أحلى فكرة : قفازي بطريقتي

بسم الله الرحمن الرحيم


السلام عليكم ورحمة الله وبركاته


مع إن عندنا الأحوال في جده منقلبة إلى حد كبيربس فضيت نفسي عشان أنزل هالموضوع


وش يدري الواحد وش بيصير له عالأقل يحاول ينشر حسنة قبل ما يصير له شيء



عالعموم (( اللهم سلم المسلمين ))

..............................

السالفة وما فيها إني الحمدلله منّ الله علي بلبس القفاز وقت الخروج


ودائماً ما اشتري قفازات وتخرب من أول يوم
طبعاً القماش المستخدم جداً رديء

سعرها الثلاث بخمسة ريال

ومايمر اسبوع
إلا وكلها شكلها معدوم واللي تلبس قفاز تعرف هالكلام


ودورت لقيت على قولتهم الأصلي الوحدة بعشرة

والصراحة كمان ردئية
شريت ثلاث
القماش غير بس الخياطة جداً ردئية تفككت الأصابع
وبعضها فيه عرض بشكل غير طبيعي كل وحده خياطتها غير الثانية

يعني بالعربي ما تنفع


ففكرت إني أودي للخياط قماش نوعيته ممتازه وأخليه يخيط لي هو قفازات

طبعاً هالكلام من قبل أيام الحج

وهذيك الأيام الخياطين زحمة


وبعدها منّ الله علي وشريت مكينة

طبعاً خبرتي بالخياطة بسيطة

ففكرت إني أسوي قفاز

فرحت فتحت القفازات اللي عندي صارت مرة صعبة

واللي عندها قفاز تشوف كيف مخيطينه


الأصابع بعدين في أطرافها قطع صغيرة مره صارت صعبه

وجلست والله وقت أطلع بدون قفاز ومعي بنتي أشيلها وأحطها وتحوسني حوس

وعاد الناس في جده عارفه (( مركاز العمده )) في واحد جنب بيتنا كل ما طلعت زحمة شباب

ليل نهار
والصراحة اللون الأسود (( العباية )) يبيض يدك بشكل حلو

يعني الأفضل تغطي يدك وقت الخروج وفي السيارة شيليها وبس

وجلست أفكر قلت ليه مخيطينها بها الشكل أكيد عشان تناسب كل المقاسات

وأنا وش دخلني بسوي وحده على مقاسي يعني وش دخلني بها القطع اللي فيها


فلقيت عندي قماش تنورة ما استخدمتها (( مطاطي نوعاً ما ))

بعدين جبت ورق مقوى ورسمت عليها يدي
طبعا حاولت إني أركي القلم على يدي وقت الرسم عشان بخيط على نفس الرسم وما تطلع ضيقة (( يعني تفرجي بين أصابع قد ما تقدري ))
وكل وحده تسوي لها باترون على يدها يكفي يد وحده بعدين نفس الباترون ركبيه لليد الثانية ..

1


بعدين قصيته وزدت عليه من تحت تكملة اليد وثبته بدبابيس

2

بعدها ثبته عالقماش


ولازم نراعي هالنقطة إنه لازم يكون القماش ( الجهه المطاطية) بالعرض

حتى لما تلبسي يتوسع بالعرض مو بالطول


بعدين خيطت بالإبرة عشان يثبت معي وبعدها خيطتها بالمكينة

3


خلصت اليد الأولى وصار فيها كم خطأ...

وقلبت الباترون عالقطعة الثانية

وهذي اليد الثانية قلت بخيطها على طول بدون خياطة بالإبرة

وبديت من تحت لإني غلطت أول ثنيتها من تحت في النهاية فتوسعت علي

فبديت أثنيها من تحت بعدين أخيطها لو يكون باليد بخياطة متقنة يكون أفضل

4

بعدها خيطتها من الأطراف بدون ما شلت الورق


5


عدت على الخياطة أكثر من مرة وعندي غرز تطريز في المكينة فاخترت وحده مقاسها صغير

وثنيت على الخياطه فيها عشان ما تتفكك علي بعدين


وبعدين قصيتها من بعد الخياطة


6

وهذي بعد ما خلصتها طبعاً الي خيطتها الثانية طلعت أحسن


الثانية هي اليمين


7

8

9

10

والله الحمدلله فرحت فيها حسيتها انجاز :35:
ولي يومين طلعت فيها الحمدلله القماش عال العال

أول كان مبهذل حاسه نفسي شحاته من كثر التنتيش اللي فيها

هذا و الحمدلله أولاً وآخراً

حاولت أبسط الشرح قد ما أقدر على إني هذرت وااااااااجد

واللي تبغى تنقل الموضوع تنقله مع ذكر الإسم والمصدر

ماكان من صواب فمن الله وماكان من خطأ فمن نفسي والشيطان


ادعولي بالستر دنيا وآخرة

ولبنتي بالصلاح والستر

(( عمرها سنة ونص فديتها:04: ))

وكمان إدعولنا في جده


أسأل الله أن يعيد كل غريق وكل مكروب إلى أهله وذويه


ويحفظنا الله من كل مكروه ..

مع التحية :26:احساس مبدعة

وصلى الله وسلم على نبينا محمد وعلى آله وصحبه أجمعين ..