مسآء الخير كروشآت

جلست أقرأ من الصفحة الأولى إلى هآلصفحة تعبت ههههه

من زمآن عنكم لكم وحشة بس مآش الظآهرالاكتئاب اللي يجي بعد الولآدة جآني قبل ههههه

أنآ مآجهزت ولآشي أبدا ومو نآوية حآليآ عندنآ زوآج بأجآزة الربيع وشآقية عمري عشآنه

بعد مآينتهي ع خير إن شآء الله أبدأ أجهز بديت أرتب أفكآري وأبحث وش أبي لأن مآلي خبرة توني بكرية



شمعة الوجود

يعطيك العآفية ع القآئمة الرآيقة حييييييييييييييل


:)

مساءك فل لبى قلبك

انا لسى ماقررت وين اجلس ببيتي او عند اهلي محتارة
باخذ شغالة شهر
وطبعا التمر امي تصلحه لي الله يخليها تمر خلاص مع سمن غنم وشوي رشاد وحبه سوداء وشوي سمسم عشان الامساك والطعم
اول شي اصحى مع الفجر وافطر وارجع انام على الساعه عشر قشر قهوة وتمرة
الظهر الغداء
على الساعه اربع او خمس قشر قهوة واي شي معه حلا او تمرة معمول اهم شي تاكلين شي
بعد العشاء على طول العشاء ومااحب اثقل عشان معدتي توجعني يامرق مع لحم او شوربة
طبعا طول اليوم لازم قشر قهوة وشاي اعشاب وعصيرات طبيعيه ضروري

والحمد للله احاول كل ثلاث ايام ازيت شعري
وادهن الاماكن الغامقه بسودو مع زيت اللوز
واعمل تقشير وحمام صح كل اسبوع لكن طبعا كل يومين ترويش
ولازم تغطون شعوركم بنات مو كل اليوم لكن على الاقل اغلب الوقت او لما تطلعي من الغرفه
وشرابات خفيفه وبنطلون لانا بالصيف ان شاء الله ولاداتنا

بنات مو معناته انا بنتهم بانفسنا عشان رجالنا او عشان الناس لا والله
زوجك صح تجملي له لكن انا اسوي الشي هذا عشان نفسي
ثقتك بنفسك تتغير وتصيرين مرتاحه
ان شاء الله بقص شعري شوي بس لاني مااحب القصير اهم شي اغير شكله
وحمام مغربي اذا قدرت اكثر من مرة
ودلكة
وان شاء الله على كم لبسة جديدة لاني من زمان مانزلت السوق عشاني اغلب روحاتي لعيالي ومع حملي هذا والثقل والتعب ابي نفسيتي تتغير ابي اغير كل شي حتى خواتي صاروا يقولون انتي صايرة نفسية

مساء الخير كروشات

بسوووومة .. الله يتمم لك حملك ويرزقك برها..
كم بنوتة عندك ؟

هلا بالحلوات

يسعدكم يارب اللي ردوا علي

وبالنسبة لتغطية الراس لازم

عشان الهوا مايدخل راسك

انا بولادتي الثانية طفشت وصرت مرة البس طرحة ومرات

لا
وبالخيرر عانيت من هوا الراس


كنت احس بصداع وهوا يطلع من اذوني

وصووت يلج

ووصفت لي امي زيت زيتون مع حبه سودا ادفيه واحطه

واربط عليه

والحمدلله حسيت العافيه بعده

بنات لاتهملون

النفاس يدخلها الهوا من كل مكان

طبعا هذي نصايح الحريم الكبار لي هاليومين

والله يقومنا بالسلامة

بسومة

اهم شي تطمنتي وطمنتينا

والله يقر عينك فيها ويصلحها لك

ودي اسوي الرباعية

وين سويتها وبكم

وهل لازم موعد قبل ولا ع طووول

وينفع انا الحين ٢٩ يعني الاسبوع الثاتي او الثالث بالسابع

اخاف مايبن او يقولون حجمه كبير

والله يبلغك العافيه