح لكن
(العرايس) اللي تجي مع المشاوي تكون خبز وفيها لحم ومحمره من فوق وطبعا هي اساسا تتسوى على الفحم لكن بما انه الواحد ما بيقدر دايما يطلع بره ويشوي او ما عنده حوش الواحد عشان يشوي فيه ففي طريقه حلوه ويطلع طعمها روعه وبفرن البيت والطريقة سهله جدا
والطريقة اكيد علمتني اياها ماما الله يخليها لي ويحفظها
لكن فكرة (الخبز المصري) للامانه اخذتها من( الاخت الغاليه ريهام كمال بمنتدى اخر) نحنا عادة بنسويها بالخبز العربي اللبناني لكن جربتها بالمصري وطلعت لذيذة كتير :) اما المقادير فهي مقاديري اللي متعوده اسويها من ماما فيها اختلاف شوي عن طريقة ريهام كمال.
اول شي اخليكم مع الصور
صورة قريبه وفتحت الخبزة تشوفوا اللحم هذي الصورة من الموضوع السابق
المقادير:
اما انكم تجيبون خلطة كباب جاهزة من اللحام يكون فيها البصل والبقدونس والبهارات والملح او انكم تسوونها بالبيت وعشان تسوونها بالبيت (انا سويت الخلطة بالبيت)
اللي يجب اللحمه الكباب جاهزة يزيد عليها بالبيت حبة بندورة متوسطه مفرومه ناعم (عشان ما تطلع اللحمه ناشفه لما تنشوى بالفرن)
ربع كيلو لحم مفروم ناعم جدا + 15 عرق بقدونس مفروم ناعم + بصلة متوسطة مفرومه ناعم جدا + بندوره متوسطة مفرومه مكعبات صغيرة جدا + ملح + بهار اسود + قليل جدا من 7 بهارات + ملعقتين كبار زيت زيتون(اختياري فلفل احمر بودره للي يحب الحر شوي بس).
يعني تجيبي اللحم مفروم ناعم مره وتفرمي كل شي على حده وتخلطينهم بعدين كلهم سوا بيدك زين تخلطينهم باليد.
الطريقة :
تجيبي خبز لبناني سميك شوي مو الرقيق مره في نوعية سميكة شوي مثل الخبز البيتي يكون مدور وسط او المدور الصغير ااذ ما لقيتوا الخبز البيتي السميك في الخبز المدور نفس مال الشاورما والفلافل
تجيبيه وتفتحيه من جهة واحده شوي وتمدي فيه شوية من اللحمه وترصيها داخل الخبزة زين بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الامام والخلف بس لا تمليها زيت بس مسسسح بيدك على خفيف (انظري للصورة)
وتخلصي الكمية كلها بهالطريقة
ثم تقسميها لاربع اقسام (انظري للصورة)
بعدين تلفي كل خبزة بالسيلفر (القصدير) وتحكمي عليها الاغلاق وتخلي اللفه المفتوحه من فوق عشان ما ينزل ماء اللحمه لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 - 200 درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة على حسب نوعية الفرون ونوعية الخبز.
بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون واحكمي الاغلاق عليهن لمدة لا تقل عن خمس دقايق، عشان تطرى الخبزة شوي اذا كانت محمصة والطعم احلى من اي مطعم واغلبي فيه المطاعم
وهذي صورة اخرى مره ثانيه للشكل النهائي
واذا كان تريدونه على الفحم ترى نفس المقادير ونفس الطريقة بس بدل السيلفر ما تليف بورق القصدير لا حطيه بالشبك الخاص واضغطي عليه وحطيه على الفحم وبس
وصحتين وهنا واي سؤال انا جاهزه يا بنات ترى تحسون الطريقة طويله لكن هي سريعة خاصه اذا تجيبون خلطة اللحمه جاهزة ما تاخذ منكم وقت ابدا وقولوا لهم نبغي لحمة كباب وبس زيدوا عليها انتم في البيت حبة بندورة مفرومه ناعم.
ومثل ما قلت اي سؤال تراني جاهزة يا بنات
جربوها وحتعجبكن كتير ودعواتكم لي بان الله يرزقني الحمل
في حال تطبيق الوصفه يا ليت يتم وضع صورة التطبيق هنا
http://forum.hawaaworld.com/forumdisplay.php?f=211
واكيد الطعم رووووعه
الله يرزقك الذريه الصالحه امين يارب العالمين ويووفقك