حبيت اشارك معكم بها القسم واتمنى تعجبكم مشاركتي خصوصا اني اول مرة انزل موضوع بهالقسم وحبيت افيدكم لان هالمنتدى افادني بأشياء كثيرة الحمدالله >> أخلصي:icon19:
طبختنا اليوم هي الازانيا وإن شاء الله تعجبكم..
ذاك اليوم قاعده احوس بالمطبخ :angry: وش أسوي عشاء فتذكرت اني كنت مواعده :arb: بأحلى لازانيا لانه يحبها ولاقد سويتها له كان يشتريها من برى فأختكم بالله توهقت ماأعرف طريقتها بالضبط فابعد اللف لفه بالمنتديات جمعت لي كم فكرة وطبقتها مع بعض الإضافات من عندي وهاذي طريقتي:
بسم الله نبدى..
هاذي المكرونه اللي استخدمتها
سلقتها بماء وملح وزيت
اثناء ماتنسلق قطعت بصل+ جزر + طماطم
وفي قدر ثاني حطيت شوي زيت وحمست البصل لحد ماذبل وأضفت عليه الطماط وقلبتها سوا...
وبعدين الجزر وأضفت البهارات والملح والكمون وبودرة الثوم وحمستها مع بعض..
بعدين اضفت اللحم المفروم وقلبت لحد مأقرب يستوي اضفت الكزبرة تعطي نكهة حلوة
وحركتها شوي ع اساس تتداخل وطفيت النار عنها...
بعدها صفيت المكرونه من الماء وخليتها تنشف شوي بس انتبهوا لاتحطونها فوق بعض لانها راح تلزق خلو كل وحده تنشف براحتها بس مو تطول علشان ماتيبس
بعدين فرشت المكرونه بجنب بعض في الصينية وحطيت فوقها اللحم وجبن موزاريلا او بارميزان اللي تبون ..وبعدها طبقة مكرونه ولحم وجبن وأخر شي طبقة مكرونه وفوقها حطيت الباشاميل ورشيتها بالبقسماط علشان تصير مقرمشة شوي وحطيت عليها قصدير ودخلتها الفرن عشر دقايق وشلت القصدير وحمرتها من فوق وبس.. وبالهناء والعافية
سوري بنات الصورة تبع هالخطوة مو راضية تتحمل....
ملاحظه:: الباشميل عبارة عن علبة قشطة وملعقتين كبيرة جبن سايل واخلطيها سوا وحطيها فوق المكرونه,,
وهاذا صحن للي بترد أول وحده..
أمممممممممم شوفو الطبقات كيف....
http://forum.hawaaworld.com/attachment.php?attachmentid=366335&stc=1&d=1303738147
بجد تعبت وانا انزل الصور بليز لاتنسوني من دعواتكم وان الله يرزقني الحمل السليم التام ويكفيني شر الإجهاض:44: ..
وبالعافية على قلوبكم