حبيبة زوجهـــــا :

خوخه :) ( الشموخ) شوفي يابعدي .. بالنسبه للمفارش عندك اوشيقر الدور الثاني فيه درج حديد بين محامص حلويات ومي للعطور اطلعي هالدرج يجي على يمينك لوجان وعاليسار الشلهوب وكل واحد اطلق من الثاني بالمفارش .. بتفقين فمك من شي عندهم بجد شي لايوصف بصراحه لا من موديلات ولا خامات ومفارشي منهم للحين كد ومد .. اكثر واحد خذيته منهم كويتي بـ 320 هذا اغلى شي .. والا مفرشي بولدي ترى قبل كان بـ 200 .. طبعاً نفرين فيه برضو مفارش محلات عند المصانع يسمونها اقرب شي لها حي الخالديه .. انا ماعرفه وماعمري رحت له لكن اختي واخو زوجي كل مفارشهم ومنه ويحلفون يطيح ثلث القيمه من مفارش كل اسواق الرياض ... يعني منفرد باسعاره مثل الجمله بس ماتسوى على الواحد المشوار والفارق لو كان 50 او 60 بالنسبه لي كيفه واوفر زحمات ومشاوير .. بالنسبه للكنب .. انا فصلت كنبي في اسواق بن دايل .. فيه محلات خلف محلات السجاد .. عندهم شي يهبل موديلات وتفصيل وخامه روووعه انا من رأيي لاتحطينه كنب كامل متواصل ماعاد احد يسويه الحين ذا .. ولو تبين شوري .. خلي كنبك قماشك ساده شامواه او مخمل بس لون ساده يكون مقطع منفصل مثلا الكنب عودي ( بني محروق ) وفصلي له معه خداديات كبار ووسط وانثريها عالكنب الوانها ( سكري غامق و اورنج وترابي ) او .. خلي الكنب زي ماقلت عودي بني غامق كله والخداديات ( تركوازي وبيج فاتح وترابي ) بيطلع شي ماحصل واشتري لهم طاولات وحده كبيره بالنص ومعها 2 طبعا تجي .. وخذي طاولات خدمه .. وكل ماكان ناعم وهادي كل ماكان احلى .. وخلي انوارك قد ماتقدرين صفراء مو بيضاء عندي انا انواره مجلسي ابيض بس ركبت مصابيح حائط كلاسيك صفر واباجوره كبيره صفراء ( الطويله) واباجوره عالطاوله صار كله اصفر طلع منظر المجلس صح عن قبل .. لو فكرتي المسأله بسيطه وماتحتاج ذاك الكلفه بالشي البسيط تقدرين تطلعين مجلسك ولااروع بلمساتك .. الشي الثالث فيه محلات اسواق الحراج بالدائري الشرقي ( شرق الرياض) اذا تعرفينها طبعا فيه محلات جوا كبار وفخمه تفصل بسعر زهيد والقماش لو تبين خذيه انتي بالمتر وعطيهم ايااه اذا مااعجبتك اقمشتهم انا كذا اخذت قماشات كنبي من القثمي وعطيته بن دايل محل وفصله لي طبعا كلاسيك بس خشب بني وترابي والقماش عنابي

خوخه :) ( الشموخ) شوفي يابعدي .. بالنسبه للمفارش عندك اوشيقر الدور الثاني فيه درج حديد بين...