شوفي حبيبتي بقولج عن تجربتي انا حملت وانا توني في بداية دراستي بالجامعه و تبين الصراحة زعلت واااااااااااايد لأني حملت بدون تخطيط حتى امي بدل ما تفرح بحملي عصبت لاني صغيرة و بأول سنة دراسية وحملي كان متعب جدااااااا مع اني ما صادني وحام وايد بس مجرد لوعة لكني حسيت بالثقل من شهري الرابع وانسحبت ترم عن الجامعه ولما داومت الترم الثاني كان عمر ولدي شهرين و شوية يعني لسة نومة ما اتعدل وتخيلي اروح الجامعه بدون نوم و تعبت تعب الله يعلم فيه واحسد البنات الي ما عندهم عيال اقول والله انهم مرتاحين و ينامون وقت ما يبون و يذاكرون وقت ما يبون وغير إني احاتي ولدي على طول فتركيزي بالمحاضرات قل وفي النهاية معدلي نزل الى الحضيض ااااااااه بس خليها على الله بس ما انصحج بالحمل و لا انصحج بحبوب منع الحمل , لكن شوفي اذا ما باقيلج وايد ع التخرج عادي فكري في الحمل وحتى لو كان عليج تعب فبتكون الدراسة شوية بتتخرجين لكن انا في مثل حالتي المفروض إني احرص عى اني ماحمل , وأعراض الحمل هي آلام تشبة آلام الدورة بس اشد شوية و كأنها بتنزل الدورة بس لما تروحين الحمام اعزج الله ما تشوفين شي ونزول نقطة دم في موعد الدورة وغير التعب والخمول وكثرة النوم

والله الطب تطور والعلم تطور يعني خذي حبوب منع حمل بوصفه طبيه من دكتورة وخلي عنك الخرابيط عقم ماعقم اصلا انتي ماراح تكونين فاضيه للبيبي لانك بتدرسين وهذا طفل له حقوق ومسئوليه يعني لابد تتفرغين له وكلها كم سنه وتخلصين وتحملين باذن الله اصلا حملك وانتي تدرسين صدقيني تعب وقرف تعرفين متاعب الحمل في البدايه كيف بتواجهينها مع الدراسه؟؟غير كذا اذا كنتي في جامعه الملك سعود فبتمشين مشي يمكن ينزل منه البيبي لاسمح الله
بعدين توك صغيره ممديك عالحمل والدنيا حبة حبه زواج ودراسه ثم انجاب واطفال وتربيه وحوسه الله يعينا وياك

الحمل بحد ذاته مااحس انه يعيق ان شاء الله...
لكن لما تولدين الاطفال متعبين جدا جدا جدا...يعني لو انت صغيرة انتظري شوي لما يبقالك شوي و تتخرجين...
وبالنسبة للوسيلة..مافيه احد يفيدك اكثر من الدكتورة

مبروك الزواج اللهـ يوفقك ان شاء الله
والردود جاتك ما شاء الله على اسئلتكـ

لكن رأيي.. لا تستعجلي بالحمل .. اصبري الى ما تتخرجي وانت طيبه ان شاء الله
الوقت الفاضي عندك خليه لزوجك، ولنفسك واتهنوا مع بعض .!!

نفس الحالة بس انا تزوجت وسط الدراسة والحمدلله ما اثر علي الا القليل
والان افكر في الاطفال واتمنى ربي يرزقني
ما اعتقد انه بياثر علي
توكلي على الله وربك يسهلها