كيفكم حبايبي إن شاء الله مبسوطين ومتعافين وطيبين .. الله يديم علينا وعليكم الصحة والعافية ,,
الغاليات ,,
بخبركم عن قناع حلو ومن جربته أول مره على وجهي ورقبتي طلع حلو والبشرة تحسين مخمليه
ما شاء الله
انت استخدميه وشوفي الفرق وسعره في حدود ال35إلى 40 ريال فيه 4 حبات تستخدمين كل اسبوع وحدة من هالقناع ..
هو جاي على شكل عجينه يعني مو سايل .. فيه منه بعدة أنواع على حسب بشرتك وهو طبعا ً بالفواكه أنا اللي عندي للبشرة المختلطة وهذي صورته
وفيه للبشرة الدهنية والجافة ..
طريقته ..
بعد تنظيف وجهك بالغسول المناسب خذي حبة من علبة القناع وافتحيها وهي للإستعمال الواحد بس يعني فرغيها وارميها ..
وجهك بيكون مبلل بالماء وزعي القناع جيدا ً على الوجه والرقبة مع التدليك اتركيه لمدة 15إلى20 دقيقة بعدين اشطفي وجهك ونشفيه ..
وبسسسسسسسسسسسسسس كرري العملية كل اسبوع مرة
بعدها شوفي الملمس واللون تحسين الإجهاد والشحوب يروح من وجهك واستمري على هذا القناع لمدة كم شهر وشوفي النتائج الأروع ..
وسلامتكم ,,
أنا ودي بعد استخدم هالمجموعة للوجه والعين والجسم لأن راعي المحل يمدح لي هالمنتج ..
والحمد لله أن المنتجات هذي مو غالية اسعارها حلوة ومعقولة ..
هاه وشرايكم في هالمجموعة نبدأ بسم الله فيها وإلا ’’’
اتمنى اللي استخدم شي منها يفيدنا ..
أترككم مع صور للمنتجات ..
الكريم اللي بالعنب الأسود هذا للعيون أحسه حلو مدري والباقي للوجه ’’
وهذي مجموعة الجسم رغوه ولوسيون وسكراب وطين بسسسسسسس شي احس الشكل منعش ,,
اتمنى اني افدتكم بتجربة جديدة والله يوفقنا جميعا ً لما يحب ويرضى ,,
لا تنسون التفاعل اللي تعرف من هالمنتجات شي لا تبخل علينا تحط الفائدة الله لا يهينكم جميعا ً ,,,
ودمتم لي ياغاليات ,,,,